Bride Groom Video: ವಧು-ವರರನ್ನು ರಾಕೆಟ್‌ನಲ್ಲಿ ಕಳುಹಿಸಿದಾಗ... ವಾಚ್ ವೈರಲ್ ವಿಡಿಯೋ

Bride Groom Viral Video: ಸಾಮಾಜಿಕ ಜಾಲತಾಣದ ಆಗಮನದ ಬಳಿಕ ವಿಭಿನ್ನವಾದ ವಿಡಿಯೋಗಳನ್ನು ನೋಡಲು ಅವಕಾಶ ಸಿಕ್ಕಿದೆ. ಅವುಗಳಲ್ಲಿ ಮದುವೆ ಸೀಸನ್ ಮಾತ್ರವಲ್ಲದೆ ಎಲ್ಲಾ ಸಮಯದಲ್ಲೂ ವಧು-ವರರಿಗೆ ಸಂಬಂಧಿಸಿದ ವಿಡಿಯೋಗಳು ಕೂಡ ಸಖತ್ ವಿರಲ್ ಆಗುತ್ತಲೇ ಇರುತ್ತವೆ. ಇದೀಗ ನವ ವಿವಾಹಿತರು ರಾಕೆಟ್‌ನಲ್ಲಿ ತೆರಳುವ ವಿಡಿಯೋ ವೈರಲ್ ಆಗುತ್ತಿದೆ. 

ವಾಸ್ತವವಾಗಿ, ಮದುವೆಯಾದ ಬಳಿಕ ಅನುಕೂಲ ಇರುವವರು ತಮ್ಮ ಅಳಿಯನಿಗೆ ಹೊಸ ವಾಹನವನ್ನು ಉಡುಗೊರೆಯಾಗಿ ನೀಡಿ ಅದೇ ವಾಹನದಲ್ಲಿ ವಧು-ವರರಿಬ್ಬರಿಗೂ ಬೀಳ್ಗೊಡುತ್ತಾರೆ. ಆದರೆ, ಇಲ್ಲೊಂದು ಕಡೆ ರಾಕೆಟ್ ಮೇಲೆ ವಧು-ವರರನ್ನು ನಿಲ್ಲಿಸಿ ಅದಕ್ಕೆ ಬೆಂಕಿ ಹಚ್ಚಲಾಗಿದೆ. 

ಇದನ್ನೂ ಓದಿ- Viral Video: ವಧು-ವರರಿಬ್ಬರೂ ಇನ್ನೇನು ಹಾರ ಬದಲಿಸಬೇಕು ಅಷ್ಟರಲ್ಲೇ ಸ್ನೇಹಿತನ ಎಂಟ್ರಿ, ಮುಂದೇನಾಯ್ತು! 

ಹೌದು, ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಮದುವೆ ಸಂಬಂಧಿತ ಈ ವಿಡಿಯೋದಲ್ಲಿ ವಧುವಿನ ಸಂಬಂಧಿಕರು ಬಹಳ ದುಃಖದಿಂದ ವಧುವನ್ನು ವರನೊಂದಿಗೆ ಮೊದಲ ಬಾರಿಗೆ ಕಳುಹಿಸುತ್ತಿದ್ದಾರೆ. ಈ ಸಂದರ್ಭದಲ್ಲಿ ಕಾರ್, ವಿಮಾನದ ವ್ಯವಸ್ಥೆ ಬದಲಿಗೆ ರಾಕೆಟ್ ವ್ಯವಸ್ಥೆ ಮಾಡಲಾಗಿದೆ. 

ಬಹಳ ತಮಾಷಾದಾಯಕವಾಗಿರುವ ಈ ವಿಡಿಯೋದಲ್ಲಿ ಮೊದಲಿಗೆ ಮದುವೆಯ ಗಂಡು ರಾಕೆಟ್ ಮುಂದೆ ನಿಂತಿರುತ್ತಾನೆ. ಬಳಿಕ ವರನ ಹಿಂದೆಯೇ ಮದುವೆ ಹುಡುಗಿಯನ್ನು ನಿಲ್ಲಿಸಿ ಹಿಂಬದಿಯಿಂದ ಕಿಡಿ ಹತ್ತಿಸಲಾಗುತ್ತದೆ. ಕೂಡಲೇ ರಾಕೆಟ್ ಉಡಾವಣೆಗೊಳ್ಳುತ್ತದೆ. ವಧು-ವರರಿಬ್ಬರೂ ಮೇಲೆ ಹಾರುತ್ತಾ ಕೆಳಗಿದ್ದವರಿಗೆ ಕೈ ಬೀಸುತ್ತಿದ್ದಾರೆ. 

@TheFigen_ ಹೆಸರಿನ X ಹ್ಯಾಂಡಲ್‌ನಲ್ಲಿ ವಧು-ವರರ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ವಾಸ್ತವವಾಗಿ,  ಅತ್ಯುತ್ತಮ ಎಡಿಟಿಂಗ್ ಮೂಲಕ ಈ ವಿಡಿಯೋವನ್ನು ಸಿದ್ಧಪಡಿಸಲಾಗಿದೆ. ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದ್ದು, ಕೆಲವರು ಕಾಮೆಂಟ್ ಕೂಡ ಮಾಡುತ್ತಿದ್ದಾರೆ. 

ಎಕ್ಸ್ ಬಳಕೆದಾರರೊಬ್ಬರು, ನವ ವಧು-ವರರು ರಾಕೆಟ್ ಹತ್ತಿ ಹೋದ ಮುಂದಿನ ಭಾಗವನ್ನು ತೋರಿಸಬಹುದೇ ಎಂದು ಪ್ರಶ್ನಿಸಿದ್ದಾರೆ. ಇನ್ನೊಬ್ಬ ಬಳಕೆದಾರರು ಇಬ್ಬರೂ ಸುರಕ್ಷಿತವಾಗಿ ಮನೆ ಸೇರಿದ್ದಾರೆಯೇ ಎಂದು ಕೇಳಿದ್ದಾರೆ. ಮತ್ತೊರ್ವ ಬಳಕೆದಾರದು ಇದೊಂದು ಸೃಜನಾತ್ಮಕ ವಿವಾಹ ಎಂದು ಬರೆದಿದ್ದಾರೆ.