500 ರೂಪಾಯಿ ನೋಟಿನ ಕಂತೆಗಳನ್ನು ದಾರಿಯುದ್ದಕೂ ಎಸೆದ Youtuber? ಯಾರು ಗೊತ್ತಾ ಆ ಸಿರಿವಂತ ?

ಹೈದರಾಬಾದ್ : ಯೂಟ್ಯೂಬರ್‌ನ ವೀಡಿಯೊ ಇಂಟರ್ನೆಟ್‌ನಲ್ಲಿ ವೈರಲ್ ಆಗಿದೆ. ವೀಡಿಯೊದಲ್ಲಿ,ಹೈದರಾಬಾದ್ ಮೂಲದ ಯೂಟ್ಯೂಬರ್, ಬೈಕ್‌ನ ಹಿಂಬದಿಯಲ್ಲಿ ಸವಾರಿ ಮಾಡುತ್ತಾ, ಜನನಿಬಿಡ ರಸ್ತೆಯಲ್ಲಿ ನೋಟುಗಳ ಬಂಡಲ್‌ಗಳನ್ನು ಗಾಳಿಯಲ್ಲಿ ಎಸೆಯುವ ದೃಶ್ಯ ಕಂಡು ಬಂದಿದೆ.ಈ ವೀಡಿಯೊವನ್ನು ಸುಧಾಕರ್ ಉಡುಮುಲ @sudhakarudumula Xನಲ್ಲಿ ಹಂಚಿಕೊಂಡಿದ್ದಾರೆ. 

ಈ ಯೂಟ್ಯೂಬರ್ ಯಾರು? :
ಮಾಧ್ಯಮವೊಂದರ ವರದಿಯ ಪ್ರಕಾರ, ಈ ಯೂಟ್ಯೂಬರ್ ನನ್ನು ಪವರ್ ಹರ್ಷ ಎಂದು ಗುರುತಿಸಲಾಗಿದೆ. ಅವರು ಆನ್‌ಲೈನ್‌ನಲ್ಲಿ "ಇಟ್ಸ್_ಮೀ_ಪವರ್" ಎಂದೇ ಖ್ಯಾತಿ ಹೊಂದಿದ್ದಾರೆ. ಅವರು ಕನಿಷ್ಠ ಮೂರು ರೀತಿಯ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ.ಅಲ್ಲಿ ಜನ ಸಂದಣಿ ಇರುವ ಜಾಗದಲ್ಲಿ ಟ್ರಾಫಿಕ್‌ನಲ್ಲಿ ಗಾಳಿಯಲ್ಲಿ ಹಣವನ್ನು ಎಸೆಯುವುದನ್ನು ಕಾಣಬಹುದು.

ಇದನ್ನೂ ಓದಿ : ಕಾರಿನ ಈ LED ಇಂಡಿಕೇಟರ್ ಆನ್ ಆದರೆ ತಕ್ಷಣ ಅಲರ್ಟ್ ಆಗಿ !ಅನಾಹುತದ ಮುನ್ಸೂಚನೆ ಅದು !

ಜನರ ಪ್ರತಿಕ್ರಿಯೆ :
ಯೂಟ್ಯೂಬರ್‌ನ ಈ ಕೃತ್ಯವನ್ನು ಎಲ್ಲರೂ ಖಂಡಿಸಿದ್ದಾರೆ.ಈ ವ್ಯಕ್ತಿ ತಾನು ಮಾಡಿರುವ ಕಾರ್ಯಕ್ಕೆ ತನ್ನ ಚಾನೆಲ್ ಮೂಲಕವೇ ಕ್ಷಮೆ ಯಾಚಿಸಬೇಕು ಎಂದು ಒತ್ತಾಯಿಸಿದ್ದಾರೆ. ಅಲ್ಲದೆ, ಈತನ ಖಾತೆಯನ್ನು ಸಾಮಾಜಿಕ ಜಾಲ ತಾಣದಿಂದ ಡಿಲೀಟ್ ಮಾಡಬೇಕು ಎನ್ನುವ ಒತ್ತಾಯ ಕೇಳಿ ಬಂದಿದೆ. 

ಇನ್ನು ಈ ವ್ಯಕ್ತಿಯ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎನುವ ಒತ್ತಾಯವೂ ಕೇಳಿ ಬಂದಿದೆ.ಅವರ ಬ್ಯಾಂಕ್ ಖಾತೆಗಳೊಂದಿಗೆ ಯೂಟ್ಯೂಬ್ ಚಾನೆಲ್ ಮತ್ತು ಇತರ ಸಾಮಾಜಿಕ ಮಾಧ್ಯಮ ಖಾತೆಗಳನ್ನು ಬ್ಯಾನ್ ಮಾಡಬೇಕು ಎಂದು ಬರೆದಿದ್ದಾರೆ.ಶಾಂತಿಯುತ ವಾತಾವರಣವನ್ನು ಕದಡುವ ಮತ್ತು ಸಂಚಾರ ನಿಯಮಗಳನ್ನು ಉಲ್ಲಂಘಿಸುವ ಈ ಯೂಟ್ಯೂಬರ್‌ಗಳ ಬಗ್ಗೆ ಹೈದರಾಬಾದ್ ಪೊಲೀಸರು ಏಕೆ ಕರುಣೆ ತೋರಿಸುತ್ತಿದ್ದಾರೆ ಎಂದು ಪ್ರಶ್ನಿಸಿದ್ದಾರೆ.