Smartphone: ಕೇವಲ 3 ಸೆಕೆಂಡುಗಳಲ್ಲಿ ಸ್ಮಾರ್ಟ್‌ಫೋನ್ ತಯಾರಿಸುತ್ತಂತೆ ಈ ದೈತ್ಯ ಕಂಪನಿ

ನೋಯ್ಡಾ: ನೋಯ್ಡಾ ಮೂಲದ ಕಂಪನಿಯ ಕಾರ್ಖಾನೆ ಅದರ ಉತ್ಪಾದನೆಯ ದೃಷ್ಟಿಯಿಂದ ಬಹಳ ಯಶಸ್ವಿಯಾಗಿದೆ ಎಂದು ಸ್ಮಾರ್ಟ್ಫೋನ್ ತಯಾರಕ ಒಪ್ಪೊ ಮಾಹಿತಿ ನೀಡಿದೆ. ಪ್ರತಿ 3 ಸೆಕೆಂಡಿಗೆ ತನ್ನ ನೋಯ್ಡಾ ಕಾರ್ಖಾನೆಯಲ್ಲಿ ಸ್ಮಾರ್ಟ್‌ಫೋನ್ ತಯಾರಾಗುತ್ತದೆ ಎಂದು ಒಪ್ಪೋ ಕಂಪನಿ ತಿಳಿಸಿದೆ. ಕಂಪನಿಯು ನೋಯ್ಡಾದಲ್ಲಿ 110 ಎಕರೆ ಪ್ರದೇಶದಲ್ಲಿ ದೊಡ್ಡ ಕಾರ್ಖಾನೆಯನ್ನು ಹೊಂದಿದ್ದು, ಇಡೀ ದೇಶದಲ್ಲಿ ಸ್ಮಾರ್ಟ್‌ಫೋನ್ ದಾಸ್ತಾನು ಬೀಳಲು ಬಿಡುವುದಿಲ್ಲ ಎಂದು ಕಂಪನಿ ತಿಳಿಸಿದೆ. 

ಒಪ್ಪೋ  (Oppo) ಕಂಪನಿಯು 1.2 ಮಿಲಿಯನ್ ಸ್ಮಾರ್ಟ್‌ಫೋನ್‌ಗಳನ್ನು ತಯಾರಿಸುವ ಘಟಕವನ್ನು ಯಾವಾಗಲೂ ಇಟ್ಟುಕೊಳ್ಳುತ್ತದೆ, ಇದರಿಂದಾಗಿ ಕಂಪನಿಯ ಪೂರೈಕೆ ಸರಪಳಿಯ ಮೇಲೆ ಯಾವುದೇ ಸಂದರ್ಭದಲ್ಲಿ ಪರಿಣಾಮ ಬೀರುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಇದನ್ನೂ ಓದಿ - WhatsApp: App ತೆರೆಯದೆಯೇ ವಾಟ್ಸಾಪ್‌ನಲ್ಲಿ ಆನ್‌ಲೈನ್‌ನಲ್ಲಿ ಯಾರಿದ್ದಾರೆಂದು ತಿಳಿಯಲು ಇದು ಸುಲಭ ಉಪಾಯ

ಒಪ್ಪೋ ಭಾರತದ ಅಧ್ಯಕ್ಷರ ಹೇಳಿಕೆ:
ಒಪ್ಪೋ ಸ್ಮಾರ್ಟ್‌ಫೋನ್‌ಗಳ (Oppo Smartphone) ಜನಪ್ರಿಯತೆಯೊಂದಿಗೆ, ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ನಾವು ನಮ್ಮ ಉತ್ಪಾದನಾ ಸಾಮರ್ಥ್ಯಗಳ ಬಗ್ಗೆ ಹೆಚ್ಚು ಕೆಲಸ ಮಾಡುತ್ತೇವೆ ಎಂದು ಒಪ್ಪೋ ಭಾರತದ ಅಧ್ಯಕ್ಷ ಎಲ್ವಿಸ್ ಜೌ ಹೇಳಿದರು. ಚುರುಕುತನ, ನಾವೀನ್ಯತೆ ಮತ್ತು ಸೃಜನಶೀಲತೆ ಒಪ್ಪೊ ಭಾರತದ ಯಶಸ್ಸಿನ ಕೀಲಿಗಳಾಗಿವೆ. ಈ ಕಾರ್ಖಾನೆಯಲ್ಲಿ 10,000 ಕ್ಕೂ ಹೆಚ್ಚು ಜನರು ಕೆಲಸ ಮಾಡುತ್ತಾರೆ ಎಂದು ಕಂಪನಿ ತಿಳಿಸಿದೆ. 

ಬೇಡಿಕೆಯ ಪ್ರಕಾರ, ಈ ಕಾರ್ಖಾನೆಯಲ್ಲಿ ಪ್ರತಿ ತಿಂಗಳು 60 ಲಕ್ಷಕ್ಕೂ ಹೆಚ್ಚು ಸ್ಮಾರ್ಟ್‌ಫೋನ್‌ಗಳನ್ನು (Smartphone) ತಯಾರಿಸಲಾಗುತ್ತದೆ. ಕಾರ್ಖಾನೆಯು ಮುಖ್ಯವಾಗಿ ನಾಲ್ಕು ಭಾಗಗಳನ್ನು ಒಳಗೊಂಡಿದೆ, ಇದರಲ್ಲಿ ಜೋಡಣೆ, ಎಸ್‌ಎಂಸಿ, ಸಂಗ್ರಹಣೆ ಮತ್ತು ಪೂರೈಕೆ ಗೋದಾಮು ಸೇರಿವೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ - BSNL 108 ರೂಪಾಯಿಯ ಪ್ರಿಪೇಯ್ಡ್ ಪ್ಲಾನ್ ನಲ್ಲಿ ಸಿಗಲಿದೆ unlimited calls ಜೊತೆಗೆ ನಿತ್ಯ 1 GB Data

ಕಂಪನಿಯಲ್ಲಿ ತಾಂತ್ರಿಕ ಮಟ್ಟದಲ್ಲಿ ಅತ್ಯುತ್ತಮ ಸಾಮರ್ಥ್ಯ : 
ತಮ್ಮ ಕಂಪನಿಯು ಕೇವಲ 6.25 ಸೆಕೆಂಡುಗಳಲ್ಲಿ ಸರ್ಕ್ಯೂಟ್ ಬೋರ್ಡ್ ಅನ್ನು ಸಿದ್ಧಪಡಿಸುತ್ತದೆ ಎಂದು ಒಪ್ಪೊ ಹೇಳಿದೆ. ತನ್ನ ಎಸ್‌ಎಂಟಿ ವಿಭಾಗದಲ್ಲಿರುವ ಸೂಪರ್ ಮೆಷಿನ್ ಏಕಕಾಲದಲ್ಲಿ 37 ಸಾವಿರ ಬಿಡಿ ಭಾಗಗಳನ್ನು ಸಾಗಿಸಬಲ್ಲದು ಎಂದು ಹೇಳಿದೆ.