ಹಾವಿನ ಜೊತೆ ಕಾಳಗಕ್ಕಿಳಿದ ಅಳಿಲು: ಮುಂದೆ ಗೆದ್ದವರು ಯಾರು?

ಅನೇಕ ಪ್ರಾಣಿಗಳ ಚೇಷ್ಟೆ ವಿಡಿಯೋಗಳು ಇಂಟರ್‌ನೆಟ್‌ನಲ್ಲಿ ಹರಿದಾಡುತ್ತಿರುತ್ತವೆ. ಅವುಗಳಲ್ಲಿ ಕೆಲವು ಮನಸ್ಸಿಗೆ ಉಲ್ಲಾಸ ನೀಡಿದ್ರೆ, ಇನ್ನೂ ಕೆಲವು ಭಯವನ್ನು ಹುಟ್ಟು ಹಾಕುತ್ತದೆ. ಅಂತಹದ್ದೇ ವಿಡಿಯೋ ಒಂದು ಸದ್ಯ ಸೋಶಿಯಲ್‌ ಮೀಡಿಯಾದಲ್ಲಿ ಭಾರೀ ವೈರಲ್‌ ಆಗುತ್ತಿದೆ. 

ಇದನ್ನೂ ಓದಿ: ಮೊದಲ ಪಂದ್ಯದಲ್ಲಿ  ಈ ದೊಡ್ಡ ತಪ್ಪು ಮಾಡಿದ ರೋಹಿತ್ ಶರ್ಮಾ!

ಅಳಿಲು ಹಾವಿನೊಂದಿಗೆ ಕಾದಾಡುವ ವಿಡಿಯೋ ಎಂದಾದರೂ ಕಂಡಿದ್ದೀರಾ? ಇಲ್ಲೊಂದು ವಿಡಿಯೋದಲ್ಲಿ ಆ ದೃಶ್ಯವನ್ನು ನೋಡಬಹುದು. ಹಾವು ಮತ್ತು ಅಳಿಲುಗಳ ನಡುವಿನ ಜಗಳವನ್ನು ಯಾರೂ ನೋಡಿರಲು ಸಾಧ್ಯವಿಲ್ಲ. ಇನ್ನು ಈ ವಿಡಿಯೋದಲ್ಲಿ ಹಾವನ್ನ ಎದುರಿಸುತ್ತಿರುವ ಅಳಿಲಿನ ಧೈರ್ಯವನ್ನು ನೋಡುಗರು ಮೆಚ್ಚುತ್ತಿದ್ದಾರೆ. ಈ ವಿಡಿಯೋವನ್ನು ವ್ಯಕ್ತಿಯೊಬ್ಬರು ಸಾಮಾಜಿಕ ಜಾಲತಾಣ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಈ ವೀಡಿಯೊದಲ್ಲಿ ಮೊದಲಿಗೆ ಕೆಂಪು ಗೋಡೆ ಕಂಡುಬರುತ್ತದೆ. ಕ್ಯಾಮೆರಾವನ್ನು ಝೂಮ್ ಮಾಡಿದರೆ ಗೋಡೆಯ ಒಂದು ಬದಿಯಲ್ಲಿ ಅಳಿಲು ಮತ್ತು ಇನ್ನೊಂದು ಬದಿಯಲ್ಲಿ ಹಾವು ಕಾಣಿಸುತ್ತದೆ. ನಿಧಾನವಾಗಿ ಎರಡೂ ಸಹ ಪರಸ್ಪರ ಸಮೀಪಿಸುತ್ತಿರುವುದನ್ನು ಕಾಣಬಹುದು. ಇದರ ನಂತರ, ಏನಾಗುತ್ತದೆ ಎಂದು ನೀವೇ ನೋಡಿ.  

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೇಗವಾಗಿ ಹರಡುತ್ತಿದೆ. ಈ 34 ಸೆಕೆಂಡುಗಳ ವೀಡಿಯೊದಲ್ಲಿ, ಅಪಾಯಕಾರಿ ಹಾವು ಅಳಿಲು ಮತ್ತು ಕಾಗೆಯ ಮುಂದೆ ಸೋಲನ್ನು ಒಪ್ಪಿಕೊಂಡು ಓಡಿ ಹೋಗುವುದನ್ನು ಕಾಣಬಹುದು. ಇಂತಹ ಸಣ್ಣ ಜೀವಿಗಳು ಉಗ್ರ ಹಾವಿನೊಂದಿಗೆ ಕೆಣಕಿದ್ದಲ್ಲದೆ ಅದಕ್ಕೆ ಸಮಾನ ಪೈಪೋಟಿಯನ್ನೂ ನೀಡಿವೆ ಎಂಬುದನ್ನು ಜನ (ಸಾಮಾಜಿಕ ಮಾಧ್ಯಮ ಬಳಕೆದಾರರು) ನಂಬಲು ಸಾಧ್ಯವಾಗುತ್ತಿಲ್ಲ.