Viral Video: ನಡು ರಸ್ತೆಯಲ್ಲಿಯೇ ರೊಚ್ಚಿಗೆದ್ದು ಸ್ಕೂಟರ್ ಸವಾರನನ್ನು ಗಾಳಿಗೆ ತೂರಿದ ಎಮ್ಮೆ... ವಿಡಿಯೋ ನೋಡಿ!

Viral Video: ರಸ್ತೆಗಳಲ್ಲಿ ಓಡಾಡಿಕೊಂಡು ಇರುವ ಪ್ರಾಣಿಗಳಿಂದ ದಾರಿಹೋಕರಿಗೆ ಸಾಕಷ್ಟು ತೊಂದರೆಯಾಗುತ್ತದೆ. ಕೆಲವೊಮ್ಮೆ ಆ ಪ್ರಾಣಿಗಳು ನಾವು ನೋಡು ನೋಡುತ್ತಲೇ ಯಾರೊಬ್ಬರ ಮೇಲೆ ಹಠಾತ್ ದಾಳಿಯನ್ನು ನಡೆಸುತ್ತವೆ. ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ಅಂತಹುದೇ ಒಂದು ವಿಡಿಯೋ ಭಾರಿ ವೈರಲ್ ಆಗುತ್ತಿದ್ದು, ಅದನ್ನು ನೋಡಿದ ನೆಟ್ಟಿಗರು ಬೆಚ್ಚಿಬಿದ್ದಿದ್ದಾರೆ. ವೈರಲ್ ಆಗುತ್ತಿರುವ ಈ ವೀಡಿಯೊದಲ್ಲಿ, ರಸ್ತೆಯ ಮಧ್ಯದಲ್ಲಿ ನಿಂತಿರುವ ಎಮ್ಮೆ ರೊಚ್ಚಿಗೆದ್ದು ಹಾಡುಹಗಲಿನಲ್ಲಿ ಸ್ಕೂಟರ್ ಸವಾರನ ಮೇಲೆ ದಾಳಿ ನಡೆಸುತ್ತಿರುವುದನ್ನು ನೀವು ನೋಡಬಹುದು (Viral News In Kannada)

ಇದನ್ನೂ ಓದಿ-Viral Video: ತಂತ್ರಜ್ಞಾನದ ಸರಿಯಾದ ಬಳಕೆ ಅಂದ್ರೆ ಇದಪ್ಪ! ಇಲ್ಲಿ ಡ್ರೋನ್ ಮೂಲಕ ಕಾಫಿ ಸರ್ವ್ ಮಾಡಲಾಗುತ್ತೆ

ವೀಡಿಯೊದ ಆರಂಭದಲ್ಲಿ, ಎಮ್ಮೆ ರಸ್ತೆಯ ಮಧ್ಯದಲ್ಲಿ ನೀವು ನೋಡಬಹುದು, ಅದರ ಕುತ್ತಿಗೆಗೆ ಹಗ್ಗವನ್ನು ಕಟ್ಟಲಾಗಿದೆ, ಅದನ್ನು  ನೋಡಿದರೆ ಅದೊಂದು ಸಾಕು ಎಮ್ಮೆ ಇರಬಹುದು ಎಂಬಂತೆ ಕಾಣುತ್ತಿದೆ, ಅದು ರಸ್ತೆ ಮಧ್ಯದಲ್ಲಿ ನಿಂತುಕೊಂಡಿದೆ. ಈ ಸಂದರ್ಭದಲ್ಲಿ ಎಲ್ಲಿಂದಲೋ ಓರ್ವ ಸ್ಕೂಟಿ ಸವಾರ ಎಮ್ಮೆಯ ಪಕ್ಕದಿಂದ ಹಾದುಹೋಗುತ್ತಾನೆ. ಈ ಸಂದರ್ಭದಲ್ಲಿ ಹಠಾತ್ತಾಗಿ ಆ ಎಮ್ಮೆ ರೊಚ್ಚಿಗೆದ್ದು ಸ್ಕೂಟರ್ ಸವಾರನ ಮೇಲೆ ದಾಳಿ ನಡೆಸುತ್ತದೆ ಮತ್ತು ಹಲವಾರು ಬಾರಿ ಆತನನ್ನು ತನ್ನ ಕೊಂಬುಗಳಿಂದ ತಿವಿಯುತ್ತದೆ. ಮೊದಲು ಒಂದೇ ಏಟಿಗೆ ಆ ಎಮ್ಮೆ ಸ್ಕೂಟರ್ ಸವಾರನನ್ನು ಗಾಳಿಯಲ್ಲಿ ತೂರಿ ನೆಲಕ್ಕೆ ಬೀಳಿಸುತ್ತದೆ ಮತ್ತು ನಂತರ ತನ್ನ ಕೊಂಬುಗಳಿಂದ ಆತನನು ತಿವಿಯಲು ಆರಂಭಿಸುವುದನ್ನು ನೀವು ನೋಡಬಹುದು. ನಂತರ ಈ ಎಮ್ಮೆಯ ದಾಳಿಯಿಂದ ಆತನನ್ನು ರಕ್ಷಿಸಲು ಜನರು ಧಾವಿಸುತ್ತಾರೆ. ಆದರೆ ಕೋಪ ಶಮನಗೊಳ್ಳದ ಆ ಎಮ್ಮೆ ಸಹಾಯಕ್ಕೆ ಬರುವವರ ಮೇಲೂ ದಾಳಿ ಇಡಲು ಧಾವಿಸುತ್ತದೆ ಮತ್ತು ಜನರು ಅಲ್ಲಿಂದ ಕಾಲ್ಕೀಳುತ್ತಿರುವುದು ಕಂಡುಬರುತ್ತದೆ ಮತ್ತು ಅಲ್ಲಿಗೆ ವಿಡಿಯೋ ಮುಕ್ತಾಯಗೊಂಡಿದೆ. 

ಇದನ್ನೂ ಓದಿ-Akay Kohli AI Photo Viral: ವಿರುಷ್ಕಾ ದಂಪತಿಯ ಮಗ ಆಕಾಯ್ ನ ಎಐ ರಚಿತ ಚಿತ್ರ ಭಾರಿ ವೈರಲ್!

ಈ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ  @Dharmeshpandey ಹೆಸರಿನ ಖಾತೆ ಮೂಲಕ ಹಂಚಿಕೊಳ್ಳಲಾಗಿದೆ. ಕೇವಲ 20 ಸೆಕೆಂಡ್‌ಗಳ ಈ ವಿಡಿಯೋ ನೋಡಿ ಜನರು ಅಚ್ಚರಿಗೊಂಡಿದ್ದಾರೆ. ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ಎಮ್ಮೆಯ ಪಿತ್ತ ನೆಟ್ಟಿಗೇರಿರುವುದು ಸ್ಪಷ್ಟವಾಗಿ ಕಾಣಿಸುತ್ತಿದೆ. 

ವೈರಲ್ ಆಗುತ್ತಿರುವ ವಿಡಿಯೋ ಇಲ್ಲಿದೆ