ನೀವು ಬಳಸುವ ಚಾರ್ಜರ್ ಅಸಲಿಯೋ ನಕಲಿಯೋ ಹೀಗೆ ಪತ್ತೆ ಹಚ್ಚಿ !

Smartphone Charger orignal or duplicate : ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು ಸ್ಮಾರ್ಟ್‌ಫೋನ್‌ಗಳನ್ನು ಬಳಸುತ್ತಾರೆ.ಸ್ಮಾರ್ಟ್‌ಫೋನ್‌ನ ನಿರಂತರ ಬಳಕೆಯಿಂದಾಗಿ ಅದು ಡಿಸ್ಚಾರ್ಜ್ ಆಗುತ್ತದೆ.ನಂತರ ಅದನ್ನು ಚಾರ್ಜ್ ಮಾಡಲು ಚಾರ್ಜರ್ ಅಗತ್ಯವಾಗಿ ಬೇಕಾಗುತ್ತದೆ.ಉತ್ತಮ ಬ್ಯಾಟರಿ ಬಾಳಿಕೆಗಾಗಿ,ಒರಿಜಿನಲ್  ಚಾರ್ಜರ್ನೊಂದಿಗೆ ಫೋನ್ ಅನ್ನು ಚಾರ್ಜ್ ಮಾಡಲು ಯಾವಾಗಲೂ ಸಲಹೆ ನೀಡಲಾಗುತ್ತದೆ.ಚಾರ್ಜರ್ ಹೊಸ ಫೋನ್‌ನೊಂದಿಗೆ ಬಂದರೂ,ಕೆಲವೊಮ್ಮೆ ಜನರು ಒರಿಜಿನಲ್ ಚಾರ್ಜರ್ ಅನ್ನು ಕಳೆದು ಹಾಕುತ್ತಾರೆ.ಅಂತಹ ಪರಿಸ್ಥಿತಿಯಲ್ಲಿ, ಜನರು ಮಾರುಕಟ್ಟೆಯಿಂದ ಮತ್ತೊಂದು ಚಾರ್ಜರ್ ಅನ್ನು ಖರೀದಿಸುತ್ತಾರೆ. 

ಈ ಆ್ಯಪ್ ಬಳಸಿ: 
ಅನೇಕ ಬಾರಿ ಅಂಗಡಿಯವರು ಅಸಲಿ ಚಾರ್ಜರ್‌ಗಳ ಹೆಸರಿನಲ್ಲಿ ಜನರಿಗೆ ನಕಲಿ ಚಾರ್ಜರ್‌ಗಳನ್ನು ಮಾರಾಟ ಮಾಡುತ್ತಾರೆ.ನಕಲಿ ಚಾರ್ಜರ್‌ಗಳು ನಿಮ್ಮ ಫೋನ್ ಅನ್ನು ಹಾನಿಗೊಳಿಸಬಹುದು. ಆದ್ದರಿಂದ ನಿಮ್ಮ ಚಾರ್ಜರ್ ಅಸಲಿಯೇ ಅಥವಾ ಇಲ್ಲವೇ ಎಂಬುದನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ.ಅಂತಹ ಪರಿಸ್ಥಿತಿಯಲ್ಲಿ, ಚಾರ್ಜರ್ ಅಸಲಿಯೇ ಅಥವಾ ನಕಲಿಯೇ ಎಂದು ತಿಳಿಯುವುದು ಹೇಗೆ ಎಂಬ ಪ್ರಶ್ನೆ ಉದ್ಭವಿಸುತ್ತದೆ.ಈ ಪ್ರಶ್ನೆಗೆ UMANG ಅಪ್ಲಿಕೇಶನ್‌ ಮೂಲಕ ಉತ್ತರ ಕಂಡುಹಿಡಿಯಬಹುದು. 

ಇದನ್ನೂ ಓದಿ : ಬಂದಿದೆ Jio Choice Number Scheme :ನಿಮಗಿಷ್ಟವಾದ ಫ್ಯಾನ್ಸಿ ನಂಬರ್ ಗಳನ್ನು ತಕ್ಷಣ ಪಡೆದುಕೊಳ್ಳಿ !

ಚಾರ್ಜರ್‌ನ ಅಸಲಿಯತ್ತು ತಿಳಿದುಕೊಳ್ಳುವ ವಿಧಾನ: 
1. ಮೊದಲನೆಯದಾಗಿ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ UMANG ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿ.
2. ನೀವು ಹೊಸ ಬಳಕೆದಾರರಾಗಿದ್ದರೆ ಅಪ್ಲಿಕೇಶನ್‌ನಲ್ಲಿ ನಿಮ್ಮ ಪ್ರೊಫೈಲ್ ಅನ್ನು ರಚಿಸಿ. 
3. ಹೋಮ್ ಸ್ಕ್ರೀನ್‌ನಲ್ಲಿ ಸರ್ಚ್ ಲಿಸ್ಟ್ ಕಾಣಿಸುತ್ತದೆ.ಇಲ್ಲಿ BIS Care ಅನ್ನು ಹುಡುಕಿ. 
4. ನಂತರ ಹೊಸ ಪುಟ ತೆರೆದುಕೊಳ್ಳುತ್ತದೆ.ಇಲ್ಲಿ ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು R-ಸಂಖ್ಯೆಯನ್ನು ಪರಿಶೀಲಿಸಿ. ಅಡಿಯಲ್ಲಿ CRS ಆಯ್ಕೆಯನ್ನು ಕ್ಲಿಕ್ ಮಾಡಿ. 
5. ಇಲ್ಲಿ ನಿಮ್ಮಲ್ಲಿರುವ ಚಾರ್ಜರ್‌ನ R ಸಂಖ್ಯೆಯನ್ನು ನಮೂದಿಸಿ. ಇದನ್ನು ಅಡಾಪ್ಟರ್‌ನಲ್ಲಿ ಬರೆಯಲಾಗುತ್ತದೆ.
6. ಇದರ ನಂತರ ಹೊಸ ಸ್ಕ್ರೀನ್ ಓಪನ್ ಆಗುತ್ತದೆ. ಈಲ್ಲಿ ನೀವು ಬಳಸುವ ಚಾರ್ಜರ್ನ ಎಲ್ಲಾ ವಿವರಗಳು ಕಾಣಿಸುತ್ತದೆ. 

ಇದನ್ನೂ ಓದಿ  : ಬಿಎಸ್‌ಎನ್ಎಲ್ ಗ್ರಾಹಕರಿಗೆ ಬಂಪರ್ ಕೊಡುಗೆ: 160 ದಿನಕ್ಕೆ 320GB ಡೇಟಾ ಜೊತೆ ಸಿಗುತ್ತೆ ಇಷ್ಟೆಲ್ಲಾ ಲಾಭ!

ಈ ವಿಷಯಗಳನ್ನು ಸಹ ನೆನಪಿನಲ್ಲಿಡಿ:
1. ಸರ್ವಿಸ್ ಸೆಂಟರ್ - ಯಾವಾಗಲೂ ಕಂಪನಿಯ ಅಧಿಕೃತ  ಸರ್ವಿಸ್ ಸೆಂಟರ್ ನಿಂದಲೇ ಚಾರ್ಜರ್ ಅನ್ನು ಖರೀದಿಸಿ. 
2. ಬಾಕ್ಸ್ - ಮೂಲ ಚಾರ್ಜರ್‌ನ ಪ್ಯಾಕೇಜಿಂಗ್ ಸಾಮಾನ್ಯವಾಗಿ ಉತ್ತಮ ಗುಣಮಟ್ಟದ್ದಾಗಿರುತ್ತದೆ. ಕಂಪನಿಯ ಲೋಗೋ ಅದರ ಮೇಲೆ ಸ್ಪಷ್ಟವಾಗಿ ಗೋಚರಿಸುತ್ತದೆ.
3. ಬಾರ್‌ಕೋಡ್ - ಬಾರ್‌ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ನೀವು ಚಾರ್ಜರ್ ಅಸಲಿಯೇ ಅಥವಾ ಇಲ್ಲವೇ ಎಂಬುದನ್ನು ಪರಿಶೀಲಿಸಬಹುದು.
4. ಮಾಹಿತಿ - ಉತ್ಪನ್ನದ ಬಗ್ಗೆ ಎಲ್ಲಾ ಪ್ರಮುಖ ಮಾಹಿತಿಯನ್ನು ಬಾಕ್ಸ್ ನಲ್ಲಿ ಸ್ಪಷ್ಟವಾಗಿ ಬರೆಯಲಾಗಿರುತ್ತದೆ.