ಮೊದಲು ಚಂದ್ರನಲ್ಲಿ ಚಮತ್ಕಾರ ! ಈಗ ಸೂರ್ಯನಿಗೆ ನಮಸ್ಕಾರ; ಹ್ಯಾಲೊ ಆರ್ಬಿಟ್‌ ಗೆ ಆದಿತ್ಯ ಎಲ್1

Aditya L1 Launch Update : ಭಾರತದ ಬಾಹ್ಯಾಕಾಶ ಸಂಸ್ಥೆ ಇಸ್ರೋದ ಕನಸಿನ ಯೋಜನೆ ಸೂರ್ಯ ಮಿಷನ್ ಆದಿತ್ಯ-ಎಲ್ 1 (ಆದಿತ್ಯ ಎಲ್ 1) ಅನ್ನು ಶ್ರೀಹರಿಕೋಟಾದಿಂದ ಉಡಾವಣೆ ಮಾಡಲಾಗಿದೆ. ಇಂದು ಭಾರತವು ತನ್ನ ಮೊದಲ ಸೌರ ಮಿಷನ್ ಕಡೆಗೆ ಒಂದು ದೊಡ್ಡ ಹೆಜ್ಜೆ ಇಟ್ಟಿದೆ. ಇಂದು ಆದಿತ್ಯ ಎಲ್-1 ಸೂರ್ಯನ ಕಡೆಗೆ ಹಾರಿದೆ. ಆದಿತ್ಯ ಮಿಷನ್ ಭೂಮಿ ಮತ್ತು ಸೂರ್ಯನ ನಡುವಿನ L1 ಪಾಯಿಂಟ್‌ಗೆ ಅಂದರೆ 15 ಲಕ್ಷ ಕಿಮೀದೂರ ತಲುಪಬೇಕಾಗಿದೆ. ಸೂರ್ಯನ ಬಳಿಯ ಪ್ರಭಾವಲಯ ಕಕ್ಷೆಯಲ್ಲಿ ಆದಿತ್ಯನನ್ನು ಇರಿಸಲು ಸುಮಾರು 100 ರಿಂದ 120 ದಿನ ಬೇಕಾಗುತ್ತದೆ. ಆದರೆ ಸೂರ್ಯನನ್ನು ತಲುಪುವ ಮೊದಲು, ಆದಿತ್ಯ-L1 ಹಲವಾರು ಹಂತಗಳಲ್ಲಿ ತನ್ನ ಪ್ರಯಾಣವನ್ನು ಪೂರ್ಣಗೊಳಿಸುತ್ತದೆ. ಇಸ್ರೋ ತನ್ನ ಮೊದಲ ಸನ್ ಮಿಷನ್ ಅನ್ನು ಪ್ರಾರಂಭಿಸುವ ಮೂಲಕ ಇತಿಹಾಸ ಸೃಷ್ಟಿಸಿದೆ. ಚಂದ್ರಯಾನ-3 ರ ಐತಿಹಾಸಿಕ ಯಶಸ್ಸಿನ ನಂತರ, ಈಗ ಇಡೀ ಪ್ರಪಂಚದ ಕಣ್ಣುಗಳು ಮತ್ತೊಮ್ಮೆ ಭಾರತದ ಮೇಲೆ ನೆಟ್ಟಿವೆ. 

ಬಾಹ್ಯಾಕಾಶದಲ್ಲಿ ಇಸ್ರೋದ ದೊಡ್ಡ ಸಾಧನೆ : 
ಇದಕ್ಕೂ ಮುನ್ನ ಆಗಸ್ಟ್ 23 ರಂದು ಭಾರತ ಚಂದ್ರನ ದಕ್ಷಿಣ ಧ್ರುವದಲ್ಲಿ  ಸೇಫ್ ಲ್ಯಾಂಡಿಂಗ್ ಮಾಡುವ ಮೂಲಕ ಇತಿಹಾಸ ನಿರ್ಮಿಸಿತ್ತು. ಈಗ ಭಾರತ ಮತ್ತೊಮ್ಮೆ ಬಾಹ್ಯಾಕಾಶದತ್ತ ಸಾಗುತ್ತಿದೆ. ಚಂದ್ರಯಾನ-3 ಲ್ಯಾಂಡಿಂಗ್ ವೇಳೆ ಪ್ರಧಾನಿ ಮೋದಿ ಪ್ರಸ್ತಾಪಿಸಿದ್ದ ಆದಿತ್ಯ-ಎಲ್1 ಮಿಷನ್ ಅನ್ನು ಇಸ್ರೋ ಉಡಾವಣೆ ಮಾಡಿದೆ. ವಿಶೇಷವೆಂದರೆ ಚಂದ್ರಯಾನ-3 ಚಂದ್ರನ ಮೇಲೆ ಕಾಲಿಟ್ಟ ಶ್ರೀಹರಿಕೋಟಾದ ಅದೇ ಉಡಾವಣಾ ಕೇಂದ್ರದಿಂದ ಈ ಸೌರ ಮಿಷನ್ ಆರಂಭವಾಗಿದೆ. ಆದಿತ್ಯ L1 ತನ್ನ ಗೊತ್ತುಪಡಿಸಿದ ಬಿಂದುವನ್ನು ತಲುಪಿದ ಕಕ್ಷೆಗೆ ಹಲೋ ಎಂದು  ಕರೆಯಲಾಗುತ್ತದೆ. ಆದಿತ್ಯ L1 ಸೂರ್ಯನ ಬಗ್ಗೆ ಕ್ಷಣ ಕ್ಷಣದ ಸುದ್ದಿಯನ್ನು ISRO ಗೆ ನೀಡುವ ಸ್ಥಳ ಇದಾಗಿರಲಿದೆ. 

ಇದನ್ನೂ ಓದಿ : ಆದಿತ್ಯ ಎಲ್1 ಯೋಜನೆ:  ಸೂರ್ಯನ ಉರಿಯಿಂದ ಭೂಮಿಯ ರಕ್ಷಣೆ

ಚಂದ್ರಯಾನಕ್ಕಿಂತ ಕಠಿಣವಾಗಿದೆ ಮಿಷನ್ ಆದಿತ್ಯ  : 
ಮಿಷನ್ ಆದಿತ್ಯ ಚಂದ್ರಯಾನಕ್ಕಿಂತ ಹೆಚ್ಚು ಕಷ್ಟಕರವಾಗಿದೆ ಎಂಬುದು ಗಮನಾರ್ಹ. ಚಂದ್ರಯಾನ 1 ಮತ್ತು 2 ರ ಅನುಭವದ ನಂತರ, ಭಾರತದ ಬಳಿ ಸಾಕಷ್ಟು ಡೇಟಾ ಇತ್ತು. ಆದರೆ ಆದಿತ್ಯ ಎಲ್1 ಇಸ್ರೋ ಹಿಂದೆಂದೂ ತೆಗೆದುಕೊಳ್ಳದ ದೊಡ್ಡ ಹೆಜ್ಜೆಯಾಗಿದೆ. ಈ ಪ್ರಯಾಣದಲ್ಲಿ ಆದಿತ್ಯ ಎಲ್1 ಸುಮಾರು 15 ಲಕ್ಷ ಕಿಲೋಮೀಟರ್ ಪ್ರಯಾಣಿಸಲಿದೆ. ಆದಿತ್ಯ-ಎಲ್1 ಅನ್ನು ಪಿಎಸ್‌ಎಲ್‌ವಿ-ಎಕ್ಸ್‌ಎಲ್ ರಾಕೆಟ್‌ನಿಂದ ಉಡಾವಣೆ ಮಾಡಲಾಗಿದೆ.