Worldcup ODI : 7 ವರ್ಷಗಳ ನಂತರ ವಿಶ್ವಕಪ್‌ಗಾಗಿ ಭಾರತಕ್ಕೆ ಆಗಮಿಸಿದ ಪಾಕಿಸ್ತಾನ ಕ್ರಿಕೆಟ್‌ ತಂಡ

Pakistan Cricket Team In India :  ಈ ಬಾರಿಯ ಐಸಿಸಿ ಏಕದಿನ ವಿಶ್ವಕಪ್‌ 2023ರ ಪಂದ್ಯಗಳು ಭಾರತದಲ್ಲಿ ನಡೆಯಲಿದ್ದು, ಬಾಬರ್‌ ಅಜಮ್‌ ಅವರ ಪಾಕಿಸ್ತಾನ ತಂಡವು ಬುಧವಾರ ಶೋಪೀಸ್‌ ಈವೆಂಟ್‌ಗೆ ಮುಂಚಿತವಾಗಿ ಹೈದರಾಬಾರ್‌ಗೆ ಆಗಮಿಸಿದೆ.

2023 ಐಸಿಸಿ ಏಕದಿನ ವಿಶ್ವಕಪ್‌ ಪಂದ್ಯಗಳು ಅಕ್ಟೋಬರ್‌ 5 ರಿಂದ ಪ್ರಾರಂಭವಾಗಲಿದ್ದು, ಮೊದಲ ಪಂದ್ಯವು ಇಂಗ್ಲೆಂಟ್‌ ಮತ್ತು ನ್ಯೂಜಿಲ್ಯಾಂಡ್‌ ನಡುವೆ ನಡೆಯಲಿದೆ. ಅದಾದ ನಂತರ ಎರಡನೇ ಪಂದ್ಯವು ಪಾಕಿಸ್ತಾನ ಮತ್ತು ನೆದರ್‌ಲ್ಯಾಂಡ್‌ ನಡುವೆ ರಾಜೀವ್‌ ಗಾಂಧಿ ಅಂತರರಾಷ್ಟ್ರೀಯ ಕ್ರೀಡಾಂಗಣ ಹೈದರಾಬಾದ್‌ನಲ್ಲಿ ನಡೆಯಲಿದೆ ಆ ಹಿನ್ನೆಲೆಯಲ್ಲಿ ಪಾಕಿಸ್ತಾನ ಪುರುಷರ ಕ್ರಿಕೆಟ್‌ ತಂಡ ಏಳು ವರ್ಷಗಳ ನಂತರ ಭಾರತಕ್ಕೆ ಭೇಟಿ ನೀಡಿದೆ.

ಇದನ್ನು ಓದಿ :IND vs AUS: ಏಕದಿನ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿ ಹೊಸ ಇತಿಹಾಸ ನಿರ್ಮಿಸಿದ ಹಿಟ್​ಮ್ಯಾನ್

ಗ್ರೀನ್‌ ಆರ್ಮಿಯು ಬಧವಾರ ಮುಂಜಾನೆ ಲಾಹೋರ್‌ನಿಂದ ಹೊರಟು ರಾತ್ರಿಗಯ ನಂತರ ಹೈದರಾಬಾದ್‌ಗೆ ತಲಪಿತು. ಭಾರತಕ್ಕೆ ತಲುಪುವ ಮುನ್ನ ದುಬೈನಲ್ಲಿ ಸುದೀರ್ಘ ಒಂಬತ್ತು ಗಂಟೆಗಳ ವಿಶ್ರಾಂತಿಯ ನಂತರ ಬಾಬರ್‌ ಮತ್ತು ತಂಡ ಹೈದರಾಬಾದ್‌ಗೆ ತಲುಪಿತು. 1992ರಲ್ಲಿ ವಿಶ್ವಕಪ್‌ ಗೆದ್ದ ಪಾಕಿಸ್ತಾನ ತಂಡ ಸೆ.29 ರಂದು ತನ್ನ ಅಭ್ಯಾಸ ಪಂದ್ಯವನ್ನು ಪ್ರಾರಂಭಿಸಲಿದೆ.