ಖಾಸಗಿ ಟೆಲಿಕಾಂ ಕಂಪನಿಗಳಿಗೆ ಟಕ್ಕರ್ ನೀಡಿರುವ ಸರ್ಕಾರಿ ಟೆಲಿಕಾಂ ಸಂಸ್ಥೆ ಬಿಎಸ್ಎನ್ಎಲ್ 800 ರೂ.ಗಿಂತ ಕಡಿಮೆ ಬೆಲೆಗೆ ವಾರ್ಷಿಕ ಯೋಜನೆಯನ್ನು ಪರಿಚಯಿಸಿದೆ. ವಾಸ್ತವವಾಗಿ,  ಜಿಯೋ ಮತ್ತು ಏರ್‌ಟೆಲ್‌ನಂತಹ ಖಾಸಗಿ ಟೆಲಿಕಾಂ ಕಂಪನಿಗಳು ಇತ್ತೀಚೆಗೆ 700 ಶ್ರೇಣಿಯಲ್ಲಿ ಹೊಸ ಯೋಜನೆಗಳನ್ನು ಪ್ರಾರಂಭಿಸಿವೆ. ಜಿಯೋದ ರೂ. 750 ಪ್ಲಾನ್ 90 ದಿನಗಳ ವ್ಯಾಲಿಡಿಟಿಯೊಂದಿಗೆ ಬರುತ್ತದೆ. ಇದೇ ವೇಳೆ ಏರ್‌ಟೆಲ್ ರೂ. 779 ಯೋಜನೆಯು 90 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಜಿಯೋ ಮತ್ತು ಏರ್‌ಟೆಲ್‌ನ ಈ ಯೋಜನೆಗಳಿಗೆ ಕಠಿಣ ಸ್ಪರ್ಧೆಯನ್ನು ನೀಡಿರುವ ಬಿಎಸ್ಎನ್ಎಲ್  ಸಂಪೂರ್ಣ 800 ರೂ.ಗಿಂತ ಕಡಿಮೆ ಬೆಲೆಗೆ  365 ದಿನಗಳ ಯೋಜನೆಯನ್ನು ಪ್ರಾರಂಭಿಸಿದೆ.


COMMERCIAL BREAK
SCROLL TO CONTINUE READING

ಬಿಎಸ್ಎನ್ಎಲ್ ನ ಈ ಯೋಜನೆಯ ಬೆಲೆ 797 ರೂ. ಮೊದಲೇ ತಿಳಿಸಿದಂತೆ ಇದು ವಾರ್ಷಿಕ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯಾಗಿದ್ದು, ಈ ಯೋಜನೆಯಲ್ಲಿ  365 ದಿನಗಳ ಮಾನ್ಯತೆ ಲಭ್ಯವಿದೆ.  ಈ ಯೋಜನೆಯಲ್ಲಿ ಲಭ್ಯವಿರುವ ಪ್ರಯೋಜನಗಳ ಬಗ್ಗೆ ತಿಳಿಯೋಣ...


ಇದನ್ನೂ ಓದಿ- ಭಾರತದಲ್ಲಿ ಈ ದಿನದಿಂದ 5G ಸೇವೆ ಲಭ್ಯ .! ಎಷ್ಟಿರಲಿದೆ ಗೊತ್ತಾ ಸ್ಪೀಡ್?


ಬಿಎಸ್ಎನ್ಎಲ್  797 ರೂ. ಯೋಜನೆಯ ಪ್ರಯೋಜನಗಳು:
* ಬಿಎಸ್ಎನ್ಎಲ್ ನ ಈ ಅಗ್ಗದ ವಾರ್ಷಿಕ ಯೋಜನೆಯು ಬಳಕೆದಾರರಿಗೆ ಅನಿಯಮಿತ ಧ್ವನಿ ಕರೆಗಳನ್ನು ನೀಡುತ್ತದೆ. ಇದರಲ್ಲಿ ಬಳಕೆದಾರರಿಗೆ  ಯಾವುದೇ ನೆಟ್‌ವರ್ಕ್‌ನಲ್ಲಿ ಅನಿಯಮಿತ ಧ್ವನಿ ಕರೆಗಳು ಲಭ್ಯವಿದೆ.
* ಇದಲ್ಲದೆ, ಈ ಯೋಜನೆಯು ಬಳಕೆದಾರರಿಗೆ ಪ್ರತಿದಿನ 2GB ಡೇಟಾವನ್ನು ಒದಗಿಸುತ್ತದೆ. 
* ಆದಾಗ್ಯೂ, ದೈನಂದಿನ ಡೇಟಾ ಕೋಟಾ ಮುಗಿದ ನಂತರ, ಯೋಜನೆಯ ಅಡಿಯಲ್ಲಿ ಲಭ್ಯವಿರುವ ಇಂಟರ್ನೆಟ್ ವೇಗವು 80 ಕೆಬಿಪಿಎಸ್‌ಗೆ ಇಳಿಯುತ್ತದೆ.
* ಇಷ್ಟೇ ಅಲ್ಲ, ಪ್ರತಿದಿನ 100 ಉಚಿತ ಎಸ್ಎಂಎಸ್ ಸೌಲಭ್ಯವೂ ಈ ಯೋಜನೆಯಲ್ಲಿ ಲಭ್ಯವಿದೆ.


ಈ ಯೋಜನೆಯು 365 ದಿನಗಳ ವ್ಯಾಲಿಡಿಟಿಯನ್ನು ನೀಡುತ್ತದೆಯಾದರೂ, ಇದರಲ್ಲಿ ಲಭ್ಯವಿರುವ ಪ್ರಯೋಜನಗಳು 60 ದಿನಗಳವರೆಗೆ ಮಾತ್ರ ಲಭ್ಯವಿರುತ್ತವೆ ಎಂಬುದು ಗಮನಿಸಬೇಕಾದ ಸಂಗತಿ. ಸಂಖ್ಯೆಯನ್ನು ಸಕ್ರಿಯವಾಗಿರಿಸಲು ನಿಮಗೆ ವರ್ಷವಿಡೀ ಮತ್ತೊಂದು ರೀಚಾರ್ಜ್ ಅಗತ್ಯವಿಲ್ಲ.


ಇದನ್ನೂ ಓದಿ- ಬರಲಿದೆ ಅತಿ ಕಡಿಮೆ ಬೆಲೆಯ 5G ಫೋನ್‌.. ಲಾಂಚ್‌ ಡೇಟ್, ವೈಶಿಷ್ಟ್ಯ, ಬೆಲೆ ಬಗ್ಗೆ ಕಂಪ್ಲೀಟ್‌ ಡಿಟೇಲ್ಸ್‌


ಜಿಯೋ ಯೋಜನೆ: 
ಜಿಯೋ ಸ್ವಾತಂತ್ರ್ಯ ದಿನದ ಕೊಡುಗೆಗಳ ಅಡಿಯಲ್ಲಿ 750 ರೂಗಳ ಅನಿಯಮಿತ ಕೊಡುಗೆಯನ್ನು ಪರಿಚಯಿಸಿದೆ. ಈ ಯೋಜನೆಯ ಬೆಲೆ 749 ರೂ. ಇದರಲ್ಲಿ ಪ್ರತಿದಿನ 2ಜಿಬಿ ಡೇಟಾ, ಅನಿಯಮಿತ ಕರೆ ಮತ್ತು 100 ಉಚಿತ ಎಸ್ಎಂಎಸ್ ಪ್ರತಿದಿನ ಲಭ್ಯವಿರುತ್ತದೆ. ಇದರ ವ್ಯಾಲಿಡಿಟಿ 90 ದಿನಗಳು.  


ಏರ್ಟೆಲ್ ಯೋಜನೆ:
ಏರ್‌ಟೆಲ್‌ನ ಹೊಸ ರೂ. 779 ಪ್ಲಾನ್‌ನಲ್ಲಿ 90 ದಿನಗಳ ವ್ಯಾಲಿಡಿಟಿ ಲಭ್ಯವಿದೆ. ಪ್ರಯೋಜನಗಳ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಬಳಕೆದಾರರಿಗೆ ಅನಿಯಮಿತ ಕರೆ, ದೈನಂದಿನ 1.5ಜಿಬಿ ಡೇಟಾ ಮತ್ತು 100 ದೈನಂದಿನ ಉಚಿತ ಎಸ್ಎಂಎಸ್ ಸೌಲಭ್ಯ ಕೂಡ ಲಭ್ಯವಿರಲಿದೆ.


https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.