Viral Video : ಸೋಷಿಯಲ್‌ ಮಿಡಿಯಾ ಅವಾಂತರ; ಸ್ಲೀಪರ್ ಕೋಚ್​ನಲ್ಲಿಯೂ ರೀಲಿಗರ ಹಾವಳಿ..ಕಿಡಿಕಾರಿದ ನೆಟ್ಟಿಗರು

Viral Video in Train : ಮೆಟ್ರೋ, ರೈಲು ಸೇರಿದಂತೆ ಸಾರ್ವಜನಿಕ ಸ್ಥಳಗಳಲ್ಲಿ ರೀಲಿಗರ ಹುಚ್ಚಾಟಕ್ಕೆ ಮಿತಿಯೇ ಇಲ್ಲದಂತಾಗಿದೆ. ತಮ್ಮ ಲೋಕದಲ್ಲಿಯೇ ಮುಳುಗಿರುವ ಅವರಿಗೆ ಬುದ್ಧಿ ಹೇಳಿಹೇಳಿ ನೆಟ್ಟಿಗರೇ ಬೇಸೊತ್ತಿದ್ದಾರೆ. ಆಗ ರೈಲು ಹತ್ತಿದರೆ ಭಿಕ್ಷುಕರು ಈಗ ರೀಲಿಗರು. ಇದೊಂದು ಬಗೆಹರಿಯದ ದೊಡ್ಡ ಸಮಸ್ಯೆಯಂತೆ ಪರಿಣಮಿಸುತ್ತಿದೆ.

ವೈರಲ್‌ ಆಗುತ್ತಿರುವ ವಿಡಿಯೋದಲ್ಲಿ ಸ್ಲೀಪರ್ ಕೋಚ್​ನಲ್ಲಿ ಯುವತಿಯೊಬ್ಬಳು ರೀಲ್‌ಗಾಗಿ ಡಾನ್ಸ್‌ ಮಾಡಿದ್ದಾಳೆ. ಇದು ನೆಟ್ಟಿಗರನ್ನು ಕೆರಳಿಸಿದೆ. ಹೌದು ವಿಡಿಯೋ ನೋಡಿದ ಎಲ್ಲರೂ "ಈಕೆಗೆ ಯಾರಾದರೂ ಐದು ರೂಪಾಯಿ ಭಿಕ್ಷೆ ಹಾಕಿ, ಪಕ್ಕದಲ್ಲಿರುವ ಹುಡುಗ ಕಿವಿಗೆ ಇಯರ್ ಫೋನ್ ಹಾಕಿಕೊಂಡಿರುವುದಕ್ಕೆ ಪಾರು, ಡಾನ್ಸ್‌ ಮಾಡಲು ಅದು ಸೂಕ್ತ ಸ್ಥಳವಲ್ಲ ಕನಮ್ಮ" ಎಂದೆಲ್ಲಾ ಪ್ರತಿಕ್ರಿಯಿಸಿದ್ದಾರೆ. 

View this post on Instagram

A post shared by Seema Kanojiya (@seemakanojiya87)

ಇದನ್ನೂ ಓದಿ-Viral Video : ಸ್ಕೈಡೈವ್ ಮಾಡುವ ಮೂಲಕ ಮದುವೆಯಾಗಿ ಗುಂಡಿಗೆ ಬಿದ್ದ ಜೋಡಿ..ಹೇಗಿದೆ ನೋಡಿ ಥ್ರಿಲ್ಲಿಂಗ್​ ವೆಡ್ಡಿಂಗ್  

ಇನ್ನೂ ಕೆಲವರು ರೀಲಿಗರಿಗೆ ಸಾರ್ವಜನಿಕ ಸ್ಥಳವೇ ಬೇಕಾ..? ರಸ್ತೆ, ಸಂತೆ, ಬಸ್ಸು, ಟ್ರೇನು, ಏರೋಪ್ಲೇನು, ಗುಡ್ಡಬೆಟ್ಟ, ಶಾಲೆ, ದೇವಸ್ಥಾನ ಯಾವ ಜಾಗಗಳೂ ನಿಮಗೆ ಸಾಕಾಗುತ್ತಿಲ್ಲವೇ..? ಎಂದು ಪ್ರಶ್ನಿಸಿದ್ದಾರೆ. 

ಈ ರೀಲಿಗರ ಹಾವಳಿಗೆ ರೈಲುಪ್ರಯಾಣದ ಸೊಗಸೇ ಮಾಸುತ್ತಿದೆ ಎಂದು ಕೆಲವರು ಬೇಸರಗೊಂಡಿದ್ದಾರೆ. ಏನೇ ಮಾಡಿಕೊಳ್ಳಲಿ ಸಾರ್ವಜನಿಕ ಸ್ಥಳಗಳಲ್ಲಿ ಬೇಡ ಮತ್ತು ಯಾರಿಂದಲೂ ಯಾರಿಗೂ ತೊಂದರೆಯಾಗುವುದ ಬೇಡ ಎಂದು ಮತ್ತೊಬ್ಬರು ಕಾಮೆಂಟ್‌ಮಾಡುವ ಮೂಲಕ ಸಾಮಾಜಿಕ ಕಳಕಳಿಯನ್ನು ವ್ಯಕ್ತಪಡಿಸಿದ್ದಾರೆ.