ಭಾರತದ ಈ ಆಟಗಾರನಿಗೆ ಇದೇ ಕೊನೆಯ ಅವಕಾಶ! USA ವಿರುದ್ಧ ಉತ್ತಮ ಪ್ರದರ್ಶನ ನೀಡದಿದ್ದರೆ ವೃತ್ತಿಜೀವನ ಕೊನೆ!

India vs USA, T20 World Cup 2024: T20 ವಿಶ್ವಕಪ್‌’ನ ತನ್ನ ಮೂರನೇ ಪಂದ್ಯದಲ್ಲಿ ಟೀಂ ಇಂಡಿಯಾ ಅಮೆರಿಕವನ್ನು ಎದುರಿಸಲಿದೆ. ಇದುವರೆಗೆ ಆಡಿರುವ ಎರಡೂ ಪಂದ್ಯಗಳನ್ನು ಭಾರತ ಗೆದ್ದಿದ್ದು, ಇಂದು ಮತ್ತೆ ನ್ಯೂಯಾರ್ಕ್‌’ನ ಅದೇ ಮೈದಾನದಲ್ಲಿ ಈ ಪಂದ್ಯ ಆಡಲಿದೆ. ಈ ಉಭಯ ತಂಡಗಳು ಟೂರ್ನಿಯಲ್ಲಿ ಇದುವರೆಗೂ ಸೋತಿಲ್ಲ. ಈ ಪಂದ್ಯದಲ್ಲಿ ಗೆಲ್ಲುವ ತಂಡ ಸೂಪರ್-8ಗೆ ಲಗ್ಗೆ ಇಡಲಿದೆ.

ಇದನ್ನೂ ಓದಿ: ಪಾಕಿಸ್ತಾನ ಸೂಪರ್ 8 ಪ್ರವೇಶಿಸಬೇಕೆಂದರೆ ಟೀಂ ಇಂಡಿಯಾ ಸಹಾಯ ಬೇಕೇಬೇಕು! ಹೇಗೆ ಗೊತ್ತಾ?

ಅಂದಹಾಗೆ ಕಳೆದ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ತೋರುವಲ್ಲಿ ವಿಫಲವಾಗಿದ್ದ ಯುವ ಆಲ್‌’ರೌಂಡರ್ ಶಿವಂ ದುಬೆ ಮೇಲೆ ಎಲ್ಲರ ಕಣ್ಣು ಕೂಡ ನೆಟ್ಟಿದೆ. ಅವರಿಗೆ ಈ ಪಂದ್ಯದಲ್ಲಿ ರನ್ ಗಳಿಸುವ ಸುವರ್ಣಾವಕಾಶ ಲಭಿಸಲಿದೆ.

ಐಪಿಎಲ್ 2024ರಲ್ಲಿ ಅತ್ಯುತ್ತಮ ಪ್ರದರ್ಶನದಿಂದಾಗಿ, ಶಿವಂ ದುಬೆ ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆದರು. ಆದರೆ ಇಲ್ಲಿಯವರೆಗೆ ಹೇಳಿಕೊಳ್ಳುವಂತಹ ಸಾಧನೆ ಏನೂ ಮಾಡಲು ಸಾಧ್ಯವಾಗಲಿಲ್ಲ. ಐರ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ದುಬೆ ಬ್ಯಾಟಿಂಗ್ ಉತ್ತಮವಾಗಿದ್ದರೂ ಸಹ, ಹೆಚ್ಚಿನ ರನ್ ಗಳಿಸಲಿಲ್ಲ. ಅಂದರೆ ಅದಾಗಲೇ ಭಾರತ ಗೆಲುವಿನತ್ತ ಕಾಲಿಟ್ಟಿತ್ತು.

2024ರ ಐಪಿಎಲ್ ಶಿವಂ ದುಬೆಗೆ ಇದುವರೆಗಿನ ಅತ್ಯುತ್ತಮ ಋತುವಾಗಿದೆ. ಚೆನ್ನೈ ಸೂಪರ್ ಕಿಂಗ್ಸ್ ಪರ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ ಈ ಯುವ ಆಲ್ ರೌಂಡರ್ 14 ಪಂದ್ಯಗಳಲ್ಲಿ 396 ರನ್ ಗಳಿಸಿದ್ದು, 160 ಕ್ಕಿಂತ ಹೆಚ್ಚು ಸ್ಫೋಟಕ ಸ್ಟ್ರೈಕ್ ರೇಟ್‌’ನೊಂದಿಗೆ ಬ್ಯಾಟ್ ಮಾಡಿದ್ದರು. ಹಲವು ಪಂದ್ಯಗಳಲ್ಲಿ ಏಕಾಂಗಿಯಾಗಿ CSKಯನ್ನು ಗೆಲುವಿನತ್ತ ಮುನ್ನಡೆಸಿದ್ದರು.

ಇದನ್ನೂ ಓದಿ: ರಾಜ್ಯದಲ್ಲಿ ನೀಟ್ ಪರೀಕ್ಷೆ ವ್ಯವಸ್ಥೆ ಕೊನೆಯಾಗಲಿ: ಆಮ್ ಆದ್ಮಿ ಪಾರ್ಟಿ ಆಗ್ರಹ

ಟಿ20 ಮಾದರಿಯಲ್ಲಿ 138 ಪಂದ್ಯಗಳನ್ನು ಆಡಿರುವ ಶಿವಂ ದುಬೆ ಮೊದಲ ಎಸೆತದಲ್ಲೇ ಬೌಂಡರಿ ಹಾಗೂ ಸಿಕ್ಸರ್ ಬಾರಿಸುವ ಶಕ್ತಿ ಹೊಂದಿದ್ದಾರೆ. ಈ ಮಾದರಿಯಲ್ಲಿ ಅವರ ಹೆಸರಿನಲ್ಲಿ ಒಟ್ಟು 2673 ರನ್‌’ಗಳು ದಾಖಲಾಗಿವೆ. ಅವರ ಉತ್ತಮ ಸ್ಕೋರ್ 95 ರನ್. 13 ಅರ್ಧಶತಕಗಳನ್ನು ಗಳಿಸುವಲ್ಲಿ ಯಶಸ್ವಿಯಾಗಿರುವ ದುಬೆ, ಟಿ20ಯಲ್ಲಿ 164 ಬೌಂಡರಿ ಹಾಗೂ 47 ಸಿಕ್ಸರ್‌ಗಳನ್ನು ಸಿಡಿಸಿದ್ದಾರೆ. ಇಷ್ಟೆಲ್ಲಾ ಅದ್ಭುತ ಪ್ರದರ್ಶನ ತೋರಿರುವ ದುಬೆ,  ಇಂದು ಅಮೆರಿಕ ವಿರುದ್ಧ ಯಾವ ರೀತಿ ಪ್ರದರ್ಶನ ನೀಡುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.