ಇನ್ಮುಂದೆ ಸಿಮ್ ಪಡೆಯಲು ದಾಖಲೆ ಸಲ್ಲಿಸುವ ಅವಶ್ಯಕತೆ ಇಲ್ಲ, ಜನವರಿ 1, 2024ರಿಂದ ಜಾರಿಗೆ ಬರುತ್ತಿದೆ ಈ ಹೊಸ ನಿಯಮ!

ಬೆಂಗಳೂರು: ಟೆಲಿಕಾಂ ಕ್ಷೇತ್ರವನ್ನು ಸಂಪೂರ್ಣವಾಗಿ ಡಿಜಿಟಲೀಕರಣಗೊಳಿಸಲು ಸರ್ಕಾರ ನಿರ್ಧರಿಸಿದೆ. ದೂರಸಂಪರ್ಕ ಇಲಾಖೆಯು ಜನವರಿ 1, 2024 ರಿಂದ ಹೊಸ ಸಿಮ್ ಕಾರ್ಡ್ ಖರೀದಿಸಲು ಭೌತಿಕ ಪರಿಶೀಲನೆ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ನಿಲ್ಲಿಸಲಿದೆ. ಹೊಸ ಸಿಮ್ ಕಾರ್ಡ್ ಖರೀದಿಸಲು ಗ್ರಾಹಕರು ಇನ್ನು ಮುಂದೆ ಯಾವುದೇ ದಾಖಲೆಗಳ ನಕಲು ಪ್ರತಿಯನ್ನು ಟೆಲಿಕಾಂ ಕಂಪನಿಗಳಿಗೆ ನೀಡಬೇಕಾಗಿಲ್ಲ. ಈ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಪೇಪರ್ ಲೆಸ್ ಮಾಡಲು ಸರ್ಕಾರ ಹೊರಟಿದೆ. ಈ ಕಾರಣದಿಂದಾಗಿ, ಸಿಮ್ ಕಾರ್ಡ್ ಮೂಲಕ ವಂಚನೆಯನ್ನು ತಡೆಗಟ್ಟುವ ಉದ್ದೇಶ ಸರ್ಕಾರ ಹೊಂದಿದೆ . ಇತ್ತೀಚೆಗಷ್ಟೇ ದೂರಸಂಪರ್ಕ ಇಲಾಖೆಯು ಸಿಮ್ ಕಾರ್ಡ್‌ಗಳನ್ನು ದೊಡ್ಡ ಪ್ರಮಾಣದಲ್ಲಿ ಖರೀದಿಸಲು ಹೊಸ ನಿಯಮವನ್ನು ಹೊರಡಿಸಿದೆ.(Technology News In Kannada)

ಜನವರಿ 1 ರಿಂದ ಹೊಸ ಕೆವೈಸಿ ಪ್ರಕ್ರಿಯೆ
ಆಂಗ್ಲ ಮಾಧ್ಯಮವೊಂದರ ವರದಿಯ ಪ್ರಕಾರ, ಆಗಸ್ಟ್ 9, 2012 ರಿಂದ ಜಾರಿಯಲ್ಲಿರುವ ಕೆವೈಸಿ (ನಿಮ್ಮ ಗ್ರಾಹಕರನ್ನು ತಿಳಿದುಕೊಳ್ಳಿ) ಪ್ರಕ್ರಿಯೆಯಲ್ಲಿ ಬದಲಾವಣೆಗಳನ್ನು ಮಾಡಲಾಗುತ್ತಿದೆ ಎಂದು ಟೆಲಿಕಾಂ ಕಂಪನಿಗಳಿಗೆ ದೂರಸಂಪರ್ಕ ಇಲಾಖೆ ಅಧಿಸೂಚನೆಯನ್ನು ನೀಡಿದೆ. ಹಳೆಯ ಕೆವೈಸಿ ಪರಿಶೀಲನೆ ಪ್ರಕ್ರಿಯೆಯನ್ನು ಜನವರಿ 1, 2024 ರಿಂದ ರದ್ದುಗೊಳಿಸಲಾಗುತ್ತದೆ. ಇದಕ್ಕಾಗಿ ಪೇಪರ್ ಲೆಸ್ ಕೆವೈಸಿ ಪ್ರಕ್ರಿಯೆಯನ್ನು ತರಲು ದೂರಸಂಪರ್ಕ ಇಲಾಖೆ ಸಿದ್ಧತೆ ನಡೆಸಿದೆ. ಕಾಗದ ಆಧಾರಿತ ಕೆವೈಸಿ ಅನ್ನು ಅಂತ್ಯಗೊಳಿಸಿ ಮತ್ತು ಕಾಗದರಹಿತ ಕೆವೈಸಿ ಅನ್ನು ಅಳವಡಿಸಿಕೊಳ್ಳುವುದು ಟೆಲಿಕಾಂ ಕಂಪನಿಗಳ ಗ್ರಾಹಕ ಸ್ವಾಧೀನ ವೆಚ್ಚವನ್ನು ತೀವ್ರವಾಗಿ ಕಡಿಮೆ ಮಾಡುತ್ತದೆ. ಇದಲ್ಲದೆ, ಸಿಮ್ ಕಾರ್ಡ್‌ಗಳ ಮೂಲಕ ನಡೆಯುವ ವಂಚನೆಗಳನ್ನು ತಡೆಯಲು ಇದು ಸರ್ಕಾರಕ್ಕೆ ಸಹಾಯ ಮಾಡುತ್ತದೆ.

ಇದನ್ನೂ ಓದಿ-ತನ್ನ ಈ ರೀಚಾರ್ಜ್ ಯೋಜನೆಯಲ್ಲಿ 1 ತಿಂಗಳ ಹೆಚ್ಚುವರಿ ವ್ಯಾಲಿಡಿಟಿ ನೀಡುತ್ತಿದೆ ಈ ಟೆಲಿಕಾಂ ಕಂಪನಿ... ಅದೂ ಉಚಿತ!

 ಕಾಗದ ಆಧಾರಿತ ಗ್ರಾಹಕ ಪರಿಶೀಲನೆ ವ್ಯವಸ್ಥೆಯಲ್ಲಿ, ಹೊಸ ಗ್ರಾಹಕರು ಗ್ರಾಹಕ ಸ್ವಾಧೀನ ಫಾರ್ಮ್ (ಕಸ್ಟಮರ್ ಅಥರೈಸೇಶನ್ ಫಾರ್ಮ್) ಅನ್ನು ಭರ್ತಿ ಮಾಡಬೇಕು. ಇದಲ್ಲದೇ ಫಾರ್ಮ್ ಮೇಲೆ ಭಾವಚಿತ್ರವನ್ನು ಅಂಟಿಸಬೇಕು. ಅಲ್ಲದೆ, ಬಳಕೆದಾರರು ಫಾರ್ಮ್‌ನಲ್ಲಿ ಗುರುತಿನ ಪುರಾವೆ ಮತ್ತು ವಿಳಾಸದ ದಾಖಲೆಗಳ ಪ್ರತಿಗಳನ್ನು ಲಗತ್ತಿಸಬೇಕಾಗುತ್ತಿತ್ತು.

ಇದನ್ನೂ ಓದಿ-ಗೂಗಲ್ ಮ್ಯಾಪ್ಸ್ ಬಳಕೆದಾರರಿಗೊಂದು ಗುಡ್ ನ್ಯೂಸ್, ನಿಮ್ಮ ವಾಹನ ಇಂಧನ ಉಳಿಸಲು ಬಂದಿದೆ ಹೊಸ ವೈಶಿಷ್ಟ್ಯ!

ಸಿಮ್ ವಂಚನೆಗಳ ಮೇಲೆ ನಿಯಂತ್ರಣ
ಆದಾಗ್ಯೂ, ಸಿಮ್ ಕಾರ್ಡ್‌ಗಳ ಮೂಲಕ ವಂಚನೆಯನ್ನು ತಡೆಯಲು ಸರ್ಕಾರವು ಸಿಮ್ ಕಾರ್ಡ್ ಡೀಲರ್‌ಗಳ (ಪಿಒಎಸ್) ಪರಿಶೀಲನೆಯನ್ನು ಕಡ್ಡಾಯಗೊಳಿಸಿದೆ. ಪರಿಶೀಲನೆ ಇಲ್ಲದೆ ಸಿಮ್ ಕಾರ್ಡ್ ನೀಡಿದರೆ ಡೀಲರ್‌ಗೆ 10 ಲಕ್ಷ ರೂ.ವರೆಗೆ ದಂಡ ವಿಧಿಸಬಹುದು. ಸೈಬರ್ ಕ್ರಿಮಿನಲ್‌ಗಳು ಪಿಒಎಸ್ ಅಂದರೆ ಸಿಮ್ ಕಾರ್ಡ್ ಡೀಲರ್‌ಗಳೊಂದಿಗೆ ಸೇರಿಕೊಂಡು ನಕಲಿ ದಾಖಲೆಗಳನ್ನು ಬಳಸಿ ಸಿಮ್ ಕಾರ್ಡ್‌ಗಳನ್ನು ವಿತರಿಸಲು ಮತ್ತು ಅವುಗಳ ಮೂಲಕ ಸೈಬರ್ ಅಪರಾಧಗಳನ್ನು ಎಸಗುತ್ತಾರೆ. ಕಾಗದರಹಿತ ಕೆವೈಸಿಗಾಗಿ ಬಯೋಮೆಟ್ರಿಕ್ ದೃಢೀಕರಣವು ಕಡ್ಡಾಯವಾಗಲಿದೆ. ಅಂತಹ ಪರಿಸ್ಥಿತಿಯಲ್ಲಿ, ಒಂದೇ ಧಾಖಲೆಗಳಲ್ಲಿ ಸಿಮ್ ಕಾರ್ಡ್‌ಗಳನ್ನು ದೊಡ್ಡ ಪ್ರಮಾಣದಲ್ಲಿ ಖರೀದಿಸಲಾಗುವುದಿಲ್ಲ ಮತ್ತು ಇದು ವಂಚನೆಯನ್ನು ತಡೆಗಟ್ಟಲು ಮತ್ತು ಟ್ರ್ಯಾಕ್ ಮಾಡಲು ಸಹಾಯ ಮಾಡುತ್ತದೆ.

ಇದನ್ನೂ ನೋಡಿ-