ಬಾಲಿವುಡ್ ಚಿತ್ರವೊಂದರಲ್ಲಿ ನಟಿಸದ್ದರಂತೆ ಟೀಂ ಇಂಡಿಯಾ ನಾಯಕ ರೋಹಿತ್‌ ಶರ್ಮಾ.. ಯಾವ ಸಿನಿಮಾ ಗೊತ್ತಾ?

Rohit Sharma Acting Career: ಭಾರತ ತಂಡ ಇಂಗ್ಲೆಂಡ್‌ ವಿರುದ್ಧ ಹೈದರಾಬಾದ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ನಲ್ಲಿ 28 ರನ್‌ಗಳ ಸೋಲುಂಡಿದೆ. ಹೀಗಾಗಿ ರೋಹಿತ್‌ ಶರ್ಮಾ ಕ್ಯಾಪ್ಟನ್ಸಿ ಮೇಲೆ ಭಾರಿ ಟೀಕೆಗಳು ವ್ಯಕ್ತವಾಗುತ್ತಿವೆ.. ಇಂದು (ಶುಕ್ರವಾರ) ಭಾರತ ಹಾಗೂ ಇಂಗ್ಲೆಂಡ್‌ ತಂಡಗಳ ನಡುವಿನ ಎರಡನೇ ಟೆಸ್ಟ್‌ ಪಂದ್ಯ ತವರು ನೆಲ ಅಂದರೇ ವಿಶಾಖಪಟ್ಟಣಂನಲ್ಲಿ ಆರಂಭವಾಗಲಿದೆ.

ಇದೇ ವೇಳೆ ಭಾರತವನ್ನು ಕ್ರಿಕೆಟ್‌ನಲ್ಲಿ ಉತ್ತುಂಗಕ್ಕೆ ಕೊಂಡೊಯ್ಯುವಲ್ಲಿ ನಿರ್ಣಾಯಕ ಪಾತ್ರವನ್ನು ಮುಂದುವರೆಸುತ್ತಿರುವ ಹಿಟ್‌ಮ್ಯಾನ್‌ ರೋಹಿತ್ ಶರ್ಮಾ ಅವರು ಈ ಹಿಂದೆ ನಟಿಸಿದ ಸಿನಿಮಾದ ಕುರಿತಾದ ಮಾಹಿತಿಯೊಂದು ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್‌ ಆಗುತ್ತಿದೆ..  

ಆ ಚಿತ್ರದ ಹೆಸರು ವಿಕ್ಟರಿ ಮತ್ತು ಇದರಲ್ಲಿ ಬಾಲಿವುಡ್ ನಟ ಅನುಪಮ್ ಖೇರ್ ಮತ್ತು ಗುಲ್ಶನ್ ಗ್ರೋವರ್ ನಟಿಸಿದ್ದಾರೆ.. ನಾಯಕ ರೋಹಿತ್‌ ಶರ್ಮಾ ಈ ಸಿನಿಮಾ ಮಾಡಿದಾಗ ತುಂಬಾ ಚಿಕ್ಕವರಿದ್ದರಂತೆ...ಸದ್ಯ ಈ ಚಿತ್ರದ ರೋಹಿತ್ ಶರ್ಮಾ ಬ್ಯಾಟಿಂಗ್ ಮಾಡುತ್ತಿರುವ ದೃಶ್ಯವೊಂದು ವೈರಲ್ ಆಗುತ್ತಿದೆ. 

ಇನ್ನು ರೋಹಿತ್ ನಿಜ ಜೀವನದ ಕ್ರಿಕೆಟ್‌ಗೆ ಬಂದರೇ ಇಂದಿನಿಂದ ವಿಶಾಖಪಟ್ಟಣಂನಲ್ಲಿ ಇಂಗ್ಲೆಂಡ್ ವಿರುದ್ಧ ತಮ್ಮ ನಾಯಕತ್ವದ ಬೃಹತ್ ಟೆಸ್ಟ್ ಅನ್ನು ಎದುರಿಸಲಿದ್ದಾರೆ. ಸದ್ಯ ಸರಣಿಯಲ್ಲಿ ಇನ್ನೂ ನಾಲ್ಕು ಪಂದ್ಯಗಳು ಬಾಕಿ ಇದ್ದು.. ಸಮಬಲ ಸಾಧಿಸಲು ಭಾರತ ಈ ಪಂದ್ಯವನ್ನು ಗೆಲ್ಲಲೇಬೇಕು.. ಈ 2ನೇ ಟೆಸ್ಟ್‌ನಲ್ಲಿ ಸೋತರೆ ಸರಣಿ ಗೆಲ್ಲುವ ಸಾಧ್ಯತೆಗೆ ಧಕ್ಕೆಯಾಗಬಹುದು..