Email, ವಾಟ್ಸ್ ಆಪ್ ಗೆ ಬಂದ ಲಿಂಕ್ ಗಳು ಅಸಲಿಯಾಗಿವೆಯೇ ಅಥವಾ ನಕಲಿಯಾಗಿದೆಯೇ ಹೇಗೆ ತಿಳಿದುಕೊಳ್ಳಬೇಕು!

ನವದೆಹಲಿ: ಕೆಲವೊಮ್ಮೆ ಅಪರಿಚಿತ ಸಂಖ್ಯೆಗಳಿಂದ ಬರುವ ಲಿಂಕ್ ಅನ್ನು ಕ್ಲಿಕ್ಕಿಸಿ ಜನರು ಸೈಬರ್ ವಂಚನೆಗೆ ಒಳಗುವ ಅನೇಕ ಪ್ರಕರಣಗಳನ್ನು ನೀವು ಕೇಳಿರಬಹುದು. ಅಂತಹ ಲಿಂಕ್‌ಗಳು ವಾಟ್ಸ್ ಆಪ್  ಮತ್ತು ಇಮೇಲ್ ಮೂಲಕ ಬರಬಹುದು. ಸೈಬರ್ ಖದೀಮರು ಈ ಲಿಂಕ್‌ಗಳ ಮೂಲಕ ಜನರ ವೈಯಕ್ತಿಕ ಡೇಟಾವನ್ನು ಪ್ರವೇಶಿಸಬಹುದು. ಅವರ ವೈಯಕ್ತಿಕ ಮಾಹಿತಿಯನ್ನು ಕದಿಯುವ ಮೂಲಕ ಜನರನ್ನು ಅವರು ಬ್ಲ್ಯಾಕ್‌ಮೇಲ್ ಮಾಡಬಹುದು. ಇಂತಹ ಪರಿಸ್ಥಿತಿಯಲ್ಲಿ ನೀವು ಜಾಗರೂಕರಾಗಿರಬೇಕು. ಇತ್ತೀಚಿನ ದಿನಗಳಲ್ಲಿ ಅಂತಹ ಹಲವು ಸೈಬರ್ ಕ್ರೈಂ ಪ್ರಕರಣಗಳು ಬೆಳಕಿಗೆ ಬರುತ್ತಿವೆ. ಆದ್ದರಿಂದ, ನಿಮ್ಮ ಒಂದು ತಪ್ಪು ಕ್ಲಿಕ್ ನಿಮಗೆ ಸಾಕಷ್ಟು ತೊಂದರೆಯನ್ನುಂಟು ಮಾಡಬಹುದು. ಹೀಗಾಗಿ ಅಂತಹ ಲಿಂಕ್‌ಗಳ ವಿಶ್ವಾಸಾರ್ಹತೆಯನ್ನು ಪರಿಶೀಲಿಸುವುದು ಬಹಳ ಮುಖ್ಯ. (Technology News In Kannada)

ಈ ವೆಬ್‌ಸೈಟ್ ಬಳಸಿ
ನೀವು ಅಂತಹ ಯಾವುದೇ ಲಿಂಕ್ ಅನ್ನು ಪರಿಶೀಲಿಸಲು ಬಯಸಿದರೆ, ವೆಬ್‌ಸೈಟ್ ವೊಂದು ನಿಮಗಾಗಿ ಆ ಕೆಲಸವನ್ನು ಮಾಡುತ್ತದೆ. ನಾವು ನಿಮಗೆ ಹೇಳಲು ಹೊರಟಿರುವ ವೆಬ್ ಸೈಟ್ ಹೆಸರು virustotal.com. ಈ ವೆಬ್‌ಸೈಟ್ ಬಳಕೆದಾರರಿಗೆ ತುಂಬಾ ಉಪಯುಕ್ತವಾಗಿದೆ. ಯಾವುದೇ ಲಿಂಕ್‌ನ ಸಂಪೂರ್ಣ ಜಾತಕವನ್ನು ಈ ವೆಬ್‌ಸೈಟ್ ನಿಮಗೆ ತಿಳಿಸುತ್ತದೆ. ಈ ವೆಬ್ ಸೈಟ್ ಮೂಲಕ ನೀವು ಯಾವುದೇ ಲಿಂಕ್ ನಿಜವಾಗಿದೆಯೋ  ಅಥವಾ ನಕಲಿಯಾಗಿದೆಯೋ ಎಂಬುದನ್ನು ಪರಿಶೀಲಿಸಬಹುದು. ವೆಬ್‌ಸೈಟ್ ಬಳಸಿ ನೀವು ಲಿಂಕ್ ಅನ್ನು ಪರಿಶೀಲಿಸಬಹುದು.

ಇದನ್ನೂ ಓದಿ-Mahalakshmi Yog 2024: ಹತ್ತು ವರ್ಷಗಳ ಬಳಿಕ ಮಹಾಲಕ್ಷ್ಮೀ ರಾಜಯೋಗ ನಿರ್ಮಾಣ, ಈ ಜನರಿಗೆ ಪ್ರಾಪ್ತಿಯಾಗಲಿದೆ ಕುಬೇರ ನಿಧಿ!

ಅಂತಹ ಯಾವುದೇ ಲಿಂಕ್ ಅನ್ನು ಪರಿಶೀಲಿಸಲು, ನಾವು ನಿಮಗೆ ವೆಬ್‌ಸೈಟ್ ಕುರಿತು ಹೇಳುತ್ತೇವೆ.
1. ನೀವು ಪರಿಶೀಲಿಸಲು ಬಯಸುವ ಲಿಂಕ್ ಅನ್ನು ಮೊದಲು ಕಾಪಿ ಮಾಡಿ. ನೆನಪಿರಲಿ, ಲಿಂಕ್ ಮೇಲೆ ದೀರ್ಘವಾಗಿ ಒತ್ತಿದರೆ ನಕಲು ಆಯ್ಕೆ ಬರುತ್ತದೆ. ತಪ್ಪಾಗಿ ಲಿಂಕ್ ಅನ್ನು ಕ್ಲಿಕ್ ಮಾಡಬೇಡಿ.
2. ಇದರ ನಂತರ virustotal.com ತೆರೆಯಿರಿ.
3. ಅಲ್ಲಿ ಸರ್ಚ್ ಬಾರ್ ನಲ್ಲಿ ಲಿಂಕ್ ಅನ್ನು ಅಂಟಿಸಿ ಮತ್ತು ನಮೂದಿಸಿ.
4. ಇದರ ನಂತರ ವೆಬ್‌ಸೈಟ್ ಲಿಂಕ್ ಅನ್ನು ಪರಿಶೀಲಿಸುತ್ತದೆ.
5. ಪರದೆಯ ಮೇಲಿನ ಎಲ್ಲಾ ಆಯ್ಕೆಗಳ ಮುಂದೆ ಹಸಿರು ಚುಕ್ಕೆ  ಕಂಡುಬಂದರೆ, ವೆಬ್‌ಸೈಟ್ ಸರಿಯಾಗಿದೆ ಎಂದರ್ಥ.

ಇದನ್ನೂ ಓದಿ-ನಟಿ ರಶ್ಮಿಕಾ ಮಂದಣ್ಣ ಅಶ್ಲೀಲ ವಿಡಿಯೋ ಪ್ರಕರಣ : ಪ್ರಮುಖ ಆರೋಪಿ ಬಂಧನ

ಈ ವಿಷಯಗಳನ್ನು ಸಹ ನೆನಪಿನಲ್ಲಿಡಿ
1. ನಿಮಗೆ ಗೊತ್ತಿಲ್ಲದ ವಿದೇಶಿ ಸಂಖ್ಯೆಯಿಂದ ನೀವು ಸಂದೇಶ ಅಥವಾ SMS ಅನ್ನು ಸ್ವೀಕರಿಸಿದರೆ, ಅದನ್ನು ನಿರ್ಬಂಧಿಸಿ.
2. ಯಾವುದೇ ಅಪರಿಚಿತ ಸಂಖ್ಯೆಯಿಂದ ಕಳುಹಿಸಲಾದ ಲಿಂಕ್ ಅನ್ನು ಕ್ಲಿಕ್ ಮಾಡಬೇಡಿ.
3. ನಿಮ್ಮ ಯಾವುದೇ ಸ್ನೇಹಿತರು ಅಥವಾ ಸಂಬಂಧಿಕರು ನಿಮಗೆ ಅನುಮಾನಾಸ್ಪದ ಲಿಂಕ್ ಅನ್ನು ಕಳುಹಿಸಿದ್ದರೂ ಸಹ, ಅದನ್ನು ತೆರೆಯಬೇಡಿ. ನಿಮ್ಮ ಸ್ನೇಹಿತ ಅಥವಾ ಸಂಬಂಧಿಕರಿಗೆ ನೇರವಾಗಿ ಕರೆ ಮಾಡಿ ಮತ್ತು ಯಾವ ರೀತಿಯ ಲಿಂಕ್ ಕಳುಹಿಸಲಾಗಿದೆ ಎಂಬುದನ್ನು ಕೇಳಿಕೊಳ್ಳಿ. 

ಇದನ್ನೂ ನೋಡಿ-