Coronavirus : ಎರಡು ವಾರಗಳಲ್ಲಿ ಮಕ್ಕಳಲ್ಲಿ 32% ರಷ್ಟು ಕೋವಿಡ್ -19 ಪ್ರಕರಣಗಳ ಹೆಚ್ಚಳ

ವಾಷಿಂಗ್ಟನ್ : ಅಮೆರಿಕನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ (American Academy of Pediatrics)ಸೋಮವಾರ ಪ್ರಕಟಿಸಿದ ಹೊಸ ಅಂಕಿ-ಅಂಶಗಳ ಪ್ರಕಾರ, ಮಕ್ಕಳಲ್ಲಿ Covid-19 ಪ್ರಕರಣಗಳು ಎರಡು ವಾರಗಳಲ್ಲಿ 32% ಹೆಚ್ಚಾಗಿದೆ.

ನವೆಂಬರ್ 18 ಕ್ಕೆ ಕೊನೆಗೊಳ್ಳುವ ವಾರದಲ್ಲಿ, ಮಕ್ಕಳು ಪ್ರಕರಣಗಳಲ್ಲಿ ಅಸಮಾನ ಪಾಲನ್ನು ಹೊಂದಿದ್ದಾರೆ. ಕಳೆದ ವಾರದಿಂದ ಎಲ್ಲಾ ಹೊಸ COVID -19 ಪ್ರಕರಣಗಳಲ್ಲಿ ಕಾಲು ಭಾಗಕ್ಕಿಂತ ಹೆಚ್ಚು ಮಕ್ಕಳಲ್ಲಿ ಕಂಡು ಬಂದಿದೆ. US ಜನಸಂಖ್ಯೆಯ 22% ದಷ್ಟು ಮಕ್ಕಳಿದ್ದಾರೆ. 

ಇದನ್ನೂ ಓದಿ : 25 ಪೈಸೆ ನಾಣ್ಯ ನಿಮ್ಮ ಬಳಿಯಿದ್ದರೆ ಬರೀ ಒಂದು ಕ್ಲಿಕ್ ಮೂಲಕ ಆಗಬಹುದು ಲಕ್ಷಾಧಿಪತಿ

2020ರ ಆರಂಭದಲ್ಲಿ ಯುಎಸ್‌ನಲ್ಲಿ ದೃಢಪಡಿಸಿದ ಪ್ರಕರಣಗಳಲ್ಲಿ ಮಕ್ಕಳು 3% ಕ್ಕಿಂತ ಕಡಿಮೆಯಿದ್ದರು. ಸಾಂಕ್ರಾಮಿಕ ರೋಗವು ಪ್ರಾರಂಭವಾದಾಗಿನಿಂದ, 6.8 ದಶಲಕ್ಷಕ್ಕೂ ಹೆಚ್ಚು ಮಕ್ಕಳಳಲ್ಲಿ ಕೋವಿಡ್ -19 ಗೆ ಪಾಸಿಟಿವ್ ಕಂಡು ಬಂದಿದೆ.  (Covid-19 cases in children) 

ಲಕ್ಷಾಂತರ ಜನರು ಇನ್ನೂ ಲಸಿಕೆ (Covid-19 vaccine) ಹಾಕದಿರುವ ಕಾರಣ, ಪ್ರಕಣ ಹೆಚ್ಚಲು ಕಾರಣವಾಗಿದೆ. ಈ ವೈರಸ್ ಲಸಿಕೆ ಹಾಕದ ಜನರನ್ನು ಮತ್ತಷ್ಟು ದುರ್ಬಲಗೊಳಿಸುತ್ತದೆ. ಲಸಿಕೆ (Vaccine) ಹಾಕಿದ ಜನರಲ್ಲಿ ಸೋಂಕು ಹರಡುತ್ತದೆ. ಏಕೆಂದರೆ ಯಾವುದೇ ಲಸಿಕೆ 100% ಪರಿಣಾಮಕಾರಿಯಲ್ಲ ಎಂದು ಯುಎಸ್ ರಾಷ್ಟ್ರೀಯ ಅಲರ್ಜಿ ಮತ್ತು ಸಾಂಕ್ರಾಮಿಕ ರೋಗಗಳ ಸಂಸ್ಥೆಯ ನಿರ್ದೇಶಕ ಡಾ.ಆಂಥೋನಿ ಫೌಸಿ, ಹೇಳಿದ್ದಾರೆ. 

ವಯಸ್ಕರಿಗೆ ಹೋಲಿಸಿದರೆ ಮಕ್ಕಳು ಕೋವಿಡ್ -19 ನೊಂದಿಗೆ  (COVID-19 in children) ಆಸ್ಪತ್ರೆಗೆ ದಾಖಲಾಗುವ ಸಾಧ್ಯತೆ ಇನ್ನೂ ಕಡಿಮೆಯಿದೆ. ಆದರೆ ಕೋವಿಡ್ -19 ಗಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಬೇಕಾದವರಲ್ಲಿ 1.7% ಮತ್ತು 4.0% ರಷ್ಟು ಮಕ್ಕಳು ಇದ್ದಾರೆ. ಇದು ಸಾಂಕ್ರಾಮಿಕದ ಉದ್ದಕ್ಕೂ ತುಲನಾತ್ಮಕವಾಗಿ ಸ್ಥಿರವಾಗಿ ಉಳಿದಿದೆ. 

ಇದನ್ನೂ ಓದಿ : ಡಿಸೆಂಬರ್ 1 ರಿಂದ ದುಬಾರಿಯಾಗಲಿದೆ SBI ವಹಿವಾಟು, ಎಷ್ಟು ಹೆಚ್ಚಾಗಲಿದೆ Charges

ಕೋವಿಡ್ -19 ಪ್ರಕರಣಗಳಲ್ಲಿ 0.00% - 0.25% ಮಕ್ಕಳ ಸಾವು ಸಂಭವಿಸಿದೆ ಎಂದು ವರದಿ ತಿಳಿಸಿದೆ. ಆದರೆ ಸಾಂಕ್ರಾಮಿಕ ರೋಗ ಪ್ರಾರಂಭವಾದಾಗಿನಿಂದ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಕೋವಿಡ್ -19 ನಿಂದ 939 ಮಕ್ಕಳು ಸಾವನ್ನಪ್ಪಿದ್ದಾರೆ ಎಂದು ಯುಎಸ್ ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್ ತಿಳಿಸಿದೆ.

ಕೈಸರ್ ಫ್ಯಾಮಿಲಿ ಫೌಂಡೇಶನ್ ನಡೆಸಿದ ಸಮೀಕ್ಷೆಯ ಪ್ರಕಾರ, ಮೂರನೇ ಎರಡರಷ್ಟು ಪೋಷಕರು ತಮ್ಮ ಮಕ್ಕಳಿಗೆ ಲಸಿಕೆ ಹಾಕಲು ನಿರಾಕರಿಸುತ್ತಿದ್ದಾರೆ ಎಂದು ತೋರಿಸಿದೆ.