ಮಹಿಳೆಯರ ಏಷ್ಯಾಕಪ್ 2024 ಫೈನಲ್: 20 ವರ್ಷಗಳ ಬಳಿಕ ಟೀಂ ಇಂಡಿಯಾ ಮಣಿಸಿ ಮೊದಲ ಬಾರಿ ಟ್ರೋಫಿ ಗೆದ್ದ ಶ್ರೀಲಂಕಾ ವನಿತೆಯರು

Women's Asia Cup 2024 Final: ಶ್ರೀಲಂಕಾ ಮಹಿಳಾ ಕ್ರಿಕೆಟ್ ತಂಡ ಇತಿಹಾಸ ಸೃಷ್ಟಿಸಿದೆ. 2024ರ ಮಹಿಳಾ ಏಷ್ಯಾ ಕಪ್ ಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾವನ್ನು 8 ವಿಕೆಟ್‌ʼಗಳಿಂದ ಸೋಲಿಸುವ ಮೂಲಕ ಚೊಚ್ಚಲ ಬಾರಿಗೆ ಏಷ್ಯಾಕಪ್‌ ಟ್ರೋಫಿ ಗೆದ್ದುಕೊಂಡಿದೆ ಶ್ರೀಲಂಕಾ ಮಹಿಳಾ ಪಡೆ.

ಇದನ್ನೂ ಓದಿ: ಇದು ಅರಮನೆ, ಇಂದ್ರಭವನ ಅಲ್ಲ.. ಸ್ಟಾರ್‌ ನಟನೊಬ್ಬ ವಾಸಿಸುವ ಭವ್ಯ ಬಂಗಲೆ..! ಯಾರದ್ದು ಗೊತ್ತೆ..?

ಶ್ರೀಲಂಕಾ ಏಷ್ಯಾಕಪ್ ಗೆದ್ದಿರುವುದು ಇದೇ ಮೊದಲು. ಭಾನುವಾರ (ಜುಲೈ 28) ರಂಗಿ ದಂಬುಲ್ಲಾ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಭಾರತ ಮೊದಲು ಬ್ಯಾಟ್ ಮಾಡಿತ್ತು. ಸ್ಮೃತಿ ಮಂಧಾನ ಅರ್ಧಶತಕದೊಂದಿಗೆ ನಿಗದಿತ 20 ಓವರ್‌ʼಗಳಲ್ಲಿ 165 ರನ್ ಗಳಿಸಿದ್ದರು. ಭಾರತ ನೀಡಿದ 166 ರನ್‌ʼಗಳ ಗುರಿಯನ್ನು ಶ್ರೀಲಂಕಾ 18.4 ಓವರ್‌ʼಗಳಲ್ಲಿ ಕೇವಲ 2 ವಿಕೆಟ್‌ ಕಳೆದುಕೊಂಡು ಸಾಧಿಸಿತು.

ಶ್ರೀಲಂಕಾ ಪರ ನಾಯಕಿ ಚಮರಿ ಅಥಾಪಟು ಮತ್ತು ಹರ್ಷಿತಾ ಸಮರವಿಕ್ರಮ ಅರ್ಧಶತಕ ಗಳಿಸಿದರು. ಇದರೊಂದಿಗೆ ಶ್ರೀಲಂಕಾ ಭರ್ಜರಿ ಜಯ ಸಾಧಿಸಿತು. ಅಂದಹಾಗೆ ಈ ಪಂದ್ಯದಲ್ಲಿ ಅತಿಯಾದ ಆತ್ಮವಿಶ್ವಾಸ, ಕಳಪೆ ನಾಯಕತ್ವ,  ಕೈಬಿಟ್ಟ ಸುಲಭ ಕ್ಯಾಚ್ ಹಾಗೂ ಕಳಪೆ ಬೌಲಿಂಗ್ ಭಾರತ ತಂಡದ ಸೋಲಿಗೆ ಪ್ರಮುಖ ಕಾರಣ ಎಂದೇ ಹೇಳಬಹುದು.  ಭಾರತ ಮತ್ತು ಬಾಂಗ್ಲಾದೇಶ ನಂತರ ಏಷ್ಯಾಕಪ್ ಗೆದ್ದ ಮೂರನೇ ಮಹಿಳಾ ತಂಡ ಶ್ರೀಲಂಕಾ.

ಇದನ್ನೂ ಓದಿ: ಬಿಳಿ ಬಟ್ಟೆ ಮೇಲೆ ಹಳದಿ ಕಲೆಗಳಿದ್ಯಾ? ಹಾಗಾದ್ರೆ ಜಸ್ಟ್ 5 ರೂ. ಬೆಲೆಯ ಈ ವಸ್ತುವಿನಿಂದ ವಾಶ್‌ ಮಾಡಿ

ಆರನೇ ಪ್ರಯತ್ನದಲ್ಲಿ ಶ್ರೀಲಂಕಾ ಗೆಲುವು

2004ರಿಂದ ಮಹಿಳೆಯರ ಏಷ್ಯಾಕಪ್ ಟೂರ್ನಿ ನಡೆಯುತ್ತಿದೆ. ಇದು ಈ ವರ್ಷ 8ನೇ ಸ್ಪರ್ಧೆಯಾಗಿದೆ. ಈ ಟೂರ್ನಿಯ ಇತಿಹಾಸದಲ್ಲಿ ಶ್ರೀಲಂಕಾ 5 ಬಾರಿ ಫೈನಲ್‌ʼನಲ್ಲಿ ಸೋತಿತ್ತು. ಟೀಂ ಇಂಡಿಯಾ ಒಟ್ಟು ಐದು ಬಾರಿ ಶ್ರೀಲಂಕಾವನ್ನು ಸೋಲಿಸಿದೆ. ಆದರೆ ಈ ವರ್ಷ ಶ್ರೀಲಂಕಾ 20 ವರ್ಷಗಳ ನಂತರ ಮೊದಲ ಬಾರಿಗೆ ಏಷ್ಯಾಕಪ್ ಟ್ರೋಫಿ ಗೆದ್ದಿದೆ.