BSNL ಹೊಸ ವರ್ಷದ ಉಡುಗೊರೆ!60 ದಿನಗಳವರೆಗೆ ಪ್ರತಿದಿನ 2GB ಡೇಟಾ! ಯಾವ ನೆಟ್ವರ್ಕ್ ನಲ್ಲೂ ಇಲ್ಲ ಇಷ್ಟೊಂದು ಅಗ್ಗದ ಪ್ಲಾನ್

BSNL 4G ಮತ್ತು 5G ಸೇವೆಗಳನ್ನು ಪ್ರಾರಂಭಿಸಲು ಹತ್ತಿರವಾಗುತ್ತಿದ್ದಂತೆ, ಕಂಪನಿಯು ಹೊಸ ಯೋಜನೆಗಳನ್ನು ಪರಿಚಯಿಸುವ ಮೂಲಕ ಹೊಸ ಗ್ರಾಹಕರನ್ನು ಸೇರಿಸುವಲ್ಲಿ ನಿರತವಾಗಿದೆ. ರಿಲಯನ್ಸ್ ಜಿಯೋ, ಏರ್‌ಟೆಲ್ ಮತ್ತು ವಿಯಂತಹ ಖಾಸಗಿ ಟೆಲಿಕಾಂ ಕಂಪನಿಗಳು ಜುಲೈನಲ್ಲಿ ತಮ್ಮ ಯೋಜನೆಗಳನ್ನು ದುಬಾರಿಗೊಳಿಸಿದ್ದವು. ಅದರ ನಂತರ ಜನರು BSNL ಕಡೆಗೆ ಮುಖ ಮಾಡಿದ್ದಾರೆ. ಏಕೆಂದರೆ ಬಿಎಸ್ಎನ್ಎಲ್ ನಲ್ಲಿ ಅಗ್ಗದ ಯೋಜನೆಗಳನ್ನು ಪರಿಚಯಿಸಲಾಗಿದೆ. BSNL ಕೂಡಾ  4G ಮತ್ತು 5G ಸೇವೆಗಳನ್ನು ಸಾಧ್ಯವಾದಷ್ಟು ಬೇಗ ಪ್ರಾರಂಭಿಸಲು ಸಿದ್ಧತೆಗಳನ್ನು ನಡೆಸಿದೆ. ಇದೀಗ BSNL ಹೊಸ ವರ್ಷದ ಆಫರ್ ತಂದಿದೆ. 

BSNL  277 ರೂ. ಯೋಜನೆ : 
BSNL ಹಬ್ಬದ ಋತುವಿನ ಕೊಡುಗೆಯನ್ನು ಪರಿಚಯಿಸಿದೆ. ಹೊಸ ಪ್ಲಾನ್‌ನ ಬೆಲೆ 277 ರೂ ಆಗಿದ್ದು, ಇದರಲ್ಲಿ ಬಳಕೆದಾರರು 60 ದಿನಗಳ ಮಾನ್ಯತೆಯನ್ನು ಪಡೆಯುತ್ತಾರೆ. ಇದಲ್ಲದೇ 120GB ಡೇಟಾ ದೊರೆಯಲಿದೆ. ಅಂದರೆ ಪ್ರತಿದಿನ 2GB ಡೇಟಾ. ಡೇಟಾ ಖಾಲಿಯಾದ ನಂತರ, ಇಂಟರ್ನೆಟ್ ವೇಗವು 40Kbps ಗೆ ಕಡಿಮೆಯಾಗುತ್ತದೆ. ಈ ಕೊಡುಗೆಯು ಜನವರಿ 16 ರವರೆಗೆ ಮಾತ್ರ ಚಾಲ್ತಿಯಲ್ಲಿ ಇರಲಿದೆ. ಅದರ ನಂತರ ನೀವು ರೀಚಾರ್ಜ್ ಮಾಡಲು ಸಾಧ್ಯವಾಗುವುದಿಲ್ಲ. BSNL X ನಲ್ಲಿ ಪೋಸ್ಟ್ ಮಾಡುವ ಮೂಲಕ ಮಾಹಿತಿಯನ್ನು ಹಂಚಿಕೊಂಡಿದೆ.

ಇದನ್ನೂ ಓದಿ : Flipkart, Amazon ಅಲ್ಲ ಅಗ್ಗದ ಬೆಲೆಗೆ iPhone 16 ಸಿಗುವುದು ಇಲ್ಲಿ !

2025ರಲ್ಲಿ 5ಜಿ ಸೇವೆ ಆರಂಭ :
BSNL ನ 4G ಮತ್ತು 5G ಸೇವೆಗಳು 2025 ರಲ್ಲಿ ಪ್ರಾರಂಭವಾಗಲಿದ್ದು, ಇದರಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ. ಇದನ್ನು ಟಿಸಿಎಸ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಎನ್. ಗಣಪತಿ ಸುಬ್ರಮಣ್ಯಂ ಹೇಳಿದ್ದಾರೆ. ಈ ಹಿಂದೆ ಭಾರತದ ಟೆಲಿಕಾಂ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಅವರು BSNL ಮೇ 2025 ರ ವೇಳೆಗೆ ಒಂದು ಲಕ್ಷ ಸ್ಥಳಗಳಲ್ಲಿ 4G ನೆಟ್‌ವರ್ಕ್ ಅನ್ನು ಪ್ರಾರಂಭಿಸಲಿದೆ ಎಂದು ಹೇಳಿದ್ದರು. ನಂತರ, 5G ನೆಟ್‌ವರ್ಕ್ ಕೂಡಾ ಜೂನ್ 2025 ರಲ್ಲಿ ಪ್ರಾರಂಭವಾಗುತ್ತದೆ ಎನ್ನಲಾಗಿದೆ. 

BSNL ನ 4G-5G ಸೇವೆಗಳು ನಿಗದಿತ ಸಮಯಕ್ಕೆ ಪ್ರಾರಂಭವಾಗಲಿದೆ ಎಂದು TCS ದೃಢಪಡಿಸಿದೆ. ಹೈಸ್ಪೀಡ್ ಇಂಟರ್‌ನೆಟ್‌ಗಾಗಿ ಕಾಯುತ್ತಿದ್ದ ಲಕ್ಷಾಂತರ BSNL ಬಳಕೆದಾರರಿಗೆ ಇದು ದೊಡ್ಡ ಸಮಾಧಾನ ತಂದಿದೆ. ಯೋಜನೆ ಪ್ರಕಾರ ಕೆಲಸ  ನಡೆಯುತ್ತಿದ್ದು, ನಿಗದಿತ ಅವಧಿಯೊಳಗೆ ಎಲ್ಲಾ ಕಾಮಗಾರಿ ಪೂರ್ಣಗೊಳ್ಳಲಿದೆ ಎಂದು ಟಿಸಿಎಸ್ ತಿಳಿಸಿದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.