Viral Video: ಊಟದಲ್ಲಿ ಪನೀರ್ ಇಲ್ಲದ ಕಾರಣ ಮದುವೆ ಮನೆಯಲ್ಲಿ ಹೊಡೆದಾಟ!

ನವದೆಹಲಿ: ಮದುವೆಯ ಅನೇಕ ವಿಡಿಯೋಗಳನ್ನು ನೀವು ನೋಡಿರುತ್ತೀರಿ. ಇಂಟರ್ನೆಟ್‍ನಲ್ಲಿ ಮದುವೆಯ ಹಲವಾರು ಫನ್ನಿ ಫನ್ನಿ ವಿಡಿಯೋಗಳನ್ನು ಕಂಡು ನೀವು ಸಹ ನಕ್ಕಿರುತ್ತೀರಿ. ಮದುವೆಯಲ್ಲಿ ವಧು-ವರರ ತಮಾಷೆಯ ಪ್ರಸಂಗಗಳು, ಬಂಧು-ಬಳಗ ಮತ್ತು ಸ್ನೇಹಿತರ ಅವಾಂತರಗಳು. ವರದಕ್ಷಿಣೆ, ಊಟದಲ್ಲಿ ಅದು ಇಲ್ಲ, ಇದು ಇಲ್ಲವೆಂದು ಜಗಳವಾಡುವುದು ಹೀಗೆ ಅನೇಕ ಮದುವೆಯ ವಿಡಿಯೋಗಳನ್ನು ನೀಡು ನೋಡಿರುತ್ತೀರಿ.

ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಮತ್ತೊಂದು ಮದುವೆಯ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಊಟದಲ್ಲಿ ಪನೀರ್ ಇಲ್ಲವೆಂದು ವಧು-ವರನ ಕಡೆಯವರು ಹೊಡೆದಾಡಿಕೊಂಡಿದ್ದಾರೆ. ಈ ವಿಡಿಯೋ ಇದೀಗ ಸಖತ್ ಸೌಂಡ್ ಮಾಡುತ್ತಿದೆ. ಅಂದಹಾಗೆ ಘಟನೆ ಹೇಗಾಯ್ತು ಅಂತೀರಾ..? ಅದರ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಇದನ್ನೂ ಓದಿ: Viral Video: ಚಲಿಸುತ್ತಿರುವ ರೈಲಿನಲ್ಲಿಯೇ ಮದುವೆಯಾದ ಜೋಡಿ..!

ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ವಧು-ವರನ ಕಡೆಯವರು ಹೊಡೆದಾಡುತ್ತಿರುವ ದೃಶ್ಯವನ್ನು ನೀವು ಕಾಣಬಹುದು.  @gharkekalesh ಎಂಬ ಟ್ವಿಟರ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ‘Kalesh b/w groom side and bride side people's during marriage over no pieces of paneer inside matar paneer’ ಎಂದು ಈ ವಿಡಿಯೋಗೆ ಕ್ಯಾಪ್ಶನ್ ನೀಡಲಾಗಿದೆ.

ಊಟಕ್ಕೆ ಕುಳಿತವರು ತಮಗೆ ಬಡಿಸಿದ ಮಟರ್ ಪನೀರ್‍ನಲ್ಲಿ ಪನೀರೇ ಇಲ್ಲವೆಂದು ಪ್ರಶ್ನಿಸಿದ್ದಾರೆ. ಈ ವೇಳೆ ಮಾತಿಗೆ ಮಾತು ಬೆಳೆದು ಕೈ ಕೈ ಮಿಲಾಯಿಸುವ ಹಂತಕ್ಕೆ ಹೋಗಿದೆ. ನೋಡ ನೋಡುತ್ತಿದ್ದಂತೆಯೇ ವಧು-ವರನ ಕಡೆಯವರು ಹೊಡೆದಾಡಿಕೊಂಡಿದ್ದಾರೆ. ತುಂಡು ಪನೀರ್‍ಗಾಗಿ ಮದುವೆ ಊಟಕ್ಕೆಂದು ಹಾಕಿದ್ದ ಚೇರ್‍ಗಳಲ್ಲೇ ಚೂರುಚೂರಾಗಿವೆ. ಸದ್ಯ ಈ ವಿಡಿಯೋವನ್ನು ಲಕ್ಷಾಂತರ ಜನರು ವೀಕ್ಷಿಸಿದ್ದು, ವಿವಿಧ ರೀತಿಯಲ್ಲಿ ಫನ್ನಿಯಾಗಿ ಕಾಮೆಂಟ್ ಮಾಡಿದ್ದಾರೆ.