45ರೂ.ಗಳ ಅದ್ಭುತ ಯೋಜನೆ ಪರಿಚಯಿಸಿದ Vi

Vodafone-Idea Budget Friendly Prepaid Plans: ಭಾರತದಲ್ಲೀಗ 5ಜಿ ರೇಸ್‌ನದ್ದೇ ಸದ್ದು. ಈ ನಡುವೆ ತನ್ನ 4ಜಿ ಸೇವೆಯನ್ನು ಬಲಪಡಿಸಲು ಪಣತೊಟ್ಟಿರುವ ವೋಡಾಫೋನ್-ಐಡಿಯಾ (ವಿ) ಹೊಸ ಯೋಜನೆಯನ್ನು ಪರಿಚಯಿಸಿದೆ. ಈ ಮೂಲಕ ಜನಪ್ರಿಯ ಟೆಲಿಕಾಂ ಕಂಪನಿಗಳಾದ ಜಿಯೋ- ಏರ್‌ಟೆಲ್ ಟೆನ್ಷನ್‌ ಹೆಚ್ಚಿಸಿದೆ. ಈ ಯೋಜನೆಯಲ್ಲಿ ವೋಡಾಫೋನ್-ಐಡಿಯಾ ಕಂಪನಿಯು ಗ್ರಾಹಕರು ಯಾವುದೇ ಕರೆಗಳನ್ನು ತಪ್ಪಿಸಿಕೊಳ್ಳುವುದನ್ನು ತಡೆಯಲು ಹೊಸ ಮಿಸ್ಡ್ ಕಾಲ್ ಅಲರ್ಟ್ ಸ್ಕೀಮ್ ಅನ್ನು ಕೂಡ ಪರಿಚಯಿಸಿದೆ. ಯಾವುದೀ ಯೋಜನೆ, ಏನಿದರ ಪ್ರಯೋಜನ ಎಂದು ತಿಳಿಯೋಣ... 

ವೊಡಾಫೋನ್-ಐಡಿಯಾ 45 ರೂಪಾಯಿಯ ಹೊಸ ಪ್ಲಾನ್: 
ವೊಡಾಫೋನ್-ಐಡಿಯಾ ಕಂಪನಿಯು ತನ್ನ ಬಳಕೆದಾರರಿಗಾಗಿ 45 ರೂಪಾಯಿಗಳ ಹೊಸ ಯೋಜನೆಯನ್ನು ಆರಂಭಿಸಿದೆ. ಇದಕ್ಕೆ Vi ಮಿಸ್ಡ್ ಕಾಲ್ ಅಲರ್ಟ್ ಪ್ಲಾನ್  ಎಂದು ಹೆಸರಿಸಿದೆ. 180 ದಿನಗಳ ಮಾನ್ಯತೆಯೊಂದಿಗೆ ಬರುವ ಈ ಯೋಜನೆಯ ವಿಶೇಷತೆ ಎಂದರೆ ಈ ಯೋಜನೆಯನ್ನು ಆಕ್ಟಿವೇಟ್ ಮಾಡುವ ಗ್ರಾಹಕರಿಗೆ ಯಾವುದೇ ಕಾಲ್ ಮಿಸ್ ಆಗುವುದರ ಚಿಂತೆಯೇ ಇರುವುದಿಲ್ಲ. ಸುಮಾರು ಆರು ತಿಂಗಳುಗಳವರೆಗೆ ಲಭ್ಯವಿರುವ ಈ ಯೋಜನೆಯಲ್ಲಿ ಕರೆ ಅಥವಾ ಡೇಟಾ ಸೌಲಭ್ಯ ಇರುವುದಿಲ್ಲ. ಎಂದರೆ, ಈ ಮಿಸ್ಡ್ ಕಾಲ್ ಅಲರ್ಟ್ ಸ್ಕೀಮ್ ಜೊತೆಗೆ ನೀವು ಕರೆ ಮತ್ತು ಇನ್ನಿತರ ಸೌಲಭ್ಯಗಳಿಗಾಗಿ ನಿಯಮಿತ ಯೋಜನೆಗಳನ್ನು ಕೂಡ ರಿಚಾರ್ಜ್ ಮಾಡಬೇಕು. 

ಇದನ್ನೂ ಓದಿ- Vodafone Idea 199 ರೂ. ರೀಚಾರ್ಜ್‌ನಲ್ಲಿ ಸಿಗುತ್ತೆ 5GB ಫ್ರೀ ಡೇಟಾ ಪ್ರಯೋಜನ

ಮಿಸ್ಡ್ ಕಾಲ್‌ ಅಲರ್ಟ್ ಯೋಜನೆಯ ಪ್ರಯೋಜನಗಳು: 
ವೋಡಾಫೋನ್-ಐಡಿಯಾದ ಈ ಮಿಸ್ಡ್ ಕಾಲ್‌ ಅಲರ್ಟ್ ಯೋಜನೆಯು ಯಾವುದೇ ಗ್ರಾಹಕರು ವ್ಯಾಪ್ತಿ ಪ್ರದೇಶದಿಂದ ಹೊರಗಿದ್ದಾಗ, ಇಲ್ಲವೇ ಮೊಬೈಲ್ ಸ್ವೀಚ್ ಆಫ್ ಆಗಿದ್ದಾಗ ನಿಮಗೆ ಮಿಸ್ ಆದ ಕರೆಗಳ ಬಗ್ಗೆ ಸಂದೇಶದ ಮೂಲಕ ಮಾಹಿತಿಯನ್ನು ಒದಗಿಸುತ್ತದೆ. 

ಇದನ್ನೂ ಓದಿ- ವೊಡಾಫೋನ್-ಐಡಿಯಾದ ಈ ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್ನಲ್ಲಿ ಎಲ್ಲವೂ ಅನ್ಲಿಮಿಟೆಡ್

ವಿಶೇಷವೆಂದರೆ, ಇತರೆ ಟೆಲಿಕಾಂ ಕಂಪನಿಗಳಲ್ಲೂ ಕೂಡ ಇಂತಹ ಯೋಜನೆ ಲಭ್ಯವಿದೆ. ಆದರೆ, ಕೆಲ ಕಂಪನಿಗಳು ಕೆಲವು ಆಯ್ದ ಯೋಜನೆಗಳಲ್ಲಿ ಮಾತ್ರ ಇಂತಹ ವೈಶಿಷ್ಟ್ಯವನ್ನು ಒದಗಿಸುತ್ತವೆ. ಅರ್ಥಾತ್ ಇದಕ್ಕಾಗಿ ಗ್ರಾಹಕಾರು ಪ್ರತ್ಯೇಕವಾಗಿ ರಿಚಾರ್ಜ್ ಮಾಡುವ ಅಗತ್ಯವಿರುವುದಿಲ್ಲ.