IPL ಮುಗಿಯುತ್ತಿದ್ದಂತೆ ಧೋನಿ ನಿವೃತ್ತಿ ಘೋಷಿಸುತ್ತಾರೆಯೇ? ಬಹುದಿನಗಳ ಗೊಂದಲಕ್ಕೆ ಸ್ಪಷ್ಟನೆ ನೀಡಿದ ಇರ್ಫಾನ್ ಪಠಾಣ್

IPL 2024: ಇಂಡಿಯನ್ ಪ್ರೀಮಿಯರ್ ಲೀಗ್‌ 17 ನೇ ಸೀಸನ್ ಪ್ರಾರಂಭಕ್ಕೆ ಒಂದು ವಾರವಷ್ಟೇ ಬಾಕಿ ಉಳಿದಿದೆ. ಅನೇಕರು ಐಪಿಎಲ್ ನೋಡುವ ಉತ್ಸಾಹದಲ್ಲಿದ್ದರೆ, ಇನ್ನೂ ಕೆಲವರು ತಮ್ಮ ನೆಚ್ಚಿನ ನಾಯಕ ಈ ಸೀಸನ್ ಬಳಿಕ ನಿವೃತ್ತಿ ಘೋಷಿಸುತ್ತಾರೆಯೇ? ಎಂಬ ಗೊಂದಲಕ್ಕೊಳಗಾಗಿದ್ದಾರೆ. ಆ ನಾಯಕ ಬೇರಾರು ಅಲ್ಲ, ಕ್ಯಾಪ್ಟನ್ ಕೂಲ್ ಮಹೇಂದ್ರ ಸಿಂಗ್ ಧೋನಿ.

ಕಳೆದ 2 ವರ್ಷಗಳಿಂದ ಎಂಎಸ್ ಧೋನಿ ಐಪಿಎಲ್’ಗೆ ನಿವೃತ್ತಿ ಘೋಷಿಸುತ್ತಾರೆ ಎಂಬ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ. ಅನೇಕರು, ಆಟಗಾರನಾಗಿ 2023ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್‌’ಗೆ ವಿದಾಯ ಹೇಳುತ್ತಾರೆ ಎಂದು ನಂಬಿದ್ದರು. ಆದರೆ ಆ ವಿಷಯ ಸುಳ್ಳು ಎಂಬುದು ಇದೀಗ ಸ್ಪಷ್ಟವಾಗಿದೆ

ಇದನ್ನೂ ಓದಿ: ನಾವು ಟಿವಿಯಲ್ಲೇ ಮ್ಯಾಚ್ ನೋಡ್ತೇವೆ! IPL ಟಿಕೆಟ್ ಬೆಲೆ ನೋಡಿ ಹೀಗಂತಿದ್ದಾರೆ ಕ್ರಿಕೆಟ್ ಫ್ಯಾನ್ಸ್

ಇನ್ನೊಂದೆಡೆ ಭಾರತದ ಮಾಜಿ ಆಟಗಾರ ಇರ್ಫಾನ್ ಪಠಾಣ್ ಅವರಿಗೆ, ಈ ವರ್ಷ ಧೋನಿ ಅವರ ಕೊನೆಯ ವರ್ಷ ಎಂದು ನೀವು ನಂಬುತ್ತೀರಾ ಮತ್ತು ಕೊನೆಯ ಬಾರಿಗೆ CSK ಪರ ಆಡಿ, ನಂತರ ನಿವೃತ್ತಿ ಘೋಷಿಸುತ್ತಾರಾ? ಎಂಬ ಪ್ರಶ್ನೆಯನ್ನು ಕೇಳಲಾಯಿತು. ಇದಕ್ಕೆ ಉತ್ತರಿಸಿದ ಅವರು, “ಖಂಡಿತವಾಗಿಯೂ ಇಲ್ಲ. ಫ್ರಾಂಚೈಸ್ ಮತ್ತು ಅಭಿಮಾನಿಗಳಿಗಾಗಿ ಆಡುವುದನ್ನು ಮುಂದುವರಿಸಲು ಧೋನಿ ಅತ್ಯಂತ ಫಿಟ್” ಎಂದು ಹೇಳಿದ್ದಾರೆ.

"ಖಂಡಿತವಾಗಿಯೂ ಇಲ್ಲ. ಸುಮಾರು ಒಂದು ತಿಂಗಳ ಹಿಂದೆ ನಾನು ಅವರನ್ನು ಭೇಟಿಯಾಗಿದ್ದೆ. ಹಳೆಯ ದಿನಗಳನ್ನು ನೆನಪಿಸುವಂತೆ ಕೂದಲು ಬೆಳೆಯಲು ಬಿಟ್ಟಿದ್ದರು. 40 ವರ್ಷ ದಾಟಿದರೂ ಇನ್ನೂ ಫಿಟ್ ಆಗಿರುವ ವ್ಯಕ್ತಿ ಅವರು. ಅವರು ಫ್ರಾಂಚೈಸ್‌’ಗಾಗಿ ಮತ್ತು ಅಭಿಮಾನಿಗಳ ಸಲುವಾಗಿ ಆಟವಾಡುವುದನ್ನು ಮುಂದುವರಿಸುತ್ತಾರೆ ಎಂಬುದು ನನ್ನ ನಂಬಿಕೆ” ಎಂದು ಹೇಳಿದರು.

ಇದನ್ನೂ ಓದಿ: IPLನಲ್ಲಿ ಧೋನಿಗೆ ಎದುರಾಗಲಿದೆ ಸಮಸ್ಯೆ.. ಇದೇ ಆ ಸವಾಲು! ಇರ್ಫಾನ್ ಪಠಾಣ್ ಭವಿಷ್ಯ

“ಧೋನಿ ಒಂದೇ ಕಾಲಿನಲ್ಲಿ ಆಡಿದರೂ ಜನರು ಅವರನ್ನು ಅದೇ ಪ್ರೀತಿ ಮತ್ತು ಉತ್ಸಾಹದಿಂದ ನೋಡುತ್ತಾರೆ. ಇದು ಅವರ ಕೊನೆಯ ಸೀಸನ್ ಆಗಿದ್ದರೆ, ಉನ್ನತ ಮಟ್ಟದಲ್ಲಿ ಇರಬೇಕೆಂದುಕೊಳ್ಳುತ್ತೇನೆ. ಅವರು ಎಂದಿಗೂ ಐಪಿಎಲ್‌’ನಿಂದ ಹೊರಬರುವುದಿಲ್ಲ. ಅದರಲ್ಲೂ ಸಿ ಎಸ್‌ ಕೆಯಿಂದ ದೂರವಾಗಲ್ಲ. CSK ಎಂದರೆ ಧೋನಿ. ಧೋನಿ ಅಂದರೆ CSK. ಯಾವುದೇ ವ್ಯತ್ಯಾಸವಿಲ್ಲ”ಎಂದು ಹೇಳಿದರು.