Coronavirus ಸಂಕಷ್ಟದ ನಡುವೆಯೇ ಭರವಸೆಯ ಹೇಳಿಕೆ ನೀಡಿದ AstraZeneca

ಲಂಡನ್: ಕೊರೊನಾವೈರಸ್ ಲಸಿಕೆ ತಯಾರಿಸುವ ಅಸ್ಟ್ರಾಜೆನೆಕಾ (AstraZeneca) ಕಂಪನಿಯು ಭಾರಿ ಭರವಸೆ ಮೂಡಿಸುವ ಹೇಳಿಕೆಯನ್ನು ನೀಡಿದೆ. COVID-19 ಲಸಿಕೆ ಪ್ರಯೋಗದ ಅಂತಿಮ ಹಂತದ ಫಲಿತಾಂಶಗಳು ಹೆಚ್ಚು ಪರಿಣಾಮಕಾರಿಯಾಗಿವೆ ಎಂದು ಎಂದು ಅಸ್ಟ್ರಾಜೆನೆಕಾ ಹೇಳಿಕೊಂಡಿದೆ. ಕರೋನಾ ವೈರಸ್ ತಡೆಗಟ್ಟುವಲ್ಲಿ ಲಸಿಕೆಯ ಸಣ್ಣ ಪ್ರಮಾಣದ ಡೋಸ್ ಕೂಡ ಹೆಚ್ಚು ಪರಿಣಾಮಕಾರಿ ತೋರಿಸಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಇದನ್ನು ಓದಿ- ಡಿಸೆಂಬರ್ 2020 ರ ವೇಳೆಗೆ ಭಾರತಕ್ಕೆ 100 ಮಿಲಿಯನ್ ಅಸ್ಟ್ರಾಜೆನೆಕಾದ COVID-19 ಲಸಿಕೆ

ಲಸಿಕೆಯ ಅರ್ಧ ಡೋಸ್ ಕೂಡ ಪರಿಣಾಮಕಾರಿಯಾಗಿದೆ
ಅಸ್ಟ್ರಾಜೆನಿಕಾ ಹಾಗೂ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯ ಅಭಿವೃದ್ಧಿಪಡಿಸಿರುವ ವ್ಯಾಕ್ಸಿನ್ ಕ್ಲಿನಿಕಲ್ ಟ್ರಯಲ್ ಗಳಲ್ಲಿ ಕೊರೊನಾ ಸೋಂಕನ್ನು ತಡೆಗಟ್ಟುವಲ್ಲಿ ಶೇ.70 ರಷ್ಟು ಪರಿಣಾಮಕಾರಿ ಎಂದು ಸಾಬೀತಾಗಿದೆ. ಈ ಕುರಿತು ಹೇಳಿಕೆ ನೀಡಿರುವ ವಿಜ್ಞಾನಿ ಡಾ. ಆಂಡ್ರ್ಯೂ ಪೋಲಾರ್ಡ್ ವಿಜ್ಞಾನಿಗಳು ಫಲಿತಾಂಶಗಳಿಂದ ತುಂಬಾ ಸಂತುಷ್ಟರಾಗಿದ್ದಾರೆ ಎಂದಿದ್ದಾರೆ. ಲಸಿಕೆಯ ಎರಡು ಡೋಸ್ ನೀಡುವ ಬದಲು ಈ ಲಸಿಕೆಯ ಅರ್ಧ ಡೋಸ್ ನೀಡಿದರೂ ಕೂಡ ಇದು ಶೇ.90 ರಷ್ಟು ಪರಿಣಾಮಕಾರಿ ಎಂಬುದನ್ನು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.

ಇದನ್ನು ಓದಿ-ಅಸ್ಟ್ರಾಜೆನೆಕಾ COVID-19 ಪ್ರಾಯೋಗಿಕ ಲಸಿಕೆ ಸೇವಿಸಿದ ವ್ಯಕ್ತಿ ಸಾವು

ಫೈಜರ್ ಹಾಗೂ ಮಾಡರ್ನಾ ಕೂಡ ಭರವಸೆ ವ್ಯಕ್ತಪಡಿಸಿವೆ
ನಮ್ಮ ಬಳಿ ಹಲವು ಜೀವಗಳನ್ನು ಉಳಿಸುವ ಪರಿಣಾಮಕಾರಿ ಲಸಿಕೆ ಇದೆ ಎಂದು ಈ ಪ್ರಯೋಗಗಳ ನಿಷ್ಕರ್ಷಗಳು ಸಾಬೀತುಪಡಿಸಿವೆ ಎಂದು ಅಸ್ಟ್ರಾಜೆನೆಕಾ ಹೇಳಿದೆ. ಕಳೆದ ವಾರ ಇತರೆ ಎರಡು ಔಷಧಿ ತಯಾರಕ ಕಂಪನಿಗಳಾದ ಫೈಜರ್ ಹಾಗೂ ಮಾಡರ್ನಾ ಕೂಡ ತಮ್ಮ ಕೊವಿಡ್ 19 ಲಸಿಕೆ ಶೇ.95 ರಷ್ಟು ಪರಿಣಾಮಕಾರಿಯಾಗಿವೆ ಎಂದು ಹೇಳಿಕೊಂಡಿದೆ.