Wrestlers Protest: `ಆಕೆಯ ಜೊತೆಗೆ ಅನುಚಿತ ವರ್ತನೆ ನಡೆದಿತ್ತು...` ಬ್ರಿಜ್ ಭೂಷಣ್ ವಿರುದ್ಧ ಅಂತಾರಾಷ್ಟ್ರೀಯ ರೇಫರಿ ಹೇಳಿಕೆ

Wrestlers Protest: ಭಾರತದ ಕುಸ್ತಿ ಫೆಡರೇಶನ್ (ಡಬ್ಲ್ಯುಎಫ್‌ಐ) ಅಧ್ಯಕ್ಷ ಬ್ರಿಜ್ ಭೂಷಣ್ ಶರಣ್ ಸಿಂಗ್ ಸಂಕಷ್ಟಗಳು ಹೆಚ್ಚಾಗುತ್ತಲೇ ಇವೆ. 6 ಕುಸ್ತಿಪಟುಗಳಿಂದ ಲೈಂಗಿಕ ಶೋಷಣೆಯ ಆರೋಪ ಅವರ ಮೇಲಿದೆ, ನಂತರ WFI ಮುಖ್ಯಸ್ಥರ ವಿರುದ್ಧ ಎರಡು ಎಫ್‌ಐಆರ್‌ಗಳನ್ನು ಸಹ ದಾಖಲಿಸಲಾಗಿದೆ. ಇದೀಗ ಅವರ ವಿರುದ್ಧ ಅಂತಾರಾಷ್ಟ್ರೀಯ ರೆಫರಿ ಜಗ್ಬೀರ್ ಸಿಂಗ್ ಸಾಕ್ಷಿ ಹೇಳಿದ್ದಾರೆ. ಜಗ್ಬೀರ್ ಸಿಂಗ್ ಪ್ರಕಾರ, ಬ್ರಿಜ್ ಭೂಷಣ್ ಮಹಿಳಾ ಕುಸ್ತಿಪಟುವನ್ನು ಆಕ್ಷೇಪಾರ್ಹ ರೀತಿಯಲ್ಲಿ ಸ್ಪರ್ಶಿಸಿದ್ದ, ನಂತರ ಅವಳು ತನ್ನನ್ನು ತಾನು ಆತನಿಂದ ಬಿಡಿಸಿಕೊಂಡು ದೂರಾಗಿದ್ದಳು. 

ಇದೀಗ ಕಳೆದ ವರ್ಷ ಮಾರ್ಚ್‌ನಲ್ಲಿ ಲಖನೌನಲ್ಲಿ ನಡೆದ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಟ್ರಯಲ್ಸ್‌ನ ನಂತರ ಎಲ್ಲರೂ ಟೀಮ್ ಫೋಟೋಗಾಗಿ ಜಮಾಯಿಸಿದ್ದರು, ಅಲ್ಲಿ ಬ್ರಿಜ್ ಭೂಷಣ್ ಆಕ್ಷೇಪಾರ್ಹ ರೀತಿಯಲ್ಲಿ ತನ್ನನ್ನು ಸ್ಪರ್ಶಿಸಿದ್ದರು, ನಂತರ ತಾನು ಆತನನ್ನು ದೂರ ತಳ್ಳಿ ಹಿಂದೆ ಸರೆದಿರುವುದಾಗಿ ಮಹಿಳಾ ಕುಸ್ತಿಪಟುಯೊಬ್ಬರು ತನ್ನ ದೂರಿನಲ್ಲಿ ತಿಳಿಸಿದ್ದಾರೆ. .

ಮಾಧ್ಯಮ ವರದಿಗಳ ಪ್ರಕಾರ, 2007 ರಿಂದ, ಆ ಸಮಯದಲ್ಲಿ ಮಹಿಳಾ ಕುಸ್ತಿಪಟು ಮತ್ತು ಬ್ರಿಜ್‌ಭೂಷಣ್ ಸಿಂಗ್‌ನಿಂದ ಸ್ವಲ್ಪವೇ ದೂರದಲ್ಲಿ ನಿಂತಿದ್ದ ಅಂತರರಾಷ್ಟ್ರೀಯ ಕುಸ್ತಿ ರೆಫರಿ ಜಗ್ಬೀರ್ ಸಿಂಗ್ ಅವರು ದೂರು ನೀಡಿರುವ ಮಹಿಳಾ ಕುಸ್ತಿಪಟುವಿನ ಆರೋಪವನ್ನು ಬೆಂಬಲಿಸಿದ್ದಾರೆ. ಈ ಸಂದರ್ಭದಲ್ಲಿ ಅವರು ಒಂದು ಫೋಟೋ ಕುರಿತು ಕೂಡ ಉಲ್ಲೇಖಿಸಿದ್ದು, ದೆಹಲಿ ಪೊಲೀಸರು ಆ ಫೋಟೋವನ್ನು ಸಹ ಕೇಳಿದ್ದಾರೆ ಎಂದು ಜಗ್ಬೀರ್ ಸಿಂಗ್  ಹೇಳಿದ್ದಾರೆ. 

ಜೂನ್ 15ರೊಳಗೆ ತನಿಖೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ
ಕೇಂದ್ರ ಕ್ರೀಡಾ ಸಚಿವ ಅನುರಾಗ್ ಠಾಕೂರ್ ಹೇಳಿಕೆಯ ಪ್ರಕಾರ, ಪೊಲೀಸ್ ತನಿಖೆಯ ಭಾಗವಾಗಿರುವ ನಾಲ್ಕು ರಾಜ್ಯಗಳ 125 ಕ್ಕೂ ಹೆಚ್ಚು ಸಂಭಾವ್ಯ ಸಾಕ್ಷಿಗಳಲ್ಲಿ ಜಗ್ಬೀರ್ ಶಾಮಿಲಾಗಿದ್ದಾರೆ. ಜೂನ್ 15ರೊಳಗೆ ತನಿಖೆ ಮುಗಿಯುವ ನಿರೀಕ್ಷೆ ಇದೆ. ಜಗ್ಬೀರ್ ಸಿಂಗ್ ಪ್ರಕಾರ, ಬ್ರಿಜ್ಭೂಷಣ್ ಸಿಂಗ್ ಅವರ ಪಕ್ಕದಲ್ಲಿ ಮಹಿಳಾ ಕುಸ್ತಿಪಟು ನಿಂತಿದ್ದರು. ನಂತರ ಅವಳು ಅವನ ಮುಂದೆ ಕಾಣಿಸಿಕೊಂಡಳು. ಆ ಮಹಿಳಾ ಕುಸ್ತಿಪಟು ಸ್ವಲ್ಪಮಟ್ಟಿಗೆ ಅಹಿತಕರ ಪ್ರತಿಕ್ರಿಯಿಸುತ್ತಿದ್ದಳು. ನಾನು ಲಖನೌ ಮತ್ತು ಫುಕೆಟ್‌ನಲ್ಲಿಯೂ ಇದ್ದೆ, ಅಲ್ಲಿಯೂ ಕೂದ್ದ ಬ್ರಿಜ್ ಭೂಷಣ್ ಮಹಿಳಾ ಕುಸ್ತಿಪಟುಗಳಿಗೆ ಅನಾನುಕೂಲತೆಯನ್ನುಂಟು ಮಾಡಿರುವುದನ್ನು ನಾನು ನೋಡಿದ್ದೇನೆ ಎಂದಿದ್ದಾರೆ.

ಇದನ್ನೂ ಓದಿ-Wrestlers Protest: 'ಬ್ರಿಜ್ ಭೂಷಣ್ ವಿರುದ್ಧ ಲೈಂಗಿಕ ಕಿರುಕುಳದ ಸುಳ್ಳು ದೂರು ದಾಖಲಿಸಲಾಗಿದೆ' ಎಂದ ಅಪ್ರಾಪ್ತ ಕುಸ್ತಿಪಟುವಿನ ತಂದೆ

ಇದಕ್ಕೂ ಮುಂದುವರೆದು ಮಾತನಾಡಿರುವ ಜಗ್ಬೀರ್ ಸಿಂಗ್, 'ಮಹಿಳಾ ಕುಸ್ತಿಪಟು ಜೊತೆಗೆ ಏನೋ ಅನುಚಿತ ವರ್ತನೆ ನಡೆದಿದೆ. ಏನು ನಡೆಯಿತು ನಾನು ನೋಡಲಿಲ್ಲ. ಆದರೆ ಆಕೆಯ ಕೈ ಕಾಲುಗಳು ತುಂಬಾ ಚಲಿಸುತ್ತಿದ್ದವು. ಇಲ್ಲಿ ಬಾ.. ಇಲ್ಲೇ ನಿಲ್ಲು ಎಂಬಂತೆ' ಎಂದು ಹೇಳಿದ್ದಾರೆ. ಎಫ್‌ಐಆರ್‌ನ ಪ್ರಕಾರ, ಸಿಂಗ್ ಮಹಿಳಾ ಕುಸ್ತಿಪಟುವಿನ ಭುಜ ಹಿಡಿದುಕೊಂಡಿದ್ದ ಮತ್ತು ನಂತರ ಆಕೆ ತನ್ನನ್ನು ತಾನು ಆತನಿಂದ ಬಿಡಿಸಿಕೊಂಡಳು ಮತ್ತು ಛಾಯಾಚಿತ್ರಗಳಿಗೆ ಪೋಸ್ ನೀಡಲು ಮುಂದಿನ ಸಾಲಿಗೆ ಹೋದಳು ಎನ್ನಲಾಗಿದೆ.

ಇದನ್ನೂ ಓದಿ-Wrestlers Protest: ಅಮಿತ್ ಶಾ ಜೊತೆಗಿನ ಭೇಟಿ ಹಾಗೂ ನೌಕರಿಗೆ ಹಾಜರಾಗುವ ಕುರಿತು ಸ್ಪಷ್ಟನೆ ನೀಡಿದ ಬಜರಂಗ್ ಪುನೀಯಾ

ಮಹಿಳಾ ಕುಸ್ತಿಪಟು ಹೇಳಿದ್ದೇನು?
ಮಹಿಳಾ ಕುಸ್ತಿಪಟು ದಾಖಲಿಸಿದ ಎಫ್‌ಐಆರ್ ಪ್ರಕಾರ, 'ನಾನು ಎತ್ತರದ ಕುಸ್ತಿಪಟುಗಳಲ್ಲಿ ಒಬ್ಬಳಾಗಿದ್ದೆ. ಹೀಗಾಗಿ ನಾನು ಕೊನೆಯ ಸಾಲಿನಲ್ಲಿ ನಿಲ್ಲಬೇಕಾಯಿತು. ನಾನು ಕೊನೆಯ ಸಾಲಿನಲ್ಲಿ ನಿಂತಿದ್ದೆ ಮತ್ತು ಇತರ ಕುಸ್ತಿಪಟುಗಳು ತಮ್ಮ ಸ್ಥಾನಗಳನ್ನು ತೆಗೆದುಕೊಳ್ಳಲು ಕಾಯುತ್ತಿದ್ದರು. ಅಷ್ಟರಲ್ಲಿಯೇ ಆರೋಪಿ ನನ್ನ ಪಕ್ಕಕ್ಕೆ ಬಂದು ನಿಂತ ಮತ್ತು ಇದ್ದಕ್ಕಿದ್ದಂತೆ ನನ್ನ ಸೊಂಟದ ಕೆಳಗೆ ಒಂದು ಕೈ ಬಂದ ಅನುಭವ ನನಗಾಯಿತು ಮತ್ತು ನಾನು ಬೆಚ್ಚಿಬಿದ್ದೆ. ನಾನು ದೂರ ಹೋದಾಗ ಆರೋಪಿ ಬಲವಂತವಾಗಿ ನನ್ನ ಭುಜ ಹಿಡಿದುಕೊಂಡರು. ಆದರೆ ಹೇಗೋ ಆತನ ಹಿಡಿತದಿಂದ ಹೊರಬಂದೆ. ಏಕೆಂದರೆ ನಾನು ತಂಡದ ಛಾಯಾಚಿತ್ರಕ್ಕೆ ಪೋಸ್ ನೀಡಲು ನಿರಾಕರಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ನಾನು ಮೊದಲ ಸಾಲಿನಲ್ಲಿ ಹೋಗಿ ಕುಳಿತೆ' ಎಂದು ಹೇಳಿಕೊಂಡಿದ್ದಾಳೆ.

ಇದನ್ನೂ ನೋಡಿ-