ದೀಪಾವಳಿಗೆ ಬಿಡುಗಡೆಯಾಗಲಿದೆ JioPhone Next, ಕೇವಲ 10% ಪಾವತಿಸಿ ಖರೀದಿಸಿ ಅಗ್ಗದ 4G ಸ್ಮಾರ್ಟ್‌ ಪೋನ್‌

ನವದೆಹಲಿ : ರಿಲಯನ್ಸ್ ಜಿಯೋ ತನ್ನ ಕೈಗೆಟುಕುವ ಬೆಲೆಯ ಸ್ಮಾರ್ಟ್ ಫೋನ್ ಜಿಯೋಫೋನ್ ನೆಕ್ಸ್ಟ್ ದೀಪಾವಳಿ (Diwali) ದಿನದಂದು (ನವೆಂಬರ್ 4, 2021) ಅನಾವರಣಗೊಳಿಸಲಿದೆ.  JioPhone Next ವಿಶ್ವದ ಅತ್ಯಂತ ಅಗ್ಗದ 4G ಸ್ಮಾರ್ಟ್‌ಫೋನ್ ಆಗಲಿದೆ ಎಂದು ಕಂಪನಿ ಹೇಳಿದೆ. ಈ ವರ್ಷದ ಆರಂಭದಲ್ಲಿ, ರಿಲಯನ್ಸ್ ಫೋನ್ (Reliance Jio) ಅನ್ನು ಸೆಪ್ಟೆಂಬರ್ ವೇಳೆಗೆ ಪರಿಚಯಿಸಲಾಗುವುದು ಎಂದು ಘೋಷಿಸಿತ್ತು. 

ಫೋನಿನ ವಿಶೇಷತೆಗಳ ಬಗ್ಗೆ ಕಂಪನಿಯು ಏನನ್ನೂ ಬಹಿರಂಗಪಡಿಸಿಲ್ಲ, ಆದರೆ ಹ್ಯಾಂಡ್ಸೆಟ್ ಗೂಗಲ್ ಪ್ಲೇ (Google play) ಕನ್ಸೋಲ್ ನಲ್ಲಿ ಕೆಲವು ಪ್ರಮುಖ ವಿಶೇಷತೆಗಳೊಂದಿಗೆ ಕಾಣಿಸಿಕೊಂಡಿದೆ. ಜಿಯೋ ಫೋನ್ ನೆಕ್ಸ್ಟ್‌ನ ಪ್ಲೇ ಕನ್ಸೋಲ್ ಪಟ್ಟಿಯು ಅದರ ಡಿಸ್‌ಪ್ಲೇ 720 x 1440 ಪಿಕ್ಸೆಲ್‌ಗಳ HD ರೆಸಲ್ಯೂಶನ್ ಅನ್ನು ಬೆಂಬಲಿಸುತ್ತದೆ ಎನ್ನುವುದನ್ನು ತಿಳಿಸುತ್ತದೆ. ಸಾಧನವು ಸ್ನಾಪ್‌ಡ್ರಾಗನ್ 215 ಮೊಬೈಲ್ ಪ್ಲಾಟ್‌ಫಾರ್ಮ್ ಮತ್ತು 2 ಜಿಬಿ RAM ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು ಆಂಡ್ರಾಯ್ಡ್ 11 ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಇದನ್ನೂ ಓದಿ : Airtel, Jio ಮತ್ತು Vi ಭರ್ಜರಿ ಪ್ಲಾನ್ಸ್ : 56 ದಿನ ಕಡಿಮೆ ಬೆಲೆಯಲ್ಲಿ ಡೇಟಾ, ಕಾಲ್ಸ್ ಮತ್ತು OTT ಪ್ರಯೋಜನಗಳು ಲಭ್ಯ!

ಜಿಯೋ ಫೋನ್ ಮುಂದಿನ ವಿಶೇಷಣಗಳು :
ಹಿಂದಿನ ವರದಿಗಳು ಜಿಯೋಫೋನ್ ನೆಕ್ಸ್ಟ್ (Jio Phone Next) 5.5 ಇಂಚಿನ ಡಿಸ್ಪ್ಲೇ, 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಮತ್ತು 13 ಮೆಗಾಪಿಕ್ಸೆಲ್ ರಿಯರ್ ಸ್ನ್ಯಾಪರ್ ಹೊಂದಿರಲಿದೆ ಎಂದು ಹೇಳಿತ್ತು.  ಸಾಧನದ 2 GB RAM ರೂಪಾಂತರವು 16 GB ಸಂಗ್ರಹಣೆಯನ್ನು ನೀಡಬಹುದು. ಆದರೆ 3 GB RAM ಮಾದರಿಯು 32 GB ಸಂಗ್ರಹದೊಂದಿಗೆ ಬರಬಹುದು. ಫೋನ್ 2,500mAh ಬ್ಯಾಟರಿಯನ್ನು ಹೊಂದಬಹುದು.

Jio Phone Next Price ಬೆಲೆ :
ಜಿಯೋಫೋನ್ ನೆಕ್ಸ್ಟ್ ನಲ್ಲಿ ಜಿಯೋ ಮತ್ತು ಗೂಗಲ್ ಸಹಯೋಗ ನೀಡಲಾಗಿದೆ.  ಸಾಧನವು ಆನ್-ಸ್ಕ್ರೀನ್ ಟ್ರಾನ್ಸ್ಲೇಶನ್‌, ಆಟೋಮ್ಯಾಟಿಕ್‌ ರೀಡ್‌ ಅಲೌಡ್‌,  ಕ್ಯಾಮೆರಾಕ್ಕಾಗಿ ಭಾರತ-ಕೇಂದ್ರಿತ ಫಿಲ್ಟರ್‌ಗಳು ಮತ್ತು ಗೂಗಲ್ ಅಸಿಸ್ಟೆಂಟ್‌ನಂತಹ ವೈಶಿಷ್ಟ್ಯಗಳನ್ನು ನೀಡುತ್ತದೆ. ಇದು ಗೂಗಲ್ ಡ್ಯುಯೊ (Google Duo) ಮತ್ತು ಕ್ಯಾಮರಾ ಗೋ ಕಸ್ಟಮ್ ಆವೃತ್ತಿಯನ್ನು ಹೊಂದಿದೆ ಎಂದು ಹೇಳಲಾಗಿದೆ. ಇದರ ಬೆಲೆ 5,000 ರಿಂದ 7,000 ರೂ ಒಳಗೆ ಇರಲಿದೆ.

ಇದನ್ನೂ ಓದಿ : APPLE IPHONE SE 3: ಹೊಸ ಮಾಡೆಲ್ ನೊಂದಿಗೆ ಬರಲಿರುವ Apple

10% ಪಾವತಿಸುವ ಮೂಲಕ ನೀವು ಫೋನ್ ಖರೀದಿಸಬಹುದು : 
ವರದಿಯ ಪ್ರಕಾರ, ರಿಲಯನ್ಸ್ ಜಿಯೋ ಬಿಡುಗಡೆಗೆ ಮುನ್ನವೇ ಜಿಯೋಫೋನ್ ನೆಕ್ಸ್ಟ್ ಸೇಲ್ಸ್‌ ಫೈನಾನ್ಸ್‌ ಗಾಗಿ ಐದು ಬ್ಯಾಂಕುಗಳೊಂದಿಗೆ (Bank) ಒಪ್ಪಂದ ಮಾಡಿಕೊಂಡಿದೆ. ಇದು ಮುಂದಿನ ಆರು ತಿಂಗಳಲ್ಲಿ 5 ಕೋಟಿ ಜಿಯೋಫೋನ್ ನೆಕ್ಸ್ಟ್ ಯೂನಿಟ್‌ಗಳನ್ನು ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ. ಜಿಯೋಫೋನ್ ನೆಕ್ಸ್ಟ್‌ನ ಖರೀದಿದಾರರು ಫೋನ್‌ನ ಕೇವಲ 10% ಡೌನ್ ಪೇಮೆಂಟ್ (Payment) ಮಾಡಬೇಕಾಗುತ್ತದೆ ಮತ್ತು ಉಳಿದವುಗಳಿಗೆ ಹಣಕಾಸು ಒದಗಿಸಬಹುದು ಎಂದು ವರದಿ ಹೇಳಿದೆ. JioPhone Next ನ ಬೆಲೆ 5,000 ರೂ.ಗಿಂತ ಕಡಿಮೆ ಇದ್ದರೆ, ಕೇವಲ 500 ರೂಪಾಯಿಗಳನ್ನು ಪಾವತಿಸಬೇಕಾಗುತ್ತದೆ.