Virat Kohli: ಪರ್ತ್ ಟೆಸ್ಟ್‌ಗೆ ಮುನ್ನ ವಿರಾಟ್ ಕೊಹ್ಲಿ ಶಾಕಿಂಗ್ ಪೋಸ್ಟ್! ಹೆಚ್ಚಾಯಿತು ಅಭಿಮಾನಿಗಳ ಎದೆಬಡಿತ... ಸೋಶಿಯಲ್‌ ಮೀಡಿಯಾದಲ್ಲಿ ಕೋಲಾಹಲ ಸೃಷ್ಟಿ

Virat Kohli 'X' Post: ಪರ್ತ್ ಟೆಸ್ಟ್ ಆರಂಭವಾಗಲು ಕೇವಲ ಎರಡು ದಿನಗಳು ಉಳಿದಿವೆ. ಇದಕ್ಕೂ ಮುನ್ನ ಟೀಂ ಇಂಡಿಯಾದ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಎಕ್ಸ್‌ನಲ್ಲಿ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದು, ಇದು ಸಾಮಾಜಿಕ ಮಾಧ್ಯಮದಲ್ಲಿ ಕೋಲಾಹಲ ಸೃಷ್ಟಿಸಿದೆ.

ಇದನ್ನೂ ಓದಿ: IPL 2025: ಈ ಬಾರಿ RCB ಪರ ಕೆ.ಎಲ್‌ ರಾಹುಲ್ ಆಡೋದು ಪಕ್ಕಾ !?

ಕೊಹ್ಲಿ ತಮ್ಮ 'X' ಪ್ಲಾಟ್‌ಫಾರ್ಮ್‌ನಲ್ಲಿ ಬಟ್ಟೆ ಬ್ರಾಂಡ್ 'WROGN' ನೊಂದಿಗೆ ತಮ್ಮ ದಶಕದ ಸುದೀರ್ಘ ಪ್ರಯಾಣವನ್ನು ಆಚರಿಸುವ ಬಗ್ಗೆ ಬರೆದುಕೊಂಡಿದ್ದಾರೆ. ಆದರೆ ಅದರ ಮೊದಲ ಕೆಲವು ಸಾಲುಗಳು ಅಭಿಮಾನಿಗಳನ್ನು ಅಚ್ಚರಿಗೊಳಿಸಿತ್ತು. ಅನೇಕ ಅಭಿಮಾನಿಗಳು ಕೊಹ್ಲಿಯ ಈ ನೋಟ್‌ ನೋಡುತ್ತಿದ್ದಂತೆ, ಇದು ಕ್ರಿಕೆಟ್‌ ವೃತ್ತಿಜೀವನಕ್ಕೆ ಸಂಪೂರ್ಣ ನಿವೃತ್ತಿ ಘೋಷಿಸುತ್ತಾರೆಯೇ ಎಂದು ಗೊಂದಲಕ್ಕೀಡಾಗಿದ್ದರು. ಆದರೆ ಆ ಬಳಿಕ ಸಂಪೂರ್ಣ ಪೋಸ್ಟ್‌ ಓದಿದ ಬಳಿಕ ಇದು ನಿವೃತ್ತಿಗೆ ಸಂಬಂಧಿಸಿಲ್ಲ ಎಂದು ಅಭಿಮಾನಿಗಳು ಅರ್ಥಮಾಡಿಕೊಂಡಿದ್ದಾರೆ.

ವಿರಾಟ್ ಕೊಹ್ಲಿಯ ಈ ಪೋಸ್ಟ್ ಸಾಮಾಜಿಕ ಜಾಲತಾಣಗಳಲ್ಲಿ ಸಂಚಲನ ಮೂಡಿಸಿದೆ. ಅಭಿಮಾನಿಗಳು ಸಾಕಷ್ಟು ಕಾಮೆಂಟ್ ಮಾಡುತ್ತಿದ್ದಾರೆ. ಒಬ್ಬ ಬಳಕೆದಾರ, 'ನಾನು ಒಂದು ನಿಮಿಷ ಹೆದರಿದ್ದೆ' ಎಂದು ಬರೆದಿದ್ದಾರೆ. ಮತ್ತೊಬ್ಬ ʼಮಿನಿ ಹೃದಯಾಘಾತ' ಎಂದು ಬರೆದಿದ್ದಾರೆ. ಬಹುಶಃ ಕೊಹ್ಲಿ ನಿವೃತ್ತಿ ಘೋಷಿಸಿದ್ದಾರೆ ಎಂದು ಭಾವಿಸಿ ಕೆಲವು ಅಭಿಮಾನಿಗಳು ಭಯಗೊಂಡಿದ್ದಿರಬಹುದು.