ಶೇನ್ ವಾರ್ನ್, ಮುರಳಿಧರನ್ ಜೊತೆಗಿನ ಹೋಲಿಕೆಗೆ ಅನಿಲ್ ಕುಂಬ್ಳೆ ಹೇಳಿದ್ದೇನು?

ನವದೆಹಲಿ: ಅನಿಲ್ ಕುಂಬ್ಳೆ ಅವರು ಭಾರತದ ಅತ್ಯಂತ ಯಶಸ್ವಿ ಬೌಲರ್‌ಗಳಲ್ಲಿ ಒಬ್ಬರೆಂದು ಪರಿಗಣಿಸಲಾಗಿದೆ. ಕುಂಬ್ಳೆ ತಮ್ಮ ಐತಿಹಾಸಿಕ ವೃತ್ತಿಜೀವನದಲ್ಲಿ 619 ಟೆಸ್ಟ್ ವಿಕೆಟ್ ಮತ್ತು 337 ಏಕದಿನ ವಿಕೆಟ್ಗಳನ್ನು ಪಡೆದಿದ್ದಾರೆ.

ನವದೆಹಲಿಯ ಫಿರೋಜ್ ಷಾ ಕೋಟ್ಲಾದಲ್ಲಿ ಪಾಕಿಸ್ತಾನ ವಿರುದ್ಧ 1999 ರಲ್ಲಿ ನಡೆದ ಟೆಸ್ಟ್ ಪಂದ್ಯದ ಒಂದೇ ಇನ್ನಿಂಗ್ಸ್‌ನಲ್ಲಿ 10 ವಿಕೆಟ್ ಪಡೆದ ಏಕೈಕ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.ಈ ಹಿನ್ನಲೆಯಲ್ಲಿ ಅವರ ಸಮಕಾಲಿನ ಬೌಲರ್ ಗಳಾಗಿದ್ದ ಶೇನ್ ವಾರ್ನ್ ಮತ್ತು ಮುತ್ತಯ್ಯ ಮುರಳೀಧರನ್ ಅವರಿಗೆ ಹೋಲಿಕೆ ಮಾಡಲಾಗುತ್ತದೆ. ಇನ್ಸ್ಟಾಗ್ರಾಮ್ ಲೈವ್ ವಿತ್ ಪೊಮ್ಮಿ ಎಂಬಾಂಗ್ವಾ ಅವರ ಇತ್ತೀಚಿನ ಸಂವಾದದಲ್ಲಿ, ಕುಂಬ್ಳೆ ಇಬ್ಬರೂ ಬೌಲರ್‌ಗಳೊಂದಿಗಿನ ಹೋಲಿಕೆಗಳನ್ನು ತೆರೆದಿಟ್ಟರು.

ಇದನ್ನೂ ಓದಿ: ಭಾರತ ಕ್ರಿಕೆಟ್ ತಂಡದ ಕೋಚ್ ಹುದ್ದೆಯಿಂದ ಕೆಳಗಿಳಿದ ಬಗ್ಗೆ ಅನಿಲ್ ಕುಂಬ್ಳೆ ಹೇಳಿದ್ದೇನು...?

ಈ ಇಬ್ಬರು ವ್ಯಕ್ತಿಗಳು ಯಾವುದೇ ಮೇಲ್ಮೈಯಲ್ಲಿ ಚೆಂಡನ್ನು ತಿರುಗಿಸಬಹುದಾಗಿರುವುದರಿಂದ ಹೋಲಿಸುವುದು ತುಂಬಾ ಕಷ್ಟಕರವಾಗಿತ್ತು. ಅವರು ನನ್ನನ್ನು ವಾರ್ನ್ ಅಥವಾ ಮುರಳಿಯೊಂದಿಗೆ ಹೋಲಿಸಲು ಪ್ರಾರಂಭಿಸಿದಾಗ ಇದು ನನಗೆ ತುಂಬಾ ಕಷ್ಟಕರವಾಯಿತು ಎಂದು ಕುಂಬ್ಳೆ ಹೇಳಿದರು. ನಮ್ಮೆಲ್ಲರ ನಡುವೆ (ವಾರ್ನ್, ನನ್ನ, ಮುರಳಿ) ಉತ್ತಮ ಸಂಬಂಧವನ್ನು ಹಂಚಿಕೊಂಡಿದ್ದೇವೆ. ನಾವೆಲ್ಲರೂ ಆಯಾ ದೇಶಗಳಿಗೆ ಉತ್ತಮ ಪ್ರದರ್ಶನ ನೀಡುತ್ತಿರುವುದು ನಿಜಕ್ಕೂ ಸಂತೋಷದ ಸಂಗತಿ ”ಎಂದು ಅವರು ಹೇಳಿದರು.