Viral News: ಗಿನ್ನೆಸ್ ದಾಖಲೆಯ ಹುಚ್ಚಿಗೆ 4 ದಿನ ಅತ್ತು ದೃಷ್ಟಿಯನ್ನೇ ಕಳೆದುಕೊಂಡ ಯುವಕ!

ನವದೆಹಲಿ: ಪ್ರಪಂಚದಲ್ಲಿ ಚಿತ್ರ-ವಿಚಿತ್ರ ಜನರು ಇರುತ್ತಾರೆ. ಪ್ರತಿದಿನ ಏನಾದರೂ ಹುಚ್ಚು ಸಾಹಸ ಮಾಡುತ್ತಾ ಸುದ್ದಿಯಲ್ಲಿರುತ್ತಾರೆ. ಹೆಸರು ಮಾಡಲು ಪ್ರಾಣವನ್ನೇ ಒತ್ತೇ ಇಡುವ ಜನರು ಇದ್ದಾರೆ. ಅದೇ ರೀತಿ ವ್ಯಕ್ತಿಯೊಬ್ಬ ಗಿನ್ನೆಸ್ ದಾಖಲೆಯ ಹುಚ್ಚಿಗೆ 4 ದಿನಗಳ ಕಾಲ ನಿರಂತರವಾಗಿ ಅತ್ತು ತನ್ನ ದೃಷ್ಟಿಯನ್ನೇ ಕಳೆದುಕೊಂಡಿದ್ದಾನೆ.

ಹೌದು, ನೈಜಿರಿಯಾ ಮೂಲದ ತೆಂಬು ಎಬೆರೆ ಎಂಬಾತ ಏನಾದರೂ ಮಾಡಿ ಗಿನ್ನೆಸ್ ದಾಖಲೆ ಮಾಡಿ ಸಾಧನೆ ಮಾಡಬೇಕು ಅಂತಾ ಕನಸು ಕಂಡಿದ್ದ. ಇದಕ್ಕಾಗಿ ಆತ ಆಯ್ದುಕೊಂಡಿದ್ದು ಅಳೋದನ್ನು. ಗಿನ್ನೆಸ್ ರೆಕಾರ್ಡ್ ಮಾಡಲು ನಿರ್ಧಾರ ಮಾಡಿದ ಆತನಿಗೆ ಅದುವೇ ಮುಳುವಾಗಿದೆ. ಯಾಕೆಂದ್ರೆ ಇದೀಗ ಆತನ ತನ್ನ ಕಣ್ಣೀನ ದೃಷ್ಟಿಯನ್ನೇ ಕಳೆದುಕೊಂಡಿದ್ದಾನೆ.

ಇದನ್ನೂ ಓದಿ: Jatayu Earth Center: 65 ಎಕರೆಯಲ್ಲಿ ಹರಡಿರುವ ವಿಶ್ವದ ಅತಿದೊಡ್ಡ ಪಕ್ಷಿ ಪ್ರತಿಮೆ ಇಲ್ಲಿದೆ, ವಿದೇಶದಿಂದ ಪ್ರವಾಸಿಗರು ಇಲ್ಲಿಗೆ ಬರ್ತಾರೆ!

ತೆಂಬು ಎಬೆರೆ ಬರೋಬ್ಬರಿ 100 ಗಂಟೆಗಳ ಕಾಲ ಅಂದರೆ 4 ದಿನ 4 ಗಂಟೆಗಳ ಕಾಲ ನಿರಂತರವಾಗಿ ಅತ್ತಿದ್ದಾನೆ. ನಿರಂತರವಾಗಿ ಅತ್ತ ಪರಿಣಾಮ ಆತನಿಗೆ ತಲೆ ನೋವು, ಕಣ್ಣು ಉರಿಯಿಂದ ಮುಖ ಊದಿಕೊಂಡಿದ್ದು, ಅಳು ನಿಲ್ಲಿಸಿದ ಬಳಿಕ 45 ನಿಮಿಷಗಳ ಕಾಲ ಆತನಿಗೆ ಕಣ್ಣು ಸರಿಯಾಗಿ ಕಾಣಿಸಿಲ್ಲ. ಗಿನ್ನೆಸ್ ದಾಖಲೆಯ ಹುಚ್ಚಿಗೆ ದೃಷ್ಟಿ ಕಳೆದುಕೊಂಡ ಆತ ಪಡಬಾರದ ಪಡಿಪಾಟಲು ಪಟ್ಟಿದ್ದಾನೆ.

ಕಣ್ಣಿನ ದೃಷ್ಟಿ ಹೋದರೂ ಛಲ ಬಿಡದ ತೆಂಬು ಎಬೆರೆ ಮತ್ತೆ 7 ದಿನಗಳ ಕಾಲ ನಿರಂತರವಾಗಿ ಅತ್ತು ವಿಶ್ವ ದಾಖಲೆ ಮಾಡಲು ಮುಂದಾಗದ್ದಾನಂತೆ. ವಿಚಿತ್ರ ಸಾಹಸದ ಹುಚ್ಚಿನಿಂದಾಗಿ ಈತ ಇದೀಗ ಸೋಷಿಯಲ್ ಮೀಡಿಯಾ ಸೇರಿದಂತೆ ಪ್ರಪಂಚದಾದ್ಯಂತ ಸುದ್ದಿಯಾಗಿದ್ದಾನೆ.  

ಇದನ್ನೂ ಓದಿ: ಇನ್ನ್ಮುಂದೆ ಲೈಂಗಿಕ ಕ್ರಿಯೆಗೆ ಪುರುಷ-ಮಹಿಳೆಯರೇ ಬೇಡ, ಅದಕ್ಕೂ ಬಂತು ರೋಬೋಟ್!