MS Dhoni: ಅಭಿಮಾನಿಗಳ ಹೃದಯ ಗೆಲ್ಲುತ್ತೆ ಎಂಎಸ್ ಧೋನಿಯ ಈ ಶೈಲಿ

ನವದೆಹಲಿ: ಟೀಮ್ ಇಂಡಿಯಾದ ಮಾಜಿ ನಾಯಕ ಎಂ.ಎಸ್.ಧೋನಿ (MS Dhoni) ಅವರ ಅಂತರರಾಷ್ಟ್ರೀಯ ವೃತ್ತಿಜೀವನವು ಒಂದು ವರ್ಷದ ಹಿಂದೆ ಕೊನೆಗೊಂಡಿರಬಹುದು, ಆದರೆ ಅವರ ಜನಪ್ರಿಯತೆ ಮಾತ್ರ ಕೊಂಚವೂ ಕಡಿಮೆಯಾಗಿಲ್ಲ. ಇದಕ್ಕೆ  ಮತ್ತೊಮ್ಮೆ ಸಾಕ್ಷಿ ಕಂಡುಬಂದಿದೆ.

ಇತ್ತೀಚಿಗೆ ಹಿಮಾಚಲಕ್ಕೆ ತೆರಳಿದ್ದ ಧೋನಿ:
ಎಂ.ಎಸ್.ಧೋನಿ (MS Dhoni)  ಇತ್ತೀಚೆಗೆ ತಮ್ಮ ಕುಟುಂಬದೊಂದಿಗೆ ಹಿಮಾಚಲ ಪ್ರದೇಶದ (Himachala Pradesh) ರತ್ನಾಗಿರಿಯಲ್ಲಿ ವಿಹಾರಕ್ಕೆ ಹೋಗಿದ್ದರು. ಅಲ್ಲಿ ಅವರು ಮೀನಾಬಾಗ್ ಹೋಟೆಲ್‌ನಲ್ಲಿ ತಂಗಿದ್ದರು. 

ಧೋನಿ ಅವರನ್ನು ಭೇಟಿ ಮಾಡಲು ಉತ್ಸುಕರಾಗಿದ್ದ ಸಿಬ್ಬಂದಿ:
ಎಂ.ಎಸ್.ಧೋನಿ  (MS Dhoni) ಅವರನ್ನು ಭೇಟಿಯಾಗುವುದು ಮೀನಾಬಾಗ್ ಹೋಟೆಲ್‌ನ  (MeenaBagh Hotel)  ಎಲ್ಲ ಸಿಬ್ಬಂದಿಗೆ ಒಂದು ಸ್ಮರಣೀಯ ಕ್ಷಣವಾಗಿದೆ. ಅವರಲ್ಲಿ ಓರ್ವ ಸಿಬ್ಬಂದಿಗೆ (ದೇವ್ ಎಂಬ ವ್ಯಕ್ತಿಗೆ) 13 ವರ್ಷಗಳ ಕನಸಾಗಿತ್ತು. ಅದಕ್ಕಾಗಿಯೇ ದೇವ್ ಅವರು ಶಿಮ್ಲಾ (Shimla) ದಿಂದ ರತ್ನಾಗಿರಿಗೆ ವರ್ಗಾವಣೆಯನ್ನು ಪಡೆದರು, ಇದರಿಂದಾಗಿ ಅವರು ಮಹಿಯನ್ನು ಭೇಟಿಯಾಗುವ ಅವಕಾಶ ಪಡೆದರು.

2008 ರಲ್ಲಿ ಆಸೆ ಈಡೇರಿರಲಿಲ್ಲ:
2008 ರಲ್ಲಿ ಟೂರ್ನಮೆಂಟ್ ಆಡಲು ಎಂ.ಎಸ್.ಧೋನಿ ಹಿಮಾಚಲ ಪ್ರದೇಶದ ರೋಹರು ಪ್ರದೇಶಕ್ಕೆ ಬಂದಿದ್ದರು. ಆ ಸಮಯದಲ್ಲಿ ದೇವ್ ಅಲ್ಲಿದ್ದರು, ಅದಾಗ್ಯೂ ಅವರು 'ಕ್ಯಾಪ್ಟನ್ ಕೂಲ್' (Captain Cool) ಧೋನಿ ಅವರನ್ನು ಭೇಟಿಯಾಗಲು ಸಾಧ್ಯವಾಗಿರಲಿಲ್ಲ. ಪೊಲೀಸರ ಕಟ್ಟುನಿಟ್ಟಾದ ಕಾವಲಿನಿಂದಾಗಿ ಧೋನಿ ಅವರ ಭೇಟಿ ಸಾಧ್ಯವಾಗಿರಲಿಲ್ಲ.

ಮಹಿ ಆಟೋಗ್ರಾಫ್ :
ಇದೀಗ ಕೊನೆಗೂ 13 ವರ್ಷಗಳ ನಂತರ, ದೇವ್ ಅವರ ಕನಸು ಈಡೇರಿದೆ. ಅವರು ಎಂ.ಎಸ್.ಧೋನಿ ಅವರನ್ನು ಭೇಟಿಯಾಗಿದ್ದಲ್ಲದೆ, ತಮ್ಮ ಮೊಬೈಲ್ ಕವರ್‌ನಲ್ಲಿ ಮಹಿ ಅವರ ಆಟೋಗ್ರಾಫ್ ಕೂಡ ಪಡೆದಿದ್ದಾರೆ. ಇದರ ಚಿತ್ರವನ್ನು ಮೀನಾಬಾಗ್ ಹೋಟೆಲ್ ಸ್ವತಃ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದೆ.