ಮುಖ ನೋಡುವುದಕ್ಕಷ್ಟೇ ಅಲ್ಲ ಈ ಕನ್ನಡಿ : ಇದರ ಮುಂದೆ ನಿಂತರೆ ಸಾಕು ನಮ್ಮ ಕೈ ಸೇರಿತ್ತದೆ ಕಂಪ್ಲೀಟ್ ಹೆಲ್ತ್ ರಿಪೋರ್ಟ್

ಕನ್ನಡಿ ಎಲ್ಲವನ್ನೂ ಸತ್ಯ ಹೇಳುತ್ತದೆ. ನಾವು ನಮ್ಮ ಬಗ್ಗೆ ಏನೇ ಅಂದುಕೊಂಡರೂ ಕನ್ನಡಿ ಮಾತ್ರ ಸತ್ಯವನ್ನೇ ನುಡಿಯುತ್ತದೆ. ಇದೀಗ ನಮ್ಮ ಆರೋಗ್ಯದ ಬಗ್ಗೆ ಸತ್ಯ ನುಡಿಯುವ ಕನ್ನಡಿ ಸಿದ್ದವಾಗಿದೆ. ಫ್ರೆಂಚ್ ಕಂಪನಿಯೊಂದು "ಓಮ್ನಿಯಾ" ಎಂಬ ಮ್ಯಾಜಿಕ್ ಕನ್ನಡಿಯನ್ನು ರಚಿಸಿದೆ. ಈ ಕನ್ನಡಿ ಕೇವಲ ಮುಖ ನೋಡಿಕೊಳ್ಳುವುದಕ್ಕೆ ಅಲ್ಲ, ಬದಲಿಗೆ ಆರೋಗ್ಯದ ಬಗ್ಗೆಯೂ ಕಾಳಜಿ ವಹಿಸುತ್ತದೆ. ಈ ಕನ್ನಡಿಯ ಮುಂದೆ ನಿಂತರೆ ನಿಮ್ಮ ತೂಕ, ಹೃದಯ ಬಡಿತ ಮತ್ತು ದೇಹದ ಸ್ಥಿತಿಯನ್ನು ಹೇಳುತ್ತದೆ. ಮಾತ್ರವಲ್ಲ ವೈದ್ಯರೊಂದಿಗೆ ಮಾತನಾಡಲು ಸಹಾಯ ಮಾಡುವ ಸ್ಮಾರ್ಟ್ ಸಹಾಯಕವನ್ನು ಸಹ ಇದು ಹೊಂದಿದೆ.

ಓಮ್ನಿಯಾ ಸ್ಮಾರ್ಟ್ ಕನ್ನಡಿ :
ಈ ಕನ್ನಡಿಯ ವಿಶೇಷವೆಂದರೆ ಇದರಲ್ಲಿ ಹಲವು ರೀತಿಯ ಆರೋಗ್ಯಕ್ಕೆ ಸಂಬಂಧಿಸಿದ ತಂತ್ರಗಳನ್ನು ಸಂಯೋಜಿಸಲಾಗಿದೆ. ಇಂಥಹ ಸ್ಮಾರ್ಟ್ ಕನ್ನಡಿಗಳು ಮೊದಲು ಕೂಡಾ ಅಸ್ತಿತ್ವದಲ್ಲಿದ್ದವು. ಉದಾಹರಣೆಗೆ ಲುಲುಲೆಮನ್ಸ್ ಮಿರರ್. ಈ ಕನ್ನಡಿ ಆರೋಗ್ಯ ಮಾಹಿತಿನೀಡುವುದರ ಜೊತೆಗೆ ವೀಡಿಯೊ ಕರೆಗಳನ್ನು ಮಾಡಲು ಕೂಡಾ ಅವಕಾಶ ನೀಡಿತ್ತು. 

ಇದನ್ನೂ ಓದಿ : ಇನ್ಮುಂದೆ ವಾಟ್ಸಪ್​ನಲ್ಲೇ ಆಧಾರ್, ಪಾನ್ ಕಾರ್ಡ್ ಡೌನ್ಲೋಡ್ ಮಾಡಿಕೊಳ್ಳಬಹುದು: ಹೇಗ್ ಗೊತ್ತಾ...

ವಿಟಿಂಗ್ಸ್ ಕಂಪನಿಯು ಈ ಕನ್ನಡಿಯನ್ನು CES 2025ರಲ್ಲಿ ತೋರಿಸುತ್ತದೆ.ಇಂಥಹ ಕನ್ನಡಿ ಒಂದೊಮ್ಮೆ ಮಾರುಕಟ್ಟೆಯಲ್ಲಿ ಸದ್ಯಕ್ಕೆ ಲಭ್ಯವಿಲ್ಲದೆ ಹೋದರೂ, ಭವಿಷ್ಯದಲ್ಲಿ ಆರೋಗ್ಯಕ್ಕೆ ಸಂಬಂಧಿಸಿದ ತಂತ್ರಜ್ಞಾನಗಳು ಯಾವ ದಿಕ್ಕಿನಲ್ಲಿ  ಸಾಗುತ್ತವೆ ಎನ್ನುವುದನ್ನು ಇದು ಸ್ಪಷ್ಟವಾಗಿ ತೋರಿಸುತ್ತದೆ.  

ಹೆಚ್ಚುವರಿಯಾಗಿ, ವಿಥಿಂಗ್ಸ್ ಸ್ಮಾರ್ಟ್ ವಾಚ್‌ಗಳು, ಸ್ಮಾರ್ಟ್ ಸ್ಕೇಲ್, ಕನೆಕ್ಟೆಡ್ ಬ್ಲಡ್  ಪ್ರೆಶರ್ ಕಾಫ್, ಥರ್ಮಾಮೀಟರ್‌ಗಳು ಸ್ಲೀಪ್ ಟ್ರ್ಯಾಕರ್ ಅನ್ನು ಸಹ ನೀಡುತ್ತದೆ. ಈ ಕಂಪನಿಯು ಈ ಹಿಂದೆ ಅನೇಕ ಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಿದೆ. ಉದಾಹರಣೆಗೆ ಶೌಚಾಲಯಗಳಲ್ಲಿ ಬಳಸುವ ಮೂತ್ರ ಪರೀಕ್ಷೆ ಸಾಧನ ಮತ್ತು ಪಾದಗಳ ಮೂಲಕ ನರಗಳ ಆರೋಗ್ಯವನ್ನು ವಿಶ್ಲೇಷಿಸುವ ಮಾಪಕ. ಈ ಕಂಪನಿಯು ತನ್ನ ಸ್ಮಾರ್ಟ್ ವಾಚ್‌ನಲ್ಲಿ ಹೃದ್ರೋಗ ತಜ್ಞರು ಪರೀಕ್ಷಿಸಿದ ಇಸಿಜಿ ವರದಿಗಳಂತಹ ಟೆಲಿಮೆಡಿಸಿನ್ ವೈಶಿಷ್ಟ್ಯಗಳನ್ನು ಸಹ ಸೇರಿಸಿದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಓಮ್ನಿಯಾ ಇನ್ನೂ ಮಾರುಕಟ್ಟೆಗೆ ಬಂದಿಲ್ಲ. ಅದರ ತಯಾರಿಕೆಯ ಹಂತದಲ್ಲಿದೆ ಎಂದು ಕಂಪನಿ ಹೇಳಿದೆ. ಅದು ಯಾವಾಗ ಬರುತ್ತದೆ ಮತ್ತು ಅದರ ಬೆಲೆ ಎಷ್ಟು ಎನ್ನುವ ಬಗ್ಗ್ರ್ ಯಾವ ಮಾಹಿತಿಯನ್ನು ಕೂಡಾ ಕಂಪನಿ ನೀಡಿಲ್ಲ.