ಟಿ20 ಪಂದ್ಯ ಮುಗಿಸಿ ಹಿಂತಿರುಗುವಾಗ ಬಸ್’ನಲ್ಲಿ ಸೂರ್ಯಕುಮಾರ್-ಅರ್ಶದೀಪ್ ಜಗಳ: ವಿಡಿಯೋ ವೈರಲ್

Suryakumar-Arshadeep fight: ಇತ್ತೀಚೆಗೆ ಮುಕ್ತಾಯಗೊಂಡ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಯಲ್ಲಿ ಸೂರ್ಯಕುಮಾರ್ ಯಾದವ್ ನಾಯಕನಾಗಿ ಹೆಚ್ಚು ಇಷ್ಟವಾಗಿದ್ದರು. ತಮ್ಮ ಬ್ಯಾಟಿಂಗ್ ಜೊತೆಗೆ ನಾಯಕತ್ವದಿಂದಲೂ ಅಭಿಮಾನಿಗಳ ಮನಗೆದ್ದಿದ್ದರು ಯಾದವ್. ಮೈದಾನದಲ್ಲಿ ಸೂರ್ಯ ತುಂಬಾ ಕೂಲ್ ಸ್ಟೈಲ್‌’ನಲ್ಲಿ ನಾಯಕನಾಗಿ ಕಾಣಿಸಿಕೊಂಡಿದ್ದರು. ಆದರೆ ಮೈದಾನದ ಹೊರಗೆ ಸೂರ್ಯಕುಮಾರ್ ಯಾದವ್ ಅವರ ವಿಭಿನ್ನ ರೂಪ ಕಂಡುಬಂದಿತು.

ಇದನ್ನೂ ಓದಿ: ತಂದೆಯ ಸಾಧನೆ ಬಗ್ಗೆ ಕೇಳಿದ ಸಣ್ಣ ಪ್ರಶ್ನೆಗೆ ಉತ್ತರಿಸದ ಸುಹಾನಾ ಖಾನ್‌..! ಬಿಗ್‌ ಬಿ ಶಾಕ್‌

ಸೂರ್ಯ ಅವರ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಇದರಲ್ಲಿ ಅರ್ಷ್‌ದೀಪ್ ಸಿಂಗ್ ಮೇಲೆ ಕೋಪಗೊಂಡಿದ್ದಾರೆ. ಈ ವಿಡಿಯೋ ಅಂತರ್ಜಾಲದಲ್ಲಿ ವೇಗವಾಗಿ ವೈರಲ್ ಆಗುತ್ತಿದೆ. ಸೂರ್ಯನ ಈ ಕೋಪವನ್ನು ಹೊರಗಿನಿಂದ ಅಭಿಮಾನಿಯೊಬ್ಬ ಶೂಟ್ ಮಾಡಿ ಅಂತರ್ಜಾಲದಲ್ಲಿ ಅಪ್ಲೋಡ್ ಮಾಡಿದ್ದಾನೆ. ಸೂರ್ಯ ಯಾವುದೋ ವಿಷಯಕ್ಕೆ ಅರ್ಷದೀಪ್‌’ಗೆ ಬೈಯುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಆದರೆ, ಸೂರ್ಯ ಕೋಪಕ್ಕೆ ಕಾರಣವೇನು ಎಂಬುದು ಸ್ಪಷ್ಟವಾಗಿಲ್ಲ.

ಮೂರನೇ ಟಿ20 ಪಂದ್ಯ ಮುಗಿಸಿ ಹಿಂತಿರುಗುತ್ತಿದ್ದಂತೆ ಈ ಘಟನೆ ನಡೆದಿದೆ. ಈ ಪಂದ್ಯದಲ್ಲಿ ಅರ್ಷದೀಪ್ ಸಿಂಗ್ 2 ಓವರ್‌ಗಳಲ್ಲಿ 15.50 ಎಕಾನಮಿಯಲ್ಲಿ 31 ರನ್ ನೀಡಿ ಯಾವುದೇ ವಿಕೆಟ್ ಪಡೆಯಲಿಲ್ಲ.