ಆರ್ಡರ್ ಮಾಡಿ ಫುಡ್ ತಿನ್ನೋವಾಗ ಹುಷಾರ್..!! ನಿನ್ನೆ ಐಸ್ ಕ್ರೀಮ್ ನಲ್ಲಿ ಬೆರಳು, ಇಂದು ಬಿರಿಯಾನಿಯಲ್ಲಿ ಹಲ್ಲಿ..!

Lizard in Biriyani : ಆಹಾರ ಪದಾರ್ಥಗಳಲ್ಲಿ ಮಾನವರು, ಪ್ರಾಣಿಗಳು ಅವಶೇಷಗಳು ಪತ್ತೆ ಪ್ರಕರಣ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿವೆ.. ಕಳೆದ ಕೆಲವು ದಿನಗಳ ಹಿಂದೆ ಐಸ್ ಕ್ರೀಂನಲ್ಲಿ ಬೆರಳು ಕಂಡು ಬಂದರೆ ಇಂದು ಬಿರಿಯಾನಿಯಲ್ಲಿ ಹಲ್ಲಿ ಕಾಣಿಸಿಕೊಂಡಿದೆ.. ಈ ಕುರಿತ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ..

ಹೋಟೆಲ್‌ನವರು ಬದಲಾಗುತ್ತಿಲ್ಲ. ಅನೈರ್ಮಲ್ಯದಿಂದ ಅಡುಗೆ ಮಾಡಿ ಬಡಿಸುವುದರಿಂದ ಜನರು ಅನಾರೋಗ್ಯಕ್ಕೆ ತುತ್ತಾಗುತ್ತಿದ್ದಾರೆ. ಇಂತಹ ಆಹಾರ ಸೇವಿಸಿ ಜನ ಅಸ್ವಸ್ಥರಾಗುತ್ತಿರುವ ಘಟನೆಗಳು ದೇಶದಲ್ಲಿ ನಿತ್ಯ ನಡೆಯುತ್ತಿವೆ. ಕೆಲವೆಡೆ ಜೀವಹಾನಿಯಾಗುತ್ತಿದೆ. ಆದರೆ, ಹೋಟೆಲ್ ನಿರ್ವಾಹಕರು ತಮಗೇನೂ ನಷ್ಟವಿಲ್ಲ ಎಂಬಂತೆ ತಮ್ಮ ಚಾಳಿಯನ್ನು ಮುಂದುವರೆಸಿದ್ದಾರೆ. ಸಧ್ಯ ಬಿರಿಯಾನಿಯಲ್ಲಿ ಹಲ್ಲಿ ಕಾಣಿಸಿಕೊಂಡಿದ್ದು, ಆರ್ಡರ್‌ ಮಾಡಿ ಫುಡ್‌ ತಿನ್ನುವವರನ್ನು ಚಿಂತಿಸುವಂತೆ ಮಾಡಿದೆ..

ಇದನ್ನೂ ಓದಿ:Daily GK Quiz: ಗಾಯವನ್ನು ಗುಣಪಡಿಸಲು ಯಾವ ವಿಟಮಿನ್ ಸಹಾಯ ಮಾಡುತ್ತದೆ?

ಆಂಧ್ರಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಗುಂಟೂರು ಪಟ್ಟಣದ ಅರುಂಡಲಪೇಟೆಯಲ್ಲಿ ಬಿರಿಯಾನಿ ಪಾಯಿಂಟ್ ಇದೆ. ಅಲ್ಲಿಗೆ ಒಬ್ಬ ವ್ಯಕ್ತಿ ಬಂದು ಬಿರಿಯಾನಿ ಪಾರ್ಸೆಲ್ ತೆಗೆದುಕೊಂಡು ಮನೆಗೆ ಹೋಗಿದ್ದಾನೆ. ಬಿರಿಯಾನಿ ತಿನ್ನಲು ಪ್ರಾರಂಭಿಸಿದಾಗ ಅಲ್ಲಿ ಕಂಡು ಆಘಾತಕ್ಕೊಳಗಾಗಿದ್ದಾನೆ.  

ಸಧ್ಯ ಘಟನೆ ಬೆಳಕಿಗೆ ಬರುತ್ತಿದ್ದಂತೆ, ತೆಲಂಗಾಣದ ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು, ಚಾಟ್ ಭಂಡಾರ್, ಫಾಸ್ಟ್ ಫುಡ್ ಕೇಂದ್ರಗಳ ಮೇಲೆ ಆಹಾರ ಸುರಕ್ಷತಾ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ ಎನ್ನಲಾಗಿದೆ. ಅಷ್ಟೇ ಅಲ್ಲದೆ, ಈ ಘಟನೆಯ ಬಿಸಿ ಪಕ್ಕದ ರಾಷ್ಟ್ರ ಆಂಧ್ರಪ್ರದೇಶಕ್ಕೂ ತಟ್ಟಿದ್ದು, ಆಹಾರ ಸುರಕ್ಷತಾ ಅಧಿಕಾರಿಗಳು ದಾಳಿ ಆರಂಭಿಸಿದ್ದಾರೆ.