WPL 2024: ಹಲವು ದಾಖಲೆಯನ್ನು ನಿರ್ಮಿಸಿದ ವೋಲ್ವಾರ್ಡ್, ಮೂನಿ

ನವದೆಹಲಿ: ಗುಜರಾತ್ ಜೈಂಟ್ಸ್ (ಜಿಜಿ) ಮಹಿಳಾ ಆರಂಭಿಕ ಆಟಗಾರ್ತಿಯರಾದ ಬೆತ್ ಮೂನಿ ಮತ್ತು ಲಾರಾ ವೊಲ್ವಾರ್ಡ್ ಅವರು ಬುಧವಾರದಂದು ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) ಟೂರ್ನಿಯ ಇತಿಹಾಸದಲ್ಲಿ ಎರಡನೇ ಅತ್ಯಧಿಕ ಜೊತೆಯಾಟದ ದಾಖಲೆಯನ್ನು ನಿರ್ಮಿಸಿದ್ದಾರೆ

ನವದೆಹಲಿಯಲ್ಲಿ ನಡೆದ WPL 2024 ರ ರಾಯಲ್ ಚಾಲೆಂಜರ್ಸ್ (RCB) ಮಹಿಳೆಯರ ವಿರುದ್ಧದ ಪಂದ್ಯದಲ್ಲಿ ಇವರಿಬ್ಬರು ಆಟಗಾರ್ತಿಯರು ಮೊದಲ ವಿಕೆಟ್‌ಗೆ 140 ರನ್ ಸೇರಿಸಿದರು. ಆ ಮೂಲಕ  2023ರ ಋತುವಿನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ಗಾಗಿ ಶಫಾಲಿ ವರ್ಮಾ ಮತ್ತು ಮೆಗ್ ಲ್ಯಾನಿಂಗ್ ಅವರ 162 ರನ್‌ಗಳ ನಂತರ ಇದು ಎರಡನೇ ಅತ್ಯಧಿಕ ಜೊತೆಯಾಟದ ದಾಖಲೆಯಾಗಿದೆ.ಅಷ್ಟೇ ಅಲ್ಲದೆ ಈ ಋತುವಿನಲ್ಲಿ ಅತ್ಯಧಿಕ ಜೊತೆಯಾಟವಾಗಿದೆ.

ವೊಲ್ವಾರ್ಡ್ಟ್ ಮತ್ತು ಮೂನಿ ಕೂಡ ಈ ಋತುವಿನಲ್ಲಿ ಅತಿ ಹೆಚ್ಚು ವೈಯಕ್ತಿಕ ಸ್ಕೋರರ್‌ಗಳ ಪಟ್ಟಿಯಲ್ಲಿ ಮೊದಲ ಮೂರು ಸ್ಥಾನಗಳನ್ನು ಪಡೆದಿದ್ದಾರೆ.ಮೂನಿ ಈಗ ಅಗ್ರಸ್ಥಾನದಲ್ಲಿ ಹಾಗೂ ಆರ್‌ಸಿಬಿಯ ಸ್ಮೃತಿ ಮಂಧಾನ (80) ಪಟ್ಟಿಯಲ್ಲಿ ಎರಡನೇ ಮತ್ತು ವೊಲ್ವಾರ್ಡ್ ಮೂರನೇ ಸ್ಥಾನದಲ್ಲಿದ್ದಾರೆ.

ಒಟ್ಟಾರೆಯಾಗಿ, ಮೂನಿ ಅವರ ಅಜೇಯ 85 ರನ್ ಗಳು ಲೀಗ್ ಇತಿಹಾಸದಲ್ಲಿ ನಾಲ್ಕನೇ ಅತ್ಯಧಿಕ ವೈಯಕ್ತಿಕ ಮೊತ್ತವಾಗಿದೆ.