Sri Lanka Players: ಬೌಂಡರಿ ತಡೆಯಲು ಹೋಗಿ ಡಿಕ್ಕಿ ಹೊಡೆದುಕೊಂಡ ಲಂಕಾ ಪ್ಲೇಯರ್ಸ್: ಗಂಭೀರ ಗಾಯ, ಆಸ್ಪತ್ರೆಗೆ ದಾಖಲು

Sri Lanka Players: ತಿರುವನಂತಪುರಂನ ಗ್ರೀನ್‌ಫೀಲ್ಡ್ ಇಂಟರ್‌ನ್ಯಾಶನಲ್ ಸ್ಟೇಡಿಯಂನಲ್ಲಿ ಇಂದು ನಡೆದ ಮೂರು ಪಂದ್ಯಗಳ ಸರಣಿಯ ಭಾರತ ಮತ್ತು ಶ್ರೀಲಂಕಾ ಮೂರನೇ ಏಕದಿನ ಪಂದ್ಯದಲ್ಲಿ, ಜೆಫ್ರಿ ವಾಂಡರ್ಸೆ ಮತ್ತು ಅಶೆನ್ ಬಂಡಾರ ಪರಸ್ಪರ ಡಿಕ್ಕಿ ಹೊಡೆದುಕೊಂಡಿದ್ದಾರೆ. ಪರಿಣಾಮ ಇಬ್ಬರೂ ಆಟಗಾರರು ಗಂಭೀರವಾಗಿ ಗಾಯಗೊಂಡಿದ್ದರು, ಅವರನ್ನು ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಇದನ್ನೂ ಓದಿ:Virat Kohli Records: ಲಂಕಾ ವಿರುದ್ಧ 166 ರನ್ ಗಳ ‘ವಿರಾಟ’ ಪರ್ವ: ತವರಿನಲ್ಲಿ ತೆಂಡೂಲ್ಕರ್-ಜಯವರ್ಧನೆ ದಾಖಲೆ ಪುಡಿಪುಡಿ

ಟೀಂ ಇಂಡಿಯಾ ಸೂಪರ್ ಸ್ಟಾರ್ ವಿರಾಟ್ ಕೊಹ್ಲಿ ಬಾರಿಸಿದ ಬೌಂಡರಿಯನ್ನು ತಡೆಯಲು ಹೋದ ವಾಂಡರ್ಸೆ ಮತ್ತು ಅಶೆನ್ ಬಂಡಾರ ಡಿಕ್ಕಿ ಹೊಡೆದಿದ್ದಾರೆ. ಫುಟ್‌ಬಾಲ್‌ನಲ್ಲಿ ಸಾಮಾನ್ಯವಾಗಿ ನೋಡುವ ಸ್ಲೈಡಿಂಗ್ ಚಾಲೆಂಜ್ ನ್ನು ಕ್ರಿಕೆಟ್ ನಲ್ಲೂ ಆಗಾಗ್ಗೆ ಬಳಸಲಾಗುತ್ತದೆ. ಹೀಗೆ ಮಾಡಿದರೆ ಮತ್ತೊಬ್ಬ ಆಟಗಾರ ಸೇಫ್ ಆಗಿ ಹೊರಬರಬಹುದು. ಆದರೆ ಇದೇ ಟ್ರಿಕ್ಸ್ ಇಲ್ಲಿ ಮುಳುವಾಗಿದ್ದು, ಒಬ್ಬರ ಹೊಟ್ಟೆಗೆ ಗಂಭೀರ ಗಾಯವಾಗಿದ್ದರೆ, ಮತ್ತೊಬ್ಬರ ಕಾಲಿಗೆ ಪೆಟ್ಟಾಗಿದೆ.

ಡಿಕ್ಕಿಯಾದ ದೃಶ್ಯ ನೋಡಿ:

ಸದ್ಯ ಟೀ ಇಂಡಿಯಾ ಬ್ಯಾಟಿಂಗ್ ಮುಗಿಸಿದ್ದು, 50 ಓವರ್ ನಲ್ಲಿ 5 ವಿಕೆಟ್ ನಷ್ಟಕ್ಕೆ 390 ರನ್ ಕಲೆ ಹಾಕಿದೆ. ಜೊತೆಗೆ ಸಾರ್ವಕಾಲಿಕ ದಾಖಲೆ ನಿರ್ಮಿಸಿರುವ ವಿರಾಟ್ 166 ರನ್ ಗಳಿಸಿ ಅಜೇಯರಾಗಿದ್ದಾರೆ. ಶ್ರೀಲಂಕಾ ತಂಡಕ್ಕೆ ಭಾರೀ ಮೊತ್ತದ ಗುರಿ ನೀಡಿದ್ದು, ಮೂರನೇ ಪಂದ್ಯವನ್ನು ಗೆಲ್ಲುತ್ತಾ ಎಂದು ಕಾದುನೋಡಬೇಕಿದೆ.