ರೋಹಿತ್‌ ಶರ್ಮಾಗೆ ಸಿಕ್ತು ಲಾಟರಿ..! ಕೊನೆಗೂ ಹಿಟ್‌ಮ್ಯಾನ್‌ಗೆ ಹೊಡದೇ ಬಿಡ್ತು ಜಾಕ್‌ಪಾಟ್‌..?

Rohit Sharma: 2024ರ ಟಿ20 ವಿಶ್ವಕಪ್ ವಿಜೇತ ಭಾರತ ತಂಡದ ನಾಯಕ ರೋಹಿತ್ ಶರ್ಮಾಗೆ ಯಾವುದೇ ಕ್ರಿಕೆಟಿಗರಿಗೆ ಸಿಗದ ಅದೃಷ್ಟ ಸಿಕ್ಕಿದೆ. ಟಿ20 ಐ(T20I) , ಒಡಿಐ(ODI) ಗಳು ಮತ್ತು ಟೆಸ್ಟ್‌ಗಳಲ್ಲಿ ಐಸಿಸಿ(ICC) ವಿಶ್ವಕಪ್ ಗೆದ್ದ ಅದೇ ಸರಣಿಯ ಕೊನೆಯಲ್ಲಿ ಯಾವುದೇ ಆಟಗಾರನು ನಿವೃತ್ತಿ ಪಡೆದಿಲ್ಲ. ಆ ಅಪರೂಪದ ಅವಕಾಶ ರೋಹಿತ್ ಶರ್ಮಾಗೆ ಸಿಕ್ಕಿದೆ.

ನಾಯಕ ರೋಹಿತ್ ಶರ್ಮಾ(Rohit Sharma) 2025 ರಲ್ಲಿ ಚಾಂಪಿಯನ್ಸ್ ಟ್ರೋಫಿ(Champions Trophy) ಮತ್ತು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಗೆಲ್ಲಲು ತಯಾರಿ ನಡೆಸುತ್ತಿದ್ದಾರೆ. ರೋಹಿತ್ ಶರ್ಮಾ 2024 ರ ಟಿ20 ವಿಶ್ವಕಪ್ ಗೆದ್ದ ನಂತರ ಅಂತರಾಷ್ಟ್ರೀಯ ಟಿ20 ಪಂದ್ಯಗಳಿಗೆ ನಿವೃತ್ತಿ ಘೋಷಿಸಿದ್ದಾರೆ. 37 ನೇ ವಯಸ್ಸಿನಲ್ಲಿ ಈ ನಿರ್ಧಾರವನ್ನು ತೆಗೆದುಕೊಂಡಿರುವ ರೋಹಿತ್‌, ಯುವ ಆಟಗಾರರಿಗೆ ಅವಕಾಶ ಮಾಡಿಕೊಟ್ಟಿದ್ದಾರೆ.

37ರ ಹರೆಯದಲ್ಲಿ ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳನ್ನು ಆಡುವುದು ಸರಿಯಲ್ಲ. ಯುವ ಆಟಗಾರರಿಗೆ ಅವಕಾಶ ಕಲ್ಪಿಸಬೇಕೆಂಬ ಉದ್ದೇಶದಿಂದ ಅವರು ಈ ನಿರ್ಧಾರ ತೆಗೆದುಕೊಂಡಿದ್ದಾರೆ. ಅದೇ ಸಮಯದಲ್ಲಿ, ಅವರು ವಿಶ್ವಕಪ್ ಗೆಲ್ಲುವ ಮೂಲಕ ಮತ್ತು T20 ಪಂದ್ಯಗಳಿಂದ ನಿವೃತ್ತಿ ಘೋಷಿಸುವ ಮೂಲಕ ದೊಡ್ಡ ಸಾಧನೆಯನ್ನು ಮಾಡಿದ್ದಾರೆ, ಇದು ಮರೆಯಲಾಗದ ಕ್ಷಣವಾಯಿತು. 

ಇದನ್ನೂ ಓದಿ: ಪ್ಯಾರಿಸ್‌ ಒಲಂಪಿಕ್ಸ್‌ 2024: ಭಾರತೀಯ ಅಥ್ಲೆಟ್ಸ್‌ ಪಟ್ಟಿ ರಿಲೀಸ್‌..!

ಏಕದಿನ ಮತ್ತು ಟೆಸ್ಟ್‌ಗಳಿಂದಲೂ ನಿವೃತ್ತಿಯ ಪಡೆಯುವ ವಯಸ್ಸಿಗೆ ರೋಹಿತ್‌ ಹತ್ತಿರವಾಗುತ್ತಿದ್ದಾರೆ. ಫೆಬ್ರವರಿಯಲ್ಲಿ ನಡೆಯಲಿರುವ 2025 ರ ಚಾಂಪಿಯನ್ಸ್ ಟ್ರೋಫಿ ಏಕದಿನ ಟ್ರೋಫಿಯನ್ನು ಭಾರತ ತಂಡ ಗೆದ್ದರೆ, ರೋಹಿತ್ ಶರ್ಮಾ ಏಕದಿನ ಪಂದ್ಯಗಳಿಗೂ  ನಿವೃತ್ತಿ ಘೋಶಿಸುವ ಸಾಧ್ಯತೆ ಇದೆ. ಮುಂದಿನ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ ಜೂನ್ 2025 ರಲ್ಲಿ ನಡೆಯಲಿದೆ. ಫೈನಲ್‌ಗೆ ಭಾರತ ತಂಡ ಅರ್ಹತೆ ಪಡೆದರೆ, ರೋಹಿತ್ ಶರ್ಮಾ ಟ್ರೋಫಿಯನ್ನೂ ಗೆಲ್ಲುವ ಮೂಲಕ ಟೆಸ್ಟ್ ಪಂದ್ಯಗಳಿಂದ ನಿವೃತ್ತಿ ಹೊಂದುವ ಅವಕಾಶ ಕೂಡ ಹೆಚ್ಚಿದೆ. 

ಇನ್ನು ಎಂಟು ತಿಂಗಳಲ್ಲಿ ಟಿ20 ವಿಶ್ವಕಪ್(T20 World Cup), ಚಾಂಪಿಯನ್ಸ್ ಟ್ರೋಫಿ ಹಾಗೂ ಒಂದು ವರ್ಷದಲ್ಲಿ ವಿಶ್ವ ಟೆಸ್ಟ್ ಚಾಂಪಿಯನ್ ಷಿಪ್ ಗೆದ್ದು, ನಾಯಕ ರೋಹಿತ್ ಶರ್ಮಾ ನಿವೃತ್ತಿಯಾದರೆ ಇದು ಕ್ರಿಕೆಟ್ ಜಗತ್ತಿನ ಬಹುದೊಡ್ಡ ದಾಖಲೆಯಾಗಲಿದೆ.