ಅಮೆರಿಕ: ವಾಷಿಂಗ್ಟನ್ ಡಿಸಿಯಲ್ಲಿ ಬಂದೂಕುಧಾರಿಗಳಿಂದ ಗುಂಡಿನ ಕಾಳಗ

ವಾಷಿಂಗ್ಟನ್ ಡಿಸಿ: ಗುರುವಾರ ರಾತ್ರಿ ವಾಷಿಂಗ್ಟನ್ ಡಿ.ಸಿ ಯ ಬೀದಿಗಳಲ್ಲಿ ಗುಂಡಿನ ಚಕಮಕಿ ನಡೆದಿದ್ದು, ಹಲವಾರು ಜನರಿಗೆ ಗುಂಡು ಹಾರಿಸಲಾಗಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ಅಮೆರಿಕದ ರಾಜಧಾನಿ ವಾಷಿಂಗ್ಟನ್ ಡಿಸಿಯಲ್ಲಿ ಗುಂಡು ಹಾರಿಸಿದ ವರದಿಗಳಿವೆ. ಅಮೆರಿಕದ ವಾಷಿಂಗ್ಟನ್ ಡಿಸಿಯಲ್ಲಿ ಅನೇಕ ಜನರಿಗೆ ಗುಂಡು ಹಾರಿಸಲಾಗಿದೆ ಸ್ಥಳೀಯ ಮಾಧ್ಯಮ ವರದಿಗಳನ್ನು ಉಲ್ಲೇಖಿಸಿ ರಾಯಿಟರ್ಸ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಘಟನೆಯಲ್ಲಿ ಆರು ಜನರಿಗೆ ಗುಂಡು ಹಾರಿಸಲಾಗಿದೆ ಎಂದು ಸ್ಥಳೀಯ ಟಿವಿ ಸ್ಟೇಷನ್ ಫಾಕ್ಸ್ -5 ಪೊಲೀಸರನ್ನು ಉಲ್ಲೇಖಿಸಿ ವರದಿ ಮಾಡಿದೆ.

ಎಬಿಸಿ ಅಂಗಸಂಸ್ಥೆ ಡಬ್ಲ್ಯುWJLA-TV ಆಂಬುಲೆನ್ಸ್‌ಗಳ ದೃಶ್ಯಗಳನ್ನು ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿ, ಬಲಿಪಶುಗಳನ್ನು ಘಟನಾ ಸ್ಥಳದಿಂದ ಕರೆದೊಯ್ಯುತ್ತಿದೆ ಮತ್ತು ನಗರದ ಡೌನ್ಟೌನ್‌ನ ಉತ್ತರದ 14 ಮತ್ತು ಕೊಲಂಬಿಯಾ ಬೀದಿಗಳಲ್ಲಿ “ಬೃಹತ್” ಪೊಲೀಸ್ ಪ್ರತಿಕ್ರಿಯೆ ಬಂದಿದೆ ಎಂದಿದೆ.

ಅಮೆರಿಕದಲ್ಲಿ ಗುಂಡಿನ ದಾಳಿ ನಡೆಯುತ್ತಿರುವ ಬಗ್ಗೆ ನಿರಂತರ ವರದಿಗಳಿವೆ. ಕಳೆದ ತಿಂಗಳು, ಪಶ್ಚಿಮ ಚಿಕಾಗೋದ ಬೀದಿ ಪಾರ್ಟಿಯಲ್ಲಿ ಹಾಜರಿದ್ದ 100 ಕ್ಕೂ ಹೆಚ್ಚು ಜನರ ಗುಂಪಿನ ಮೇಲೆ ಬಂದೂಕುಧಾರಿ ನಿರ್ದಾಕ್ಷಿಣ್ಯವಾಗಿ ಗುಂಡು ಹಾರಿಸಿದ. ಈ ಘಟನೆಯಲ್ಲಿ 6 ಜನರು ಗಾಯಗೊಂಡಿದ್ದಾರೆ. ಬಳಿಕ ಪಾರ್ಟಿಯಲ್ಲಿ ಜಗಳ ಆರಂಭವಾದ ಕಾರಣ, ನಂತರ ಗುಂಪಿನಲ್ಲಿದ್ದ ಕೆಲವರು ಸೆಡಾನ್‌ನಿಂದ ಗುಂಡು ಹಾರಿಸಲಾರಂಭಿಸಿದರು ಎಂದು ಹೇಳಲಾಗಿತ್ತು.