Automatic Cars: ಇವೇ ನೋಡಿ ಕೈಗೆಟುಕುವ ದರದಲ್ಲಿ ಲಭ್ಯವಿರುವ ಆಟೋಮ್ಯಾಟಿಕ್ ಕಾರುಗಳು

Affordable Automatic Cars: ಇತ್ತೀಚಿನ ದಿನಗಳಲ್ಲಿ ಭಾರತದಲ್ಲಿ ಸ್ವಯಂಚಾಲಿತ ಕಾರುಗಳು ಎಂದರೆ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಕಾರುಗಳ ಜನಪ್ರಿಯತೆ ಹೆಚ್ಚಾಗುತ್ತಿದೆ. ವಾಸ್ತವವಾಗಿ, ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಕಾರುಗಳಿಗೆ ಕ್ಲಚ್ ಪೆಡಲ್ ಅಥವಾ ಮ್ಯಾನ್ಯುವಲ್ ಗೇರ್ ಶಿಫ್ಟಿಂಗ್ ಅಗತ್ಯವಿರುವುದಿಲ್ಲ. ಹಾಗಾಗಿ ಎಂತಹ ಟ್ರಾಫಿಕ್ ನಲ್ಲಿಯೂ ಕೂಡ ಆರಾಮವಾಗಿ ಡ್ರೈವ್ ಮಾಡಬಹುದು ಎಂಬುದೇ ಇದರ ಜನಪ್ರಿಯತೆ ಬಲು ಮುಖ್ಯ ಕಾರಣವಾಗಿದೆ. 

ನೀವೂ ಕೂಡ ಆಟೋಮ್ಯಾಟಿಕ್ ಕಾರ್ ಖರೀದಿಸುವ ಬಗ್ಗೆ ಯೋಚಿಸುತ್ತಿದ್ದರೆ ಭಾರತದಲ್ಲಿ ಕೈಗೆಟುಕುವ ದರದಲ್ಲಿ ಲಭ್ಯವಿರುವ ಕಾರುಗಳ ಬಗ್ಗೆ ತಿಳಿಯೋಣ... 
ಮಾರುತಿ ಸುಜುಕಿ ಆಲ್ಟೊ ಕೆ10:
ಮಾರುತಿ ಸುಜುಕಿ ಆಲ್ಟೊ ಕೆ10 ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಕಾರುಗಳಲ್ಲಿ ಅತಿ ಕಡಿಮೆ ಬೆಲೆಯಲ್ಲಿ ಲಭ್ಯವಿರುವ ಕಾರ್ ಆಗಿದೆ. 1.0-ಲೀಟರ್ NA ಪೆಟ್ರೋಲ್ ಎಂಜಿನ್ ಜೊತೆಗೆ ಬರುವ ಈ ಕಾರ್ 65.7bhp ಮತ್ತು 89Nm ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಮತ್ತು AMT (AGS) ಯೊಂದಿಗೆ ಸಂಯೋಜಿಸಲ್ಪಟ್ಟಿದೆ. ಇದರ ಸ್ವಯಂಚಾಲಿತ ರೂಪಾಂತರದ ಎಕ್ಸ್ ಶೋ ರೂಂ ಬೆಲೆ 5.59 ಲಕ್ಷ ರೂಪಾಯಿಗಳು. 

ಮಾರುತಿ ಸುಜುಕಿ ಎಸ್-ಪ್ರೆಸ್ಸೊ: 
ಮಾರುತಿ ಕಂಪನಿಯ ಮತ್ತೊಂದು ಪ್ರಸಿದ್ದ ಹಾಗೂ ಕೈಗೆಟುಕುವ ಬೆಲೆಯಲ್ಲಿ ಲಭ್ಯವಿರುವ ಕಾರ್ ಎಂದರೆ ಮಾರುತಿ ಸುಜುಕಿ ಎಸ್-ಪ್ರೆಸ್ಸೊ. ಈ ಕಾರ್ 1.0-ಲೀಟರ್ NA ಪೆಟ್ರೋಲ್ ಎಂಜಿನ್ ಅನ್ನು 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಮತ್ತು AMT (AGS) ಆಯ್ಕೆಯೊಂದಿಗೆ ಸಂಯೋಜಿಸುತ್ತದೆ. ಮಾರುತಿ ಸುಜುಕಿ ಎಸ್-ಪ್ರೆಸ್ಸೊದ ಸ್ವಯಂಚಾಲಿತ ರೂಪಾಂತರ ಕಾರ್ ನ ಎಕ್ಸ್ ಶೋ ರೂಂ ಬೆಲೆ 5.76 ಲಕ್ಷ ರೂ.ಗಳು. 

ಇದ್ನನೂ ಓದಿ- Automatic Car ಖರೀದಿಸುವ ಮುನ್ನ ಅದರ ಅನುಕೂಲ, ಅನಾನುಕೂಲಗಳ ಬಗ್ಗೆ ತಪ್ಪದೇ ತಿಳಿಯಿರಿ

Renault Kwid: 
Renault Kwid ಎಂಬ ಹೆಸರಿನ ಆಟೋಮ್ಯಾಟಿಕ್ ಕಾರ್ ಡಬಲ್ ಎಂಜಿನ್ ಆಯ್ಕೆಯೊಂದಿಗೆ ಬರುತ್ತದೆ. 800cc ಯುನಿಟ್ ಮತ್ತು 1.0-ಲೀಟರ್ ಯುನಿಟ್ ಜೊತೆಗೆ ಲಭ್ಯವಿರುವ ಈ ಕಾರ್ 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಚಿಕ್ಕ ಎಂಜಿನ್‌ನೊಂದಿಗೆ ಬರಲಿದೆ. ದೊಡ್ಡ ಎಂಜಿನ್‌ನಲ್ಲಿ AMT ಆಯ್ಕೆಯನ್ನು ಅಳವಡಿಸಲಾಗಿದೆ. ರೆನಾಲ್ಟ್ ಕ್ವಿಡ್‌ನ ಸ್ವಯಂಚಾಲಿತ ರೂಪಾಂತರದ ಎಕ್ಸ್ ಶೋ ರೂಂ ಬೆಲೆ 6.12 ಲಕ್ಷ ರೂಪಾಯಿ ಆಗಿದೆ. 

ಮಾರುತಿ ಸುಜುಕಿ ವ್ಯಾಗನ್ಆರ್: 
ಭಾರತೀಯ ಮಾರುಕಟ್ಟೆಯಲ್ಲಿ ಕೈಗೆಟುಕುವ ಕಾರ್ ಎಂದೇ ಖ್ಯಾತಿ ಪಡೆದಿರುವ ಮಧ್ಯಮ ವರ್ಗದ ಜನರ ಅಚ್ಚುಮೆಚ್ಚಿನ ಕಾರ್ ಎಂದರೆ ಮಾರುತಿ ಸುಜುಕಿ ವ್ಯಾಗನ್ಆರ್. ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಬರುವ ಈ ಕಾರ್ 1.0-ಲೀಟರ್ ಘಟಕ ಮತ್ತು 1.2-ಲೀಟರ್ ಘಟಕಗಳನ್ನು ಹೊಂದಿದೆ. ಕಾರು 5-ಸ್ಪೀಡ್ MT ಮತ್ತು AMT ಆಯ್ಕೆಯನ್ನು ಪಡೆಯುತ್ತದೆ. ಮಾರುತಿ ಸುಜುಕಿ ವ್ಯಾಗನ್‌ಆರ್‌ನ ಸ್ವಯಂಚಾಲಿತ ರೂಪಾಂತರದ ಎಕ್ಸ್ ಶೋ ರೂಂ ಬೆಲೆ 6.55 ಲಕ್ಷ ರೂಪಾಯಿಗಳಾಗಿದೆ. 

ಇದನ್ನೂ ಓದಿ- Top Selling Cars in Pakistan: ಪಾಕಿಸ್ತಾನದಲ್ಲಿ ಮಾರಾಟವಾಗುವ ಟಾಪ್ 5 ಕಾರುಗಳಲ್ಲಿ ಮೂರು ಭಾರತೀಯ ಕಾರುಗಳು 

ಟಾಟಾ ಟಿಯಾಗೊ:
ಮಾರುತಿ ಕಂಪನಿಯ ಕಾರುಗಳನ್ನು ಬಿಟ್ಟರೆ ಭಾರತದಲ್ಲಿ ಅತಿ ಕಡಿಮೆ ಬೆಲೆಯಲ್ಲಿ ಲಭ್ಯವಾಗುವ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಕಾರ್ ಎಂದರೆ ಅದುವೇ ಟಾಟಾ ಟಿಯಾಗೊ. ಟಾಟಾ ಟಿಯಾಗೊ ಕಾರ್ 1.2-ಲೀಟರ್ NA ಪೆಟ್ರೋಲ್ ಎಂಜಿನ್ ಅನ್ನು ಪಡೆಯುತ್ತದೆ, ಇದು 84bhp ಮತ್ತು 113Nm ಅನ್ನು ಉತ್ಪಾದಿಸುತ್ತದೆ. ಎಂಜಿನ್‌ನೊಂದಿಗೆ 5-ವೇಗದ MT ಮತ್ತು AMT ಆಯ್ಕೆಯನ್ನು ಹೊಂದಿರುವ ಈ ಆಟೋಮ್ಯಾಟಿಕ್ ಕಾರಿನ ಎಕ್ಸ್ ಶೋ ರೂಂ ಬೆಲೆ 6.92 ಲಕ್ಷ ರೂಪಾಯಿಗಳಾಗಿದೆ.