ಶೀಘ್ರವೇ ಮಾರುಕಟ್ಟೆಗೆ ಎಲಾನ್ ಮಸ್ಕ್ ಅವರ ಟೆಸ್ಲಾ ಕಂಪನಿಯ ಮೊಬೈಲ್ ಪೈ ಲಗ್ಗೆ: ಮೊಬೈಲ್ ಮಾರುಕಟ್ಟೆಯಲ್ಲಿ ಆಗುತ್ತಾ ಕಮಾಲ್?

Mobile Pi: ಬಹಳ ದಿನದಿಂದ ಚರ್ಚೆಯ ಹಂತದಲ್ಲಿ ಇದ್ದ ಸುದ್ದಿಯೊಂದು ನಿಜವಾಗುವ ಲಕ್ಷಣಗಳು ಈಗ ಗೋಚರಿಸುತ್ತಿವೆ. ಟ್ವಿಟರ್ ಕಂಪನಿಯನ್ನು ಖರೀದಿ ಮಾಡಿದ ಬಳಿಕ ಭಾರೀ ಸುದ್ದಿಯಲ್ಲಿರುವ ಖ್ಯಾತ ಅಂತಾರಾಷ್ಟ್ರೀಯ ಉದ್ಯಮಿ, ಟೆಸ್ಲಾ ಕಂಪನಿಯ ಮಾಲೀಕ ಎಲಾನ್ ಮಸ್ಕ್ ಅವರು ಈಗ ಮೊಬೈಲ್ ತಯಾರಿಕಾ ಕ್ಷೇತ್ರಕ್ಕೂ ಕಾಲಿಡುತ್ತಾರೆ ಎಂದು ಉದ್ಯಮದ ಮೂಲಗಳಿಂದ ತಿಳಿದುಬಂದಿದೆ. 

ಎಲಾನ್ ಮಸ್ಕ್ ಅವರ ಟೆಸ್ಲಾ ಕಂಪನಿಯು ಮೊಬೈಲ್ ತಯಾರಿಕಾ ಕ್ಷೇತ್ರಕ್ಕೂ ಕಾಲಿಡಲಿದೆ. ಟೆಸ್ಲಾ ಪೈ 5G (Tesla Pi 5G) ಎಂಬ ಮೊಬೈಲ್ ಅನ್ನು ಬಿಡುಗಡೆ ಮಾಡಲಿದೆ ಎಂದು ಹೇಳಲಾಗುತ್ತಿದೆ. ಏನೇ ಮಾಡಿದಾರು ದೊಡ್ಡ ಮಟ್ಟದಲ್ಲಿ ಮಾಡುವ ಮತ್ತು ಸಂಚಲನ ಸೃಷ್ಟಿಸುವ ಎಲಾನ್ ಮಸ್ಕ್ ಈಗ ಮೊಬೈಲ್ ಉತ್ಪಾದನಾ ಕ್ಷೇತ್ರದಲ್ಲೂ ಮಿಂಚಿನ ಸಂಚಾರ ಸೃಷ್ಟಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. 

ಇದನ್ನೂ ಓದಿ- ಎಚ್ಚರ..! ಎಚ್ಚರ! UPI Refund ಹೆಸರಿನಲ್ಲಿ ಖಾಲಿಯಾದೀತು ಖಾತೆ..!

ಇತ್ತೀಚಿಗೆ ಯೂಟ್ಯೂಬ್, ಎಕ್ಸ್ ಮತ್ತು ಇನ್ಸ್ಟ್ರಾಗ್ರಾಮ್ ಜಾಲತಾಣಗಳಲ್ಲಿ ಟೆಸ್ಲಾ ಪೈ 5G ಮೊಬೈಲ್ ವಿಡಿಯೋ ತುಣುಕುಗಳು ಓಡಾಡುತ್ತಿದ್ದು ಇವು ಟೆಸ್ಲಾ ಕಂಪನಿ ಬಿಡುಗಡೆ ಮಾಡಲಿರುವ ಮೊಬೈಲ್ ಗಳು ಎಂದೇ ಹೇಳಲಾಗುತ್ತಿದೆ. 

ಟೆಸ್ಲಾ ಕಂಪನಿ ಹೊರತರಲಿರುವ 5G (Tesla Pi 5G) ಮೊಬೈಲ್ ಗಳು ಸೌರ ಶಕ್ತಿಯಿಂದಲೂ ಕೆಲಸ ಮಾಡಬಲ್ಲ ಸಾಮರ್ಥ್ಯ ಹೊಂದಿರುತ್ತವೆ. ಜೊತೆಗೆ ಅತ್ಯಾಧುನಿಕ ತಂತ್ರಜ್ಞಾನಗಳ ಬಳಕೆಗೆ ಈ ಹೊಸ ಪೈ ಮೊಬೈಲ್ ಪೂರಕವಾಗಿರುತ್ತವೆ ಎಂದು ಹೇಳಲಾಗಿದ್ದು, ಇದು ಸಹಜವಾಗಿ ಮೊಬೈಲ್ ಕ್ಷೇತ್ರದಲ್ಲಿ ಕ್ರಾಂತಿ ಉಂಟುಮಾಡುತ್ತದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. 

ಇದನ್ನೂ ಓದಿ- ಕೈಗೆಟುಕುವ ಬೆಲೆಯಲ್ಲಿ 84 ದಿನಗಳ ಪ್ಲಾನ್ ಪರಿಚಯಿಸಿದ ಜಿಯೋ, ಡಿಸ್ನಿ+ ಹಾಟ್‌ಸ್ಟಾರ್ ಕೂಡ ಉಚಿತ!

5G (Tesla Pi 5G) ಮೊಬೈಲ್ ಗಳು ಬ್ರೈನ್-ಮೆಷಿನ್-ಇಂಟರ್ ಫೇಸ್ (BMI) ಚಿಪ್ ಅನ್ನು ಹೊಂದಿರುತ್ತವೆ ಎಂದು ನಿರೀಕ್ಷಿಸಲಾಗಿದೆ. ಒಂದೊಮ್ಮೆ ಅಂತಹ ಪ್ರಯೋಗ ಆದರೆ ಮೊಬೈಲ್ ಬಳಕೆ ಇನ್ನೊಂದು ಕ್ರಾಂತಿಕಾರಕ ಹೆಜ್ಜೆಯನ್ನು ತಲುಪಲಿದೆ. ಸದ್ಯ ಟೆಸ್ಲಾ ಕಂಪನಿ ಅಧಿಕೃತವಾಗಿ ಹೊಸ 5G (Tesla Pi 5G) ಮೊಬೈಲ್ ತಯಾರಿಕೆ-ಬಿಡುಗಡೆ ಬಗ್ಗೆ ಅಧಿಕೃತವಾಗಿ ಏನನ್ನೂ ಹೇಳಿಲ್ಲ. ಇದರ ಹಾಗಾಗಿ ಹೊಸ ಮೊಬೈಲ್ ಎಷ್ಟು ಅಗ್ಗದಲ್ಲಿ ಲಭ್ಯವಾಗಲಿದೆ ಎನ್ನುವ ಮಾಹಿತಿಯ ಬಗ್ಗೆಯೂ ಇನ್ನಷ್ಟೇ ಗೊತ್ತಾಗಬೇಕಾಗಿದೆ.