ಕಿಕ್ಕೇರಿಸಿಕೊಳ್ಳುವ ಮುನ್ನ ಎಚ್ಚರ..!! ನಿಮಗಿಷ್ಟದ ಬಿಯರ್‌ನಲ್ಲಿ ಹಲ್ಲಿ ಪತ್ತೆ.. ವಿಡಿಯೋ ವೈರಲ್‌

Lizard in beer viral video : ವ್ಯಕ್ತಿಯೊಬ್ಬ ಪಾರ್ಟಿ ಮಾಡಲೆಂದು ಸ್ಥಳೀಯ ಬಾರ್‌ನಿಂದ ಭಾರೀ ಪ್ರಮಾಣದ ಬಿಯರ್ ಖರೀದಿಸಿದ್ದ.. ಮನೆಗೆ ತಂದು ಬಿಯರ್ ಮುಚ್ಚಳ ತೆರೆಯಲು ಮುಂದಾದ ವ್ಯಕ್ತಿಗೆ ಅದರೊಳಗೆ ಕಾಣಿಸಿಕೊಂಡದ್ದನ್ನು ನೋಡಿ ಶಾಕ್‌ ಆಗಿದೆ.. ಬಿಯರ್ ಬಾಟಲಿಯಲ್ಲಿ ಯಾವುದೋ ಒಂದು ಪ್ರಾಣಿ ಸತ್ತು ತೇಲುತ್ತಿರುವಂತೆ ಕಂಡಿದೆ..

ಇದರಿಂದ ಗೊಂದಲಕ್ಕೀಡಾದ ವ್ಯಕ್ತಿ ಬಾಟಲಿಯನ್ನು ತೆರೆಯದೆ ನೇರವಾಗಿ ಅಂಗಡಿಗೆ ತೆಗೆದುಕೊಂಡು ಹೋಗಿದ್ದಾನೆ. ಇದೇನು ಎಂದು ಕೇಳಿದಾಗ ಆ ವ್ಯಕ್ತಿ ತಮಗೆ ಗೊತ್ತಿಲ್ಲ ಎಂದು ಹೇಳಿದ್ದರಿಂದ ಸಿಟ್ಟಿಗೆದ್ದು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. 

ಇದನ್ನೂ ಓದಿ:ಒಂದು ಕಾಲದಲ್ಲಿ 42 ರೂಪಾಯಿ ಸಂಭಾವನೆ ಪಡೆದ ಈ ನಟ ಇಂದು ಕನ್ನಡದ ಟಾಪ್ ಸ್ಟಾರ್!ನಟನಾಗಿ ಭವಿಷ್ಯ ರೂಪಿಸಿಕೊಳ್ಳಲು ಪಟ್ಟ ಪಾಡು ಅಷ್ಟಿಷ್ಟಲ್ಲ !

ಈ ಘಟನೆ ತೆಲಂಗಾಣದ ವಿಕಾರಾಬಾದ್ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಹೌದು.. ಲಕ್ಷ್ಮೀಕಾಂತ್ ರೆಡ್ಡಿ ಮತ್ತು ಅನಂತಯ್ಯ ಇಬ್ಬರೂ ತೆಲಂಗಾಣದ ವಿಕಾರಾಬಾದ್ ಜಿಲ್ಲೆಯ ಧರೂರ್ ಮಂಡಲದ ಕೆರೆಲ್ಲಿ ಗ್ರಾಮದ ಸ್ನೇಹಿತರು. ಪಾರ್ಟಿ ಮಾಡಲು ಸ್ಥಳೀಯ ವೈನ್ ಶಾಪ್ ನಿಂದ ರೂ.4 ಸಾವಿರ ಮೌಲ್ಯದ ಮದ್ಯದ ಬಾಟಲಿಗಳನ್ನು ಖರೀದಿಸಿದ್ದರು. 

ಆದ್ರೆ, ಬಿಯರ್ ಬಾಟಲಿಯೊಳಗೆ ಹಲ್ಲಿ ಇರುವುದನ್ನು ವೈನ್ ಶಾಪ್ ನ ಮ್ಯಾನೇಜರ್ ಗೆ ತೋರಿಸಿದರೆ ಅದಕ್ಕೂ ತಮಗೂ ಸಂಬಂಧವಿಲ್ಲ ಎಂದು ವೈನ್ ಶಾಪ್ ಮಾಲೀಕರು ಪಟ್ಟು ಹಿಡಿದಿದ್ದಾರೆ. ಅದನ್ನು ತಯಾರಿಸಿದ ಕಂಪನಿಯಿಂದಲೇ ಹಲ್ಲಿ ಬಂದಿರಬೇಕು, ನಾವು ನಿಮಗೆ ಮಾರಿದ್ದೇವೆ, ನಾವೇ ಬಿಯರ್‌ ರೆಡಿ ಮಾಡುತ್ತೇವಾ..? ಅಂತ ನಿರ್ಲಕ್ಷ್ಯವಾಗಿ ಉತ್ತರಿಸಿದ್ದಾನೆ..