ಗಿಲ್‌ ಶತಕ ಮಿಸ್‌ ಮಾಡಿಕೊಂಡಿದ್ದಕ್ಕೆ ಬೇಸಗೊಂಡ ಸಾರಾ ತೆಂಡೂಲ್ಕರ್..! ವಿಡಿಯೋ ವೈರಲ್

Ind vs SL World Cup Match : ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ವಿಶ್ವಕಪ್ 2023 ರ ಶ್ರೀಲಂಕಾ ವಿರುದ್ಧದ ಹಣಾಹಣಿಯಲ್ಲಿ ಭಾರತದ ಆರಂಭಿಕ ಬ್ಯಾಟರ್ ಶುಬ್ಮನ್ ಗಿಲ್ ಕೇವಲ 8 ರನ್‌ಗಳಲ್ಲಿ (92) ಶತಕ ಮಿಸ್‌ ಮಾಡಿಕೊಂಡರು. ದಿಲ್ಶನ್ ಮಧುಶಂಕ ಬೌಲಿಂಗ್‌ಗೆ ಔಟಾದ ಕಾರಣ ಮೊದಲ ODI ಕ್ರಿಕೆಟ್ ವಿಶ್ವಕಪ್ ಶತಕವನ್ನು ಮಿಸ್‌ ಮಾಡಿಕೊಂಡರು. 

ಗಿಲ್ ಶ್ರೀಲಂಕಾದ ಬೌಲರ್‌ಗಳ ಆಕ್ರಮಣಕ್ಕೆ ತಕ್ಕ ಉತ್ತರ ನೀಡುತ್ತಲೇ 11 ಬೌಂಡರಿ ಮತ್ತು ಎರಡು ಬೃಹತ್ ಸಿಕ್ಸರ್‌ಗಳ ಮೂಲಕ ಅಬ್ಬರಿಸಿದರು. ಆದರೂ ಕೇವಲ ಎಂಟು ರನ್‌ಗಳ ಅಂತರದಲ್ಲಿ ಶತಕ ಮಿಸ್‌ ಮಾಡಿಕೊಂಡಿದ್ದು, ಫ್ಯಾನ್ಸ್‌ಗೆ ಬೇಸರ ತಂದಿತು. 92 ರನ್‌ ಕಲೆಹಾಕಿದ್ದ ಶುಬ್ಮನ್‌ ಕೇವಲ 8 ರನ್‌ಗಳ ಅಂತದಲ್ಲಿದ್ದಾಗಲೇ ಕ್ಯಾಚ್‌ ಔಟ್‌ ಆದರು.

ಹೌದು.. ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಸೇರಿದ್ದ ಅಭಿಮಾನಿಗಳು ಗಿಲ್ ಔಟಾದ ನಂತರ ಬೇಸರ ವ್ಯಕ್ತಪಡಿಸಿದರು. ಇದೇ ಕ್ರಮವಾಗಿ ಪಂದ್ಯ ನೋಡುತ್ತಿದ್ದ ಲೆಜೆಂಡರಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಕೂಡ ಗಿಲ್‌ ಔಟಾಗಿದ್ದಕ್ಕೆ ಪ್ರತಿಕ್ರಿಯೆ ನೀಡಿದ್ದು, ಈ ಕುರಿತು ದೃಶ್ಯ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗಿದೆ.

ಇದಕ್ಕೂ ಮೊದಲು ಟಾಸ್ ಗೆದ್ದ ಶ್ರೀಲಂಕಾ ನಾಯಕ ಕುಸಾಲ್ ಮೆಂಡಿಸ್ ಮೊದಲು ಫೀಲ್ಡಿಂಗ್ ಮಾಡಲು ನಿರ್ಧರಿಸಿದರು. ನಾಯಕ ರೋಹಿತ್ ಶರ್ಮಾ ಔಟ್‌ ಆದಾಗ ಭಾರತ ತಂಡ ದೊಡ್ಡ ಹೊಡೆತವನ್ನು ಅನುಭವಿಸಿತು. ಆದರೆ ಗಿಲ್‌ಗೆ ಕೊಹ್ಲಿಯಿಂದ ಬೆಂಬಲ ಸಿಕ್ಕಿತು. ಇಬ್ಬರೂ ಮೊದಲ ಪವರ್‌ಪ್ಲೇನಲ್ಲಿ 60 ರನ್ ಕಲೆಹಾಕಿದರು.