Viral Video:​ ಸೀಲಿಂಗ್ ಫ್ಯಾನ್‌ನಲ್ಲಿ ಹೆಡೆ ಎತ್ತಿ ರೌಂಡ್‌ ಹಾಕಿದ ನಾಗರ ಹಾವು!

ನವದೆಹಲಿ: ಸೋಷಿಯಲ್‌ ಮೀಡಿಯಾದಲ್ಲಿ ಪ್ರತಿದಿನ ಹಲವಾರು ವಿಡಿಯೋಗಳು ವೈರಲ್‌ ಆಗುತ್ತವೆ. ಈ ಪೈಕಿ ಕೆಲವು ವಿಡಿಯೋಗಳು ಹಾಸ್ಯದ ಕಚಗುಳಿ ನೀಡಿದ್ರೆ, ಇನ್ನೂ ಕೆಲವು ವಿಡಿಯೋಗಳು ಭಯಾನಕವಾಗಿರುತ್ತವೆ. ಅಪಾಯಕಾರಿ ಪ್ರಾಣಿಗಳು ಮತ್ತು ವಿಷಕಾರಿ ಸರಿಸೃಪಗಳ ವಿಡಿಯೋಗಳು ಸಹ ಜನರ ಗಮನ ಸೆಳೆಯುತ್ತವೆ. ಇದಕ್ಕೆ ನಿದರ್ಶನವೆಂಬಂತೆ ಇಂಟರ್ನೆಟ್‌ನಲ್ಲಿ ಮತ್ತೊಂದು ವಿಡಿಯೋ ವೈರಲ್‌ ಆಗಿದೆ. 

ಸದ್ಯ ವೈರಲ್‌ ಆಗಿರುವ ಈ ವಿಡಿಯೋದಲ್ಲಿ ಮನೆಯ ಸೀಲಿಂಗ್‌ ಫ್ಯಾನ್‌ನಲ್ಲಿ ನಾಗರ ಹಾವೊಂದು ಸುರಳಿ ಸುತ್ತಿ ಕುಳಿತುಕೊಂಡಿದೆ. ವರ್ಕ್‌ ಆಗದ ಹಳೆಯ ಸೀಲಿಂಗ್‌ ಫ್ಯಾನ್‌ ಮೇಲೆ ಹಾವು ಹೋಗಿದೆ. ಆ ಕಡೆ ಈ ಕಡೆ ಸರಿದಾಡಿದ ಪರಿಣಾಮ ಸೀಲಿಂಗ್‌ ಫ್ಯಾನ್‌ ತಿರುಗಲು ಪ್ರಾರಂಭಿಸಿದೆ. ಈ ವೇಳೆ ಹಾವು ತನ್ನ ಹೆಡೆ ಎತ್ತಿ ಸುಮ್ಮನೆ ಕುಳಿತುಕೊಂಡಿದೆ. 

ಇದನ್ನೂ ಓದಿ: ಮಧ್ಯಂತರ ಬಜೆಟ್ 2024: ರಕ್ಷಣಾ ಸಾಮರ್ಥ್ಯ ಮತ್ತು ಮೂಲಭೂತ ಸೌಕರ್ಯಗಳ ವರ್ಧನೆ

ನಾಗರ ಹಾವು ಚಲಿಸಿದ ಪರಿಣಾಮ ಫ್ಯಾನಿಗೆ ಅದರ ತೂಕ ಹೆಚ್ಚಾಗಿ ತಿರುಗಲು ಪ್ರಾರಂಭಿಸಿದೆ. ಒಂದು ಹಂತದಲ್ಲಿ ಕಿಂಗ್ ಕೋಬ್ರಾದ ತೂಕಕ್ಕೆ ಫ್ಯಾನ್ ಬೀಳುವಂತಿತ್ತು. 5 ದಿನಗಳ ಹಿಂದಷ್ಟೇ chandrasekaran6102 ಎಂಬ Instagram ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಈ ವಿಡಿಯೋ 2 ಮಿಲಿಯನ್ ವೀಕ್ಷಣೆ ಕಂಡಿದೆ. ಸಾವಿರಾರು ಜನರು ಈ ವಿಡಿಯೋವನ್ನು ಲೈಕ್‌ ಮಾಡಿದ್ದು, ಅನೇಕರು ಶೇರ್‌ ಕೂಡ ಮಾಡಿದ್ದಾರೆ.

ವಿಡಿಯೋ ನೋಡಿದ ಬಹುತೇಕರು ನಾಗರ ಹಾವು ಕಂಡು ಹೌಹಾರಿದ್ದಾರೆ. ವಿವಿಧ ರೀತಿಯಲ್ಲಿ ಕಾಮೆಂಟ್‌ ಸಹ ಮಾಡಿದ್ದಾರೆ. ಇನ್ನೂ ಕೆಲವರು ನಾಗಪ್ಪನಿಗೆ ಭಕ್ತಿಯಿಂದ ನಮಸ್ಕರಿಸಿದ್ದಾರೆ. ಸದ್ಯ ಈ ವಿಡಿಯೋ ಇಂಟರ್ನೆಟ್‌ನಲ್ಲಿ ಸಖತ್‌ ಸೌಂಡ್‌ ಮಾಡುತ್ತಿದೆ. 

ಇದನ್ನೂ ಓದಿ: 2024ರ ಲೋಕಸಭಾ ಚುನಾವಣೆಗೆ ಮುನ್ನವೇ ಮತ್ತೊಬ್ಬ ಸೂಪರ್ ಸ್ಟಾರ್ ರಾಜಕೀಯಕ್ಕೆ ಎಂಟ್ರಿ...!

View this post on Instagram

A post shared by Chandrasekaran (@chandrasekaran6102)