Hyundaiಯ ಕಾರು ಖರೀದಿ ಮೇಲೆ ಒಂದು ಲಕ್ಷದವರೆಗೆ ರಿಯಾಯಿತಿ ! ಈ ತಿಂಗಳು ಮಾತ್ರ ಈ ಅವಕಾಶ

Hyundai Cars Discount Offers : ಜುಲೈ 2023 ರಲ್ಲಿ, ಹ್ಯುಂಡೈ ತನ್ನ ಗ್ರಾಂಡ್ i10 ನಿಯೋಸ್, ಔರಾ, i20, i20 N ಲೈನ್, ಅಲ್ಕಾಜರ್ ಮತ್ತು ಕೋನಾ EV ಗಳ ಮೇಲೆ ಭಾರೀ  ರಿಯಾಯಿತಿಗಳನ್ನು ನೀಡುತ್ತಿದೆ. ಆದರೆ, ವೆನ್ಯೂ, ವೆನ್ಯೂ ಎನ್ ಲೈನ್, ವೆರ್ನಾ, ಕ್ರೆಟಾ ಮತ್ತು ಟಕ್ಸನ್‌ನಂತಹ ಜನಪ್ರಿಯ ಮಾದರಿಗಳ ಮೇಲೆ  ಯಾವುದೇ ರೀತಿಯ ಕೊಡುಗೆಗಳಿಲ್ಲದೆ ಮಾರಾಟವಾಗುತ್ತಿವೆ. 

ಹುಂಡೈ ಗ್ರಾಂಡ್ ಐ10 ನಿಯೋಸ್ : 
ಹುಂಡೈ ಗ್ರಾಂಡ್ ಐ10 ನಿಯೋಸ್ ಕಾರಿನ ಮೇಲೆ 25,000 ರೂ. ವರೆಗೆ ನಗದು ರಿಯಾಯಿತಿ,  10,000 ರೂ. ವರೆಗೆ ಹೆಚ್ಚುವರಿ ವಿನಿಮಯ ರಿಯಾಯಿತಿ ಮತ್ತು 3,000 ರೂ.ವರೆಗೆ ಕಾರ್ಪೊರೇಟ್ ರಿಯಾಯಿತಿ ನೀಡಲಾಗಿದೆ. ಅಂದರೆ ಈ ಕಾರಿನ ಮೇಲೆ ಒಟ್ಟು 38,000 ರೂ.ವರೆಗೆ ರಿಯಾಯಿತಿ ಕಲ್ಪಿಸಲಾಗಿದೆ. ಈ ಹ್ಯಾಚ್‌ಬ್ಯಾಕ್‌ನ ಬೆಲೆ 5.73 ಲಕ್ಷದಿಂದ 
8.51 ಲಕ್ಷದವರೆದೆಗೆ ಇದೆ. 

ಇದನ್ನೂ ಓದಿ : ಚಂದ್ರಯಾನಕ್ಕೆ ಕ್ಷಣಗಣನೆ: ಚಂದ್ರಯಾನ-3ರ ಉಡಾವಣೆಯ ಪ್ರತಿ ಹಂತದ ಮಾಹಿತಿ

ಹ್ಯುಂಡೈ ಔರಾ : 
ಹ್ಯುಂಡೈ ಔರಾ ಮೇಲೆ 20,000 ರೂ.ವರೆಗೆ ನಗದು ರಿಯಾಯಿತಿ, 10,000 ರೂ. ವರೆಗಿನ ಹೆಚ್ಚುವರಿ ವಿನಿಮಯ ರಿಯಾಯಿತಿ ಮತ್ತು 3,000 ರೂ.  ವರೆಗೆ ಕಾರ್ಪೊರೇಟ್ ರಿಯಾಯಿತಿ ನೀಡಲಾಗುತ್ತಿದೆ. ಈ ಎಲ್ಲಾ ರಿಯಾಯಿತಿಯನ್ನು ಸೇರಿಸಿದರೆ ಒಟ್ಟು 33,000 ರೂ.ವರೆಗೆ ರಿಯಾಯಿತಿ  ಸಿಕ್ಕಿದಂತಾಗುತ್ತದೆ. ಈ ಸೆಡಾನ್ ಬೆಲೆ 6.33 ಲಕ್ಷದಿಂದ 8.90 ಲಕ್ಷದವರೆಗೆ ಇದೆ.

ಹ್ಯುಂಡೈ i20: 
ಹ್ಯುಂಡೈ i20 ಖರೀದಿ ಮೇಲೆ 10,000 ರೂಪಾಯಿಗಳವರೆಗೆ ನಗದು ರಿಯಾಯಿತಿ  10,000 ರೂಪಾಯಿಗಳವರೆಗೆ ಹೆಚ್ಚುವರಿ ವಿನಿಮಯ ರಿಯಾಯಿತಿ ನೀಡಲಾಗುತ್ತಿದೆ. ಈ ರೀತಿಯಾಗಿ, ಒಟ್ಟು 20,000 ರೂ.ವರೆಗೆ ರಿಯಾಯಿತಿ ಕೊಡುಗೆ ಈ ಕಾರು ಖರೀದಿ ಮೇಲೆ ಸಿಗುತ್ತದೆ. ಈ ಪ್ರೀಮಿಯಂ ಹ್ಯಾಚ್‌ಬ್ಯಾಕ್‌ನ ಬೆಲೆ 7.46 ಲಕ್ಷದಿಂದ 12.31 ಲಕ್ಷದವರೆಗೆ ಇರುತ್ತದೆ.

ಇದನ್ನೂ ಓದಿ : ಚಂದ್ರನ ಅಂಗಳಕ್ಕಿಳಿಯಲು ಭಾರತದ ಸಿದ್ಧತೆ: ಬಾಹ್ಯಾಕಾಶ ಯೋಜನೆಗಳ ಸಾಕಾರಕ್ಕೆ ಹೊಸ ಹಾದಿ

ಹ್ಯುಂಡೈ ಅಲ್ಕಾಜರ್ : 
ಹ್ಯುಂಡೈ ಅಲ್ಕಾಜರ್ ಹೆಚ್ಚುವರಿ ಎಕ್ಸ್‌ಚೇಂಜ್ ಡಿಸ್ಕೌಂಟ್ 20,000 ರೂ.ವರೆಗೆ ಮಾತ್ರ ನೀಡಲಾಗುತ್ತಿದೆ. ಈ ಎಸ್‌ಯುವಿ ಬೆಲೆ 16.78 ಲಕ್ಷದಿಂದ 21.13 ಲಕ್ಷದವರೆಗೆ ಇದೆ.

ಹುಂಡೈ ಕೋನಾ EV : 
ಹುಂಡೈ ಕೋನಾ EV ಖರೀದಿ ಮೇಲೆ  1,00,000 ರೂ. ವರೆಗೆ ನಗದು ರಿಯಾಯಿತಿ ನೀಡಲಾಗುತ್ತಿದೆ. ಇದನ್ನು ಹೊರತುಪಡಿಸಿದರೆ ಈ ಕಾರಿನ ಮೇಲೆ ಯಾವುದೇ ರೀತಿಯ ಹೆಚ್ಚುವರಿ ವಿನಿಮಯ ರಿಯಾಯಿತಿ ಅಥವಾ ಕಾರ್ಪೊರೇಟ್ ರಿಯಾಯಿತಿ ಇಲ್ಲ. ಇದರ ಬೆಲೆ 23.84 ಲಕ್ಷದಿಂದ 24.03 ಲಕ್ಷ ರೂ.ವರೆಗೆ ಇದೆ.