ಆರು ವರ್ಷಗಳ ನಂತರ ಬೌಲಿಂಗ್ ಮಾಡಿದ ಕೊಹ್ಲಿ ! ಕೊನೆ ಕ್ಷಣದ ಬದಲಾವಣೆ ಯಾವ ಕಾರಣಕ್ಕೆ

IND v BAN, World Cup 2023: ಭಾರತದ ಮಾಜಿ ನಾಯಕ ವಿರಾಟ್ ಕೊಹ್ಲಿ 2015 ರ ನಂತರ ಇದೇ ಮೊದಲ ಬಾರಿಗೆ ವಿಶ್ವಕಪ್ ಪಂದ್ಯದಲ್ಲಿ ಬೌಲಿಂಗ್ ಮಾಡಿದ್ದಾರೆ. ಪುಣೆಯಲ್ಲಿ ನಡೆಯುತ್ತಿರುವ ಬಾಂಗ್ಲಾದೇಶ ವಿರುದ್ಧದ ವಿಶ್ವಕಪ್ 2023 ರ ಪಂದ್ಯದ 9 ನೇ ಓವರ್‌ನಲ್ಲಿ ಕೊಹ್ಲಿ ಕೊನೆಯ 3 ಎಸೆತಗಳ ಜವಾಬ್ದಾರಿ ತೆಗೆದುಕೊಂಡರು. 

ಪಂದ್ಯದಲ್ಲಿ ತಮ್ಮ ಮೊದಲ ಓವರ್ ಬೌಲಿಂಗ್ ಮಾಡುವಾಗ ಹಾರ್ದಿಕ್ ಪಾಂಡ್ಯ ಪಾದದ ಗಾಯಕ್ಕೆ ಒಳಗಾದರು. ಈ ಹಿನ್ನೆಲೆಯಲ್ಲಿ ಓವರ್ ನಲ್ಲಿ ಉಳಿದ ಮೂರು ಎಸೆತಗಳ ಜವಾಬ್ದಾರಿಯನ್ನು ಕೊಹ್ಲಿ ವಹಿಸಿಕೊಂಡರು. ಈ ಮೂರು ಎಸೆತಗಳಲ್ಲಿ ಕೊಹ್ಲಿ 2 ರನ್ ನೀಡಿದರು.

ವಿರಾಟ್ ಕೊಹ್ಲಿ 2015 ರ ವಿಶ್ವಕಪ್ ಪಂದ್ಯದಲ್ಲಿ ಕೊನೆಯ ಬಾರಿಗೆ ಬೌಲಿಂಗ್ ಮಾಡಿದ್ದರು. ಸಿಡ್ನಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಓವರ್ ನಲ್ಲಿ  ಬೌಲಿಂಗ್ ಮಾಡಿದ್ದರು. ಆ ಸಂದರ್ಭದಲ್ಲಿ ತಂಡದ ನಾಯಕ ಎಂಎಸ್ ಧೋನಿ ವಿರಾಟ್ ಗೆ ಈ ಜವಾಬ್ದಾರಿ ವಹಿಸಿದ್ದರು. 

ವಿರಾಟ್ ಕೊಹ್ಲಿ ಗುರುವಾರ ಸುಮಾರು 105 kmph ವೇಗದಲ್ಲ ಬೌಲಿಂಗ್ ಮಾಡುವ ಮೂಲಕ ತಮ್ಮ ಪ್ರಭಾವ ಶಾಲಿ ನಿಯಂತ್ರಣವನ್ನು ಪ್ರದರ್ಶಿಸಿದರು. ಈ ಬೌಲಿಂಗ್ ನಲ್ಲಿ ತಂಝಿದ್ ಹಸನ್ ಮತ್ತು ಲಿಟ್ಟನ್ ದಾಸ್ ತಲಾ ಒಂಡು ರನ್ ಗಳಿಸುವಲ್ಲಿ ಯಶಸ್ವಿಯಾದರು.