Viral Video : ಮದುವೆ ಮಂಟಪದಲ್ಲಿ ವರನನ್ನು ಕಂಡ ಕೂಡಲೇ ಗಳ ಗಳನೆ ಅತ್ತ ವಧು

Bride Groom Video : ಮದುವೆಯ ನಂತರ ಹೆಣ್ಣಿನ ಹೊಸ ಜೀವನ ಆರಂಭವಾಗುತ್ತದೆ. ಮದುವೆಯ ದಿನ ತನ್ನ ಹೊಸ ಜೀವನದ ಬಗ್ಗೆ ಹೆಣ್ಣು ಸಾವಿರಾರು ಕನಸು ಹೊತ್ತು ಮನೆಯಿಂದ ಹೆಜ್ಜೆ ಇಡುತ್ತಾಳೆ. ತನ್ನ ಬಾಳ ಸಂಗಾತಿಯೊಂದಿಗೆ ಕಳೆಯುವ ಮುಂದಿನ ಜೀವನದ ಬಗ್ಗೆ ಭಯ ಕೂಡಾ ಆ ಹೆಣ್ಣು ಮಗಳನ್ನು ಆವರಿಸಿರುತ್ತದೆ. ಹುಟ್ಟಿ ಬೆಳೆದ ಮನೆ, ಮನೆ ಮಂದಿ, ಸ್ನೇಹಿತರು ಎಲ್ಲರನ್ನೂ ಬಿಟ್ಟು ತಾನು ಹೊರ ನಡೆಯುತ್ತಾಳೆ. ತಾನಿನ್ನು ಏನಿದ್ದರೂ ಈ ಮನೆಗೆ ಅತಿಥಿ ಎಂಬ ಭಾವ ಆ ಹೆಣ್ಣು ಮಗಳನ್ನು ಕಾಡದೇ ಇರದು. ಮದುವೆಯ ದಿನ ಬಂದರೆ ವಧು ಮಾತ್ರವಲ್ಲ ಆಕೆಯ ಕುಟುಂಬ ಕೂಡಾ ಸಾಮಾನ್ಯವಾಗಿ ಭಾವುಕರಾಗಿರುತ್ತಾರೆ. 

ಹಾಗೆಯೇ ಹೆಣ್ಣು ಮದುವೆ ಮನೆ ಪ್ರವೇಶಿಸುವಾಗ ತಾನು ಮುಂದಿನ ಬದುಕು ಯಾರೊಂದಿಗೆ ಕಳೆಯಬೇಕೋ ಆ ಜೀವ ಎದುರಿಗೆ ಬಂದಾಗಲೂ ಭಾವುಕವಾಗುವುದು ಸಾಮಾನ್ಯ. ತನ್ನ ಭಾವೀ ಸಂಗಾತಿಯ ಮುಖ ನೋಡಿ ವಧು ಭಾವುಕಳಾಗುತ್ತಾಳೆ. ಹೀಗಾದಾಗ ಎಲ್ಲರ ಮುಂದೆಯೇ ಕಣ್ಣೀರು ಬಂದರೂ ಆಶ್ಚರ್ಯವಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಇಂಥದ್ದೇ ವಿಡಿಯೋವೊಂದು  ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ವರ ಮಂಟಪದಲ್ಲಿ ಕುಳಿತಿರುವುದು ಕಂಡು ಬರುತ್ತದೆ. ತನ್ನ ಮನದನ್ನೆಯನ್ನು ನೋಡುವ ಕುತೂಹಲ ವರನ ಕಣ್ಣಿನಲ್ಲಿಯೂ ಎದ್ದು ಕಾಣುತ್ತದೆ. ವಧು ವೇದಿಕೆಗೆ ಬರುತ್ತಿದ್ದಂತೆಯೇ  ವರನನ್ನು ಕಂಡ ವಧು ಕಣ್ಣೀರಾಗುತ್ತಾಳೆ.

ಇದನ್ನೂ ಓದಿ : Viral Video: ಇಲ್ಲೊಬ್ಬ ವಿಚಿತ್ರ ಕಳ್ಳ-ಬಟ್ಟೆ, ರುಚಿ ರುಚಿಯಾದ ಆಹಾರವೇ ಇವನ ಟಾರ್ಗೆಟ್

ಸಾಮಾಜಿಕ ಜಾಲತಾಣದಲ್ಲಿ ವೈರಲ್  ಆದ ವಿಡಿಯೋ : 
ವಧು ನಿಧಾನವಾಗಿ ತನ್ನ ಹೆಜ್ಜೆಗಳನ್ನು ಮುಂದಕ್ಕೆ ಇಡುತ್ತಾಳೆ. ವರ ಕೂಡಾ ತನ್ನ ಹುಡುಗಿ ತನ್ನತ್ತ ಬರುವುದನ್ನು ನೋಡಿ ಸಂಭ್ರಮಿಸುತ್ತಾನೆ.  ಈ ಸಮಯದಲ್ಲಿ ವರನನ್ನು ನೋಡಿ ಭಾವುಕಳಾದ ವಧುವಿನ ಕಣ್ಣಿನಲ್ಲಿ ನೀರು ಸುರಿಯುತ್ತದೆ. ಆದರೆ ಆ ಕಣ್ಣೀರಿನಲ್ಲಿ ಸಂತೋಷ, ಭಯ, ಕಾತುರ ಎಲ್ಲವೂ ಅಡಗಿದೆ.  ಇಲ್ಲಿ ಗಮನಿಸಬೇಕಾದ ಅಂಶ ಎಂದರೆ ವಧು ಮಾತ್ರ ಭಾವುಕಳಾಗಿಲ್ಲ. ವಧುವನ್ನು ನೋಡಿದ ವರನ ಕಣ್ಣಂಚಲ್ಲಿ ಕೂಡಾ ನೀರು ಜಿನುಗುತ್ತದೆ. 

View this post on Instagram

A post shared by Eternal Weddings (@eternalweddingstm)

ವಿಡಿಯೋದ ಕೊನೆಯಲ್ಲಿ ಕಂಡು ಬರುವ ದೃಶ್ಯ ಹೃದಯಸ್ಪರ್ಶಿಯಾಗಿದೆ. ವರ ವಧುವಿಗೆ ಮಂಗಳ ಸೂತ್ರ ತೊಡಿಸುವಾಗ ವಧು ಕೈ ಮುಗಿದು ತಲೆ ಬಾಗಿ ಕುಳಿತಿರುತ್ತಾಳೆ.  ಮದುವೆಯ ಈ ವಿಡಿಯೋ ವೀಕ್ಷಕರಿಗೆ ಬಹಳ ಇಷ್ಟವಾಗುತ್ತಿದೆ. eternalweddingstmandragitha_m ಎಂಬ ಇನ್ಸ್ತಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಲಾಗಿದೆ. 

ಇದನ್ನೂ ಓದಿ : Viral Video: ‘ರಸಗುಲ್ಲಾ’ ತಿನ್ನದ ವಧುವಿನ ಕಪಾಳಕ್ಕೆ ಬಾರಿಸಿದ ವರ, ವೇದಿಕೆಯಲ್ಲೇ ಬಿಗ್ ಫೈಟ್..!