Viral Video : ಆನೆಯ ಬೇಟೆಗಾಗಿ ಬಂದಿತ್ತು ಹುಲಿ.! ಗಜರಾಜ ತಿರುಗಿ ಬಿದ್ದಾಗ ನಡೆದದ್ದು...

Viral Video : ಸಿಂಹ, ಹುಲಿ ಮತ್ತು ಚಿರತೆಗಳನ್ನು ಅತ್ಯಂತ ಅಪಾಯಕಾರಿ ಪ್ರಾಣಿಗಳೆಂದು ಕರೆಯಲಾಗುತ್ತದೆ. ಈ ಪ್ರಾಣಿಗಳು ಕಣ್ಣು ಮಿಟುಕಿಸುವಷ್ಟರಲ್ಲಿ ಬೇರೆ ಪ್ರಾಣಿಗಳನ್ನು ಬೇಟೆಯಾಡಿ ಬಿಡುತ್ತವೆ. ಆನೆ ಮತ್ತು ಹುಲಿಯ ವಿಡಿಯೋವೊಂದು ಇದೀಗ ವೈರಲ್ ಆಗುತ್ತಿದೆ. ತನ್ನನ್ನು ಬೇಟೆಯಾಡಲು ಬಂದ ಹುಲಿರಾಯನಿಗೆ ಯಾವ ರೀತಿ ಗಜರಾಜ ಪಾಠ ಕಲಿಸುತ್ತಾನೆ ಎನ್ನುವುದನ್ನು ಈ ವಿಡಿಯೋದಲ್ಲಿ ಕಾಣಬಹುದು. 

ಕಾಡಿನಲ್ಲಿ  ತನ್ನ ಪಾಡಿಗೆ ನಿಂತಿರುವ ಆನೆಯನ್ನು ಬೇಟೆಯಾಡಲು ಹುಲಿ ಹೊಂಚು ಹಾಕುತ್ತಿರುವುದನ್ನು ಈ ವಿಡಿಯೋದಲ್ಲಿ ಕಾಣಬಹುದು. ಇನ್ನೇನು ದಾಳಿ ಮಾಡಲು ಸೂಕ್ತ ಸಮಯ ಎಂದು ಆನೆಯ ಮೇಲೆ ಹುಲಿ ಎರಗಲು ಮುಂದಾಗುತ್ತಿದ್ದಂತೆಯೇ, ಗಜರಾಜ ತಿರುಗಿ ಬೀಳುತ್ತಾನೆ. 

ಇದನ್ನೂ ಓದಿ  : Viral Video: ಕೋಳಿಗೆ ಕಲ್ಲು ಹೊಡೆಯಲು ಹೋದ ಮಹಿಳೆ, ಹಿಂದಿನಿಂದ ಬಂದ ಟಗರು ಮಾಡಿದ್ದೇನು ನೀವೇ ನೋಡಿ

ಆನೆಯ ಈ ಭೀಕರ ರೂಪವನ್ನು ನೋಡಿದ ಹುಲಿ ಎದ್ದು ಬಿದ್ದು ಜಾಗ ಖಾಲಿ ಮಾಡಿ ಬಿಡುತ್ತದೆ. ಬಹುಶಃ ಆನೆ ತನಗೆ ಸುಲಭ ತುತ್ತಾಗಬಹುದು ಎಂಬ ನಿರೀಕ್ಷೆಯಲ್ಲಿ ಹುಲಿ ಬಂದಿದ್ದಂತೆ ಕಾಣುತ್ತದೆ. ಆದರೆ, ತಾನೊಂದು ಬಗೆದರೆ ದೈವ ಮತ್ತೊಂದು ಬಗೆಯುತ್ತದೆ ಎನ್ನುವ ಹಾಗೆ ಅಲ್ಲಿ ನಡೆದದ್ದೇ ಬೇರೆ. 

 ಒಂದು ವೇಳೆ ಅಲ್ಲಿ ಹುಲಿಯನ್ನು ಹಿಡಿತುವುದು ಆನೆಗೆ ಸಾಧ್ಯವಾಗಿದ್ದರೆ ಅದು ಹುಲಿಯ ಜೀವನದ ಕೊನೆ ಕ್ಷಣವಾಗಿರುತ್ತಿತ್ತು. . ಕಾಡು ಪ್ರಾಣಿಗಳಿಗೆ ಸಂಬಂಧಿಸಿದ ಈ ವೀಡಿಯೊವನ್ನು @santoshsaagr ಹೆಸರಿನ ಟ್ವಿಟರ್ ಹ್ಯಾಂಡಲ್‌ನೊಂದಿಗೆ ಹಂಚಿಕೊಳ್ಳಲಾಗಿದೆ. 47 ಸೆಕೆಂಡ್‌ನ ಈ ವಿಡಿಯೋ ಭಾರೀ ವೈರಲ್ ಆಗುತ್ತಿದೆ.