ಹಕ್ಕಿಯಂತೆ ಹಾರಿ ಬಂದು ಆನ್ಲೈನ್ ಸರಕು ತಲುಪಿಸುವ ಡೇಲಿವರಿ ಬಾಯ್ ನೋಡಿದ್ದೀರಾ?... ವಿಡಿಯೋ ನೋಡಿ!

ಬೆಂಗಳೂರು: ನೀವೂ ಕೂಡ ಒಂದು ವೇಳೆ ಆನ್‌ಲೈನ್ ಶಾಪಿಂಗ್ ಮಾಡುತ್ತಿದ್ದರೆ, ಖರೀದಿಸಿದ ಉತ್ಪನ್ನಗಳನ್ನು ಕಂಪನಿಗಳು ಹೇಗೆ ತಲುಪಿಸುತ್ತವೆ ಎಂಬುದು ನಿಮಗೆ ಗೊತ್ತೇ ಇರಬಹುದು. ಸಾಮಾನ್ಯವಾಗಿ, ಸರಕುಗಳನ್ನು ತಲುಪಿಸುವ ಡೆಲಿವರಿ ಬಾಯ್‌ಗಳು ಬೈಕ್‌ನಲ್ಲಿ ಬರುತ್ತಾರೆ, ಆದರೆ ಟಿವಿ, ಫ್ರಿಜ್, ಸೋಫಾ ಅಥವಾ ಹಾಸಿಗೆಯಂತಹ ಸರಕುಗಳು ದೊಡ್ಡದಾಗಿದ್ದರೆ, ದೊಡ್ಡ ವಾಹನಗಳು ನಿಮ್ಮ ಮನೆಗೆ ಡೆಲಿವರಿ ಮಾಡಲು ಬರುತ್ತವೆ, ಆದರೆ ಆನ್‌ಲೈನ್ ಡೆಲಿವರಿ ವಿಷಯದಲ್ಲಿ ದುಬೈ ಒಂದು ಹೆಜ್ಜೆ ಮುಂದಕ್ಕೆ ಹೋಗಿದೆ ಎಂದರೆ ತಪ್ಪಾಗಲಾರದು. ಅಲ್ಲಿ ಉತ್ಪನ್ನಗಳನ್ನು ತಲುಪಿಸಲು ಡೆಲಿವರಿ ಬಾಯ್‌ಗಳು ಬೈಕ್‌ ಅಥವಾ ದೊಡ್ಡ ವಾಹನಗಳಲ್ಲಿ ಬರದೆ ಗಾಳಿಯಲ್ಲಿ ಹಾರಿ ಬರುತ್ತಾರೆ. ಹೌದು, ಇಂತಹದೊಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಜನರಲ್ಲಿ ಭಾರಿ ಅಚ್ಚರಿಗೆ ಕಾರಣವಾಗಿದೆ. (Viral News In Kannada)

ಈ ವೀಡಿಯೊದಲ್ಲಿ, ಡೆಲಿವರಿ ಬಾಯ್ ಸರಕುಗಳನ್ನು ತಲುಪಿಸಲು ಹಕ್ಕಿಯಂತೆ ಗಾಳಿಯಲ್ಲಿ ಹಾರುತ್ತಿರುವುದನ್ನು ನೀವು ನೋಡಬಹುದು ಮತ್ತು ನಂತರ ಸರಾಗವಾಗಿ ನೆಲದ ಮೇಲೆ ಇಳಿದು ಉತ್ಪನ್ನವನ್ನು ಗ್ರಾಹಕರಿಗೆ ತಲುಪಿಸುತ್ತಾನೆ. ಒಬ್ಬ ಡೆಲಿವರಿ ಬಾಯ್ ಗಾಳಿಯಲ್ಲಿ ಹಾರುತ್ತಾ ಹೇಗೆ ಬರುತ್ತಾನೆ ಎಂಬುದನ್ನು ನೀವು ವೀಡಿಯೊದಲ್ಲಿ ನೋಡಬಹುದು, ಆತನನ್ನು ನೋಡಿ ಗ್ರಾಹಕರು ಕೈ ಬೀಸುವ ಮೂಲಕ ಅವನನ್ನು ಕರೆದು ತಮ್ಮ ಸರಕನ್ನು ಆತನಿಂದ ಪಡೆದುಕೊಳ್ಳುತ್ತಾರೆ. ಈ ವಿಶಿಷ್ಟ ವಿಧಾನದ ಮೂಲಕ ಕೇವಲ 15 ನಿಮಿಷಗಳಲ್ಲಿ ಗ್ರಾಹಕರಿಗೆ ಉತ್ಪನ್ನಗಳನ್ನು ತಲುಪಿಸಲಾಗುತ್ತದೆ ಎಂದು ಹೇಳಲಾಗುತ್ತಿದೆ. ಈ ಆನ್‌ಲೈನ್ ಶಾಪಿಂಗ್ ಕಂಪನಿಯ ಹೆಸರು ನೂನ್ ಎಂದು ಹೇಳಲಾಗಿದೆ. ಇದು ಸೌದಿ ಅರೇಬಿಯಾದ ಇ-ಕಾಮರ್ಸ್ ಕಂಪನಿಯಾಗಿದೆ.

ಇದನ್ನೂ ಓದಿ-ಗುಂಡಿಗೆ ಗಟ್ಟಿ ಇರುವವರಿಗಾಗಿ ಮಾತ್ರ....! 2024ರ ಬಾಬಾ ವೆಂಗಾ ನುಡಿದ ಭಯಾನಕ ಭವಿಷ್ಯ ನಿದ್ದೆಗೆಡಿಸುವಂತಿದೆ!

ಈ ವೀಡಿಯೊವನ್ನು ಶಾಪಿಂಗ್ ಕಂಪನಿ 'ನೂನ್' ಸ್ವತಃ ತನ್ನ ಅಧಿಕೃತ ಐಡಿ noon_uae ಮೂಲಕ ಸಾಮಾಜಿಕ ಮಾಧ್ಯಮ ವೇದಿಕೆ  Instagram ನಲ್ಲಿ ಹಂಚಿಕೊಂಡಿದೆ, ಇದನ್ನು ಇದುವರೆಗೆ 12 ಮಿಲಿಯನ್ ಅಂದರೆ 1.2 ಕೋಟಿ ಬಾರಿ ವೀಕ್ಷಿಸಲಾಗಿದೆ, ಆದರೆ 4 ಲಕ್ಷಕ್ಕೂ ಹೆಚ್ಚು ಜನರು ವೀಡಿಯೊವನ್ನು ಇಷ್ಟಪಟ್ಟಿದ್ದಾರೆ. ಮತ್ತು ವಿವಿಧ ರೀತಿಯ ಪ್ರತಿಕ್ರಿಯೆಗಳನ್ನು ಸಹ ನೀಡುತ್ತಿದ್ದಾರೆ.

ಇದನ್ನೂ ಓದಿ-ನೀವು ಎಂದಾದರೂ 'ಪಾರ್ಲೆ ಜಿ ಆಲೂ ಪಕೋಡಾ' ತಿಂಡಿದ್ದೀರಾ? ಮಹಿಳೆ ರೆಸೆಪಿ ಹಂಚಿಕೊಳ್ಳುತ್ತಲೇ ವಿಡಿಯೋ ಸಕತ್ ವೈರಲ್...!

ವಿಡಿಯೋ ನೋಡಿ

View this post on Instagram

A post shared by noon (@noon_uae)

ಈ ವಿಡಿಯೋಗೇ ಪ್ರತಿಕ್ರಿಯೆಯಿಸಿರುವ ಓರ್ವ ಬಳಕೆದಾರ, 'ನಾನು ಭಾರತದಿಂದ ಬಂದಿದ್ದೇನೆ, ಸರಕುಗಳನ್ನು ಇಲ್ಲಿಗೆ ತಲುಪಿಸಬಹುದೇ?' ಎಂದು ಕೇಳುತ್ತಿದ್ದಾರೆ, 'ಇಂತಹ ಕೆಲಸಕ್ಕೆ ನಾವು ಎಲ್ಲಿ ಅರ್ಜಿ ಸಲ್ಲಿಸಬೇಕು' ಎಂದು ಮತ್ತೊಬ್ಬ ಬಳಕೆದಾರರು ಪ್ರಶ್ನಿಸುತ್ತಿದ್ದಾರೆ. ಮೂರನೇ ಬಳಕೆದಾರ 'ನನಗೆ ಈ ಡೆಲಿವರಿ ಬಾಯ್‌ನ ಕೆಲಸ ತುಂಬಾ ಮೆಚ್ಚುಗೆಯಾಗಿದೆ' ಎಂದು ಬರೆದಿದ್ದರೆ, ಇನ್ನೊಬ್ಬ ಬಳಕೆದಾರರು ಇದನ್ನು ಎಡಿಟಿಂಗ್ ಮೂಲಕ ಮಾಡಿದ ವೀಡಿಯೊ ಎಂದು ಕರೆದಿದ್ದಾರೆ.

ಇದನ್ನೂ ನೋಡಿ-