ಬೈಕ್‌ನಲ್ಲಿ ಸ್ಟಂಟ್ ಮಾಡುತ್ತಾ ರೀಲ್ಸ್ ಮಾಡ್ತಿದ್ದ ಸವಾರ ಈಗ ಪೊಲೀಸರ ಅತಿಥಿ

Crazy Bike Rider Video: ಒಬ್ಬೊಬ್ಬರಿಗೆ ಒಂದೊಂದು ರೀತಿಯ ಕ್ರೇಜ್ ಇದ್ದೇ ಇರುತ್ತದೆ. ಅದರಲ್ಲೂ ಈಗಿನ ಯುವಕರಿಗೆ ಬೈಕ್ ಕ್ರೇಜ್ ಸಿಕ್ಕಾಪಟ್ಟೆ ಇದೆ.  ಯುವಕರಿಗೆ ಬೈಕ್ ಸ್ಟಂಟ್ ಮಾಡುತ್ತಾ ರೀಲ್ಸ್ ಮಾಡುವುದು ಎಂದರೆ ಎಲ್ಲಿಲ್ಲದ ಕ್ರೇಜ್. ಆದರೆ, ಇಲ್ಲೊಬ್ಬ ಕ್ರೇಜಿ ಬೈಕ್ ರೈಡರ್ ಇದೀಗ ಪೊಲೀಸರ ಅತಿಥಿಯಾಗಿದ್ದಾನೆ. 

ಬೈಕ್‌ನಲ್ಲಿ ಸ್ಟಂಟ್ ಮಾಡುತ್ತಾ ರೀಲ್ಸ್ ಮಾಡ್ತಿದ್ದ ಸವಾರ ಕಲರ್‌ಪುಲ್ ವೇಷಭೂಷಣ ಧರಿಸಿ ಬೈಕ್  ಆಲ್ಟರ್ ಕೂಡ ಮಾಡಿಸಿದ್ದ. ತನ್ನ ಎಲ್ಲ ಸ್ಟಂಟ್ ಗಳನ್ನ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಾರಿಬಿಡುತ್ತಿದ್ದ ಈ ಕ್ರೇಜಿ ಬೈಕ್ ರೈಡರ್ ಇಷ್ಟಕ್ಕೆ ಮಾತ್ರ ಸುಮ್ಮನಿರಲಿಲ್ಲ. ಈತ ತನ್ನ ಬೈಕ್ ಸ್ಟಂಟ್‌ಗಳಿಂದ ಜನರನ್ನು ಕೂಡ ಕಾಡುತ್ತಿದ್ದ. 

ಇದನ್ನೂ ಓದಿ- Viral Video: ಎರೆಡೆರಡು ಹಾವನ್ನು ಬರಿಗೈಯಲ್ಲಿ ಹಿಡಿದ ಮಹಿಳೆ, ವಿಡಿಯೋ ವೈರಲ್

ಕ್ರೇಜಿ ಬೈಕ್ ರೈಡಿಂಗ್ ಮೂಡ್ ನಲ್ಲಿದ್ದ ಈ ಸವಾರ ಕೆಐಎಎಲ್ ಏರ್ಪೋರ್ಟ್ ರಸ್ತೆಯಲ್ಲಿ ಸಿಗ್ನಲ್‌ ಜಂಪ್ ಮಾಡಿ ಬೈಕ್ ಗೆ ಡಿಕ್ಕಿ ಹೊಡೆದಿದ್ದ. ಅಷ್ಟಕ್ಕೇ ನಿಲ್ಲದ ಈತ ಕಾರನ್ನು ಓವರ್ ಟೇಕ್ ಮಾಡಿ ಅದರ ಕನ್ನಡಿಯನ್ನೂ ಹೊಡೆದು ಹಾಕಿದ್ದ. ಇದನ್ನೂ ಸಹ ವಿಡಿಯೋ ಮಾಡಿ ತಾನೇ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದಾನೆ. 

ಇನ್ನೂ ಈ ಕ್ರೇಜಿ ಬೈಕ್ ರೈಡರ್ ನಿಂದ ಬೇಸತ್ತಿದ್ದ ಜನರು ಈತನ ವಿಡಿಯೋಗಳನ್ನೇ ಸಾಕ್ಷಿಯಾಗಿ ತೆಗೆದುಕೊಂಡು ಯಲಹಂಕ ಸಂಚಾರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. 

ಇದನ್ನೂ ಓದಿ- ಗೋಮಾತೆ - ನಾಗರಾಜನ ಆಟಕ್ಕೆ ಮನಸೋತ ನೆಟ್ಟಿಗರು, ವಿಡಿಯೋ ವೈರಲ್‌

ವಿಡಿಯೋ ಪರಿಶೀಲನೆ ನಡೆಸಿ ಬೈಕ್ ಮತ್ತು ಕ್ರೇಜಿ ಬೈಕ್ ರೈಡರ್ ನನ್ನು ಪತ್ತೆ ಹಚ್ಚಿರುವ ಯಲಹಂಕ ಸಂಚಾರಿ ಪೊಲೀಸರು ಇದೀಗ ಆತನನ್ನು ಬಂಧಿಸಿ, ಅವನ ಬೈಕ್ ಅನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. 

ಕ್ರೇಜಿ ಬೈಕ್ ರೈಡರ್ ವಿಡಿಯೋವನ್ನು ಇಲ್ಲಿ ವೀಕ್ಷಿಸಿ: