BSNL Prepaid Plans: ಅತ್ಯಂತ ಕಡಿಮೆ ಬೆಲೆಯಲ್ಲಿ ಪ್ರಿಪೇಯ್ಡ್ ಪ್ಲಾನ್ಸ್ ಪರಿಚಯಿಸಿದ ಬಿ‌ಎಸ್‌ಎನ್‌ಎಲ್

BSNL Affordable Prepaid Plans: ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್- ಬಿ‌ಎಸ್‌ಎನ್‌ಎಲ್ ತನ್ನ ಗ್ರಾಹಕರಿಗಾಗಿ ಎರಡು ಹೊಸ ಪ್ರಿಪೇಯ್ಡ್ ಯೋಜನೆಗಳನ್ನು (BSNL New Prepaid Plans) ಬಿಡುಗಡೆ ಮಾಡಿದೆ. ಈ ಎರಡು ಹೊಸ ಯೋಜನೆಗಳು ₹ 58 ಮತ್ತು ₹ 59ಕ್ಕೆ ಲಭ್ಯವಾಗುತ್ತದೆ. ಯಾವುದೀ ಯೋಜನೆಗಳು, ಈ ಯೋಜನೆಗಳ ಪ್ರಯೋಜನಗಳೇನು ಎಂದು ತಿಳಿಯೋಣ... 

ಅತ್ಯಂತ ಕಡಿಮೆ ಬೆಲೆಯಲ್ಲಿ ಬಿ‌ಎಸ್‌ಎನ್‌ಎಲ್ ಪ್ರಿಪೇಯ್ಡ್ ಪ್ಲಾನ್ಸ್ (BSNL Prepaid Plans at lowest price)! 
*  ₹58 ಯೋಜನೆಯು ಕೇವಲ ಡೇಟಾ ವೋಚರ್ (Data Voucher) 
* ₹59 ಯೋಜನೆಯು ಸಂಪೂರ್ಣ ಟೆಲಿಕಾಂ ಸೇವೆಯ ವಿಸ್ತೃತ ಮಾನ್ಯತೆಯೊಂದಿಗೆ  ಲಭ್ಯವಿರುವ ಪ್ರಿಪೇಯ್ಡ್ ಯೋಜನೆಯಾಗಿದೆ. 

ಇದನ್ನೂ ಓದಿ- ವಾಟ್ಸಾಪ್‌ನಲ್ಲಿ ಸದ್ಯದಲ್ಲೇ ಬರಲಿದೆ ಆಡಿಯೋ ಕಾಲ್ ಫೀಚರ್: ಏನಿದರ ವಿಶೇಷತೆ!

ಬಿ‌ಎಸ್‌ಎನ್‌ಎಲ್ ₹58 ಪ್ರಿಪೇಯ್ಡ್ ಯೋಜನೆಯ ಪ್ರಯೋಜನಗಳು: 
ಬಿ‌ಎಸ್‌ಎನ್‌ಎಲ್ (BSNL) ಪರಿಚಯಿಸಿರುವ ₹58 ಪ್ರಿಪೇಯ್ಡ್ ಯೋಜನೆಯು ಡೇಟಾ ಟಾಪ್-ಅಪ್ ಪ್ಲಾನ್ ಆಗಿದೆ. ಅರ್ಥಾತ್, ನಿಮ್ಮ ಮೊಬೈಲ್‌ನಲ್ಲಿ ಈಗಾಗಲೇ ಸಕ್ರಿಯವಾಗಿರುವ ಯೋಜನೆಯೊಂದಿಗೆ ನೀವು ಈ ಯೋಜನೆಯನ್ನು ಪಡೆಯಬಹುದು. 
₹58 ಡೇಟಾ ವೋಚರ್ ಯೋಜನೆಯು ಗ್ರಾಹಕರಿಗೆ 7 ದಿನಗಳ ವ್ಯಾಲಿಡಿಟಿಯನ್ನು ನೀಡುತ್ತದೆ. ಇದರಲ್ಲಿ, ಪ್ರತಿದಿನ 2ಜಿಬಿ ಡೇಟಾ ಲಭ್ಯವಿದೆ. ಅಷ್ಟೇ ಅಲ್ಲ, ನಿಗದಿತ ಡೇಟಾ ಖಾಲಿಯಾದ ಬಳಿಕ ಇಂಟರ್ನೆಟ್ ವೇಗವು 40 Kbps ಗೆ ಕಡಿಮೆಯಾಗುತ್ತದೆ.

ಇದನ್ನೂ ಓದಿ- BSNL 4G Services: ಬಿ‌ಎಸ್‌ಎನ್‌ಎಲ್ ಗ್ರಾಹಕರಿಗೆ ಗುಡ್ ನ್ಯೂಸ್, ಈ ದಿನದಿಂದ ಸಿಗಲಿದೆ 4G ಸೇವೆ

ಬಿ‌ಎಸ್‌ಎನ್‌ಎಲ್ ₹59 ಪ್ರಿಪೇಯ್ಡ್ ಯೋಜನೆ ಪ್ರಯೋಜನಗಳು: 
ಬಿ‌ಎಸ್‌ಎನ್‌ಎಲ್ ಪರಿಚಯಿಸಿರುವ ಎರಡನೇ ಪ್ರಿಪೇಯ್ಡ್ ಯೋಜನೆ (Prepaid Plan) ಎಂದರೆ ₹59 ಪ್ರಿಪೇಯ್ಡ್ ಯೋಜನೆ. ಇದು ಯೋಜನೆಯು ಸಂಪೂರ್ಣ ಟೆಲಿಕಾಂ ಸೇವೆಯ ವಿಸ್ತೃತ ಮಾನ್ಯತೆಯೊಂದಿಗೆ  ಲಭ್ಯವಿರುವ ಪ್ರಿಪೇಯ್ಡ್ ಯೋಜನೆಯಾಗಿದೆ. ಏಳು ದಿನಗಳ ವ್ಯಾಲಿಡಿಟಿಯೊಂದಿಗೆ ಲಭ್ಯವಿರುವ ಈ ಯೋಜನೆಯಲ್ಲಿ ಗ್ರಾಹಕರು ನಿತ್ಯ 1 ಜಿಬಿ ಡೇಟಾ ಮತ್ತು ಅನ್ಲಿಮಿಟೆಡ್ ಕರೆ ಸೌಲಭ್ಯವನ್ನು ಪಡೆಯಲಿದ್ದಾರೆ. 

ದುಬಾರಿ ರಿಚಾರ್ಜ್ ಯೋಜನೆಗಳನ್ನು ಖರೀದಿಸಲು ಸಾಧ್ಯವಾಗದ ಗ್ರಾಹಕರಿಗೆ ಈ ಪ್ರಿಪೇಯ್ಡ್ ಯೋಜನೆಗಳು ತುಂಬಾ ಪ್ರಯೋಜನಕಾರಿ ಎಂದು ಸಾಬೀತುಪಡಿಸಲಿವೆ.