ಭೀಕರ ಪ್ರವಾಹ, ಕಣ್ಮುಂದೆ ಸಾವು.. ಮುಖದಲ್ಲಿ ನಗು.. ಗುಂಡಿಗೆ ಅಂದ್ರೆ ಇವರದ್ದೇ ಗುರು..! ವಿಡಿಯೋ ವೈರಲ್‌

Viral Video : ಗುಜರಾತ್‌ನ ಸಬರಕಾಂಡದಲ್ಲಿ ಹಠಾತ್ ಪ್ರವಾಹದಿಂದಾಗಿ ದಂಪತಿಗಳು ನದಿಯ ಮಧ್ಯದಲ್ಲಿ ಸಿಲುಕಿರುವ ವಿಡಿಯೋ ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿದೆ. ಗುಜರಾತ್ ಮೂಲದ ದಂಪತಿ ಕಾರಿನಲ್ಲಿ ನದಿ ದಾಟಿದ್ದರು. ಇಬ್ಬರೂ ಅನಿರೀಕ್ಷಿತ ಪ್ರವಾಹದಲ್ಲಿ ಸಿಲುಕಿಕೊಂಡರು. ನೀರಿನ ರಭಸ ಹೆಚ್ಚಾದ ಕಾರಣ ದಂಪತಿ ನೀರಿನಲ್ಲಿ ಕೊಚ್ಚಿ ಹೋಗುವುದನ್ನು ತಪ್ಪಿಸಲು ಕಾರಿನ ಮೇಲೆ ಕುಳಿತಿದ್ದರು.

ನೀರಿನ ಹರಿವು ಕಡಿಮೆಯಾಗದ ಕಾರಣ ಅವರು ಹಲವು ಗಂಟೆಗಳ ಕಾಲ ಕಾರಿನ ಮೇಲೆ ಕುಳಿತಿದ್ದರು. ಇದನ್ನು ಕಂಡ ನೆರೆಹೊರೆಯವರು ದಂಪತಿಗೆ ಸಹಾಯ ಮಾಡಲು ಪ್ರಯತ್ನಿಸಿದರು. ಆದರೆ, ನೀರಿನ ಹರಿವು ಕಡಿಮೆಯಾಗದೆ  ವೇಗ ಹೆಚ್ಚುತ್ತಲೇ ಇದ್ದುದರಿಂದ ತಕ್ಷಣ ಅವರನ್ನು ಉಳಿಸುವುದು ಅಸಾಧ್ಯವಾಯಿತು.

ಇದನ್ನೂ ಓದಿ:ಮದ್ಯಪ್ರಿಯರಿಗೆ ಸಿಹಿಸುದ್ದಿ..! ಎಣ್ಣೆ ರೇಟ್‌ ಫುಲ್‌ ಕಮ್ಮಿ.. ಬಿಯರ್‌ ಅಂತೂ ನೀರು ಸಿಕ್ಕಂತೆ ಸಿಗುತ್ತೆ..

ಕೂಡಲೇ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಲಾಗಿದ್ದು, ಸ್ಥಳಕ್ಕೆ ಧಾವಿಸಿದ ಸಾರ್ವಜನಿಕರ ಸಹಕಾರದೊಂದಿಗೆ ರಕ್ಷಣಾ ಕಾರ್ಯ ಆರಂಭಿಸಿದರು. ನೀರಿನ ಹರಿವು ಕಡಿಮೆಯಾಗಲು ತಂಡವು ಸ್ವಲ್ಪ ಸಮಯ ಕಾಯಬೇಕಾಯಿತು. ನೀರಿನ ಮಟ್ಟ ಕಡಿಮೆಯಾದಾಗ ರಕ್ಷಣಾ ಕಾರ್ಯಾಚರಣೆಯನ್ನು ಪ್ರಾರಂಭಿಸಲಾಯಿತು. ಇದರೊಂದಿಗೆ ದಂಪತಿಯನ್ನು ಸುರಕ್ಷಿತವಾಗಿ ರಕ್ಷಿಸಲಾಗಿದೆ.

ನದಿಯ ಮಧ್ಯದಲ್ಲಿ ಸಿಕ್ಕಿಹಾಕಿಕೊಂಡಿದ್ದ ಈ ಜೋಡಿ ಹರಟೆ ಹೊಡೆಯುತ್ತಾ ನಗುತ್ತಾ ಸಾರ್ವಜನಿಕರಿಗೆ ಕೈ ತೋರಿಸಿದ ವಿಡಿಯೋಗೆ ಹಲವರು ಕಮೆಂಟ್ ಮಾಡುತ್ತಿದ್ದಾರೆ. ಪತಿ-ಪತ್ನಿ ಎಂತಹ ಪರಿಸ್ಥಿತಿ ಬಂದರೂ ಒಬ್ಬರನ್ನೊಬ್ಬರು ಎಷ್ಟು ಬೆಂಬಲಿಸಬೇಕು ಎಂಬುದನ್ನು ಇವರಿಂದ ಕಲಿಯಬಹುದು ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ಹೀಗೆ ಹಲವಾರು ಮೆಚ್ಚುಗೆ ಕಾಮೆಂಟ್‌ಗಳು ಈ ವೈರಲ್‌ ವಿಡಿಯೋಗೆ ಬಂದಿವೆ..