ಕೊರೊನಾ ಪ್ರತಿರೋಧದ ಕಡೆಗೆ ಮಕ್ಕಳನ್ನು ಸುರಕ್ಷಿತವಾಗಿ ಕಾಪಾಡಲು ಅಗತ್ಯವಿರುವ ಮುಖ್ಯ ಸಲಹೆಗಳು

Virus: ಪ್ರಪಂಚದಾದ್ಯಂತ ಕೊರೊನಾ ಪ್ರಕರಣಗಳು ವ್ಯಾಪಕವಾಗಿ ಹರಡುತ್ತಿವೆ. ಈ ಹಠಾತ್ ಹೆಚ್ಚಳಕ್ಕೆ ಕೊರೊನಾ ಜೆಎನ್.1 ರೂಪಾಂತರವೇ ಕಾರಣ ಎಂದು ತಜ್ಞರು ಹೇಳುತ್ತಾರೆ. ಇಂತಹ ಪರಿಸ್ಥಿತಿಯಲ್ಲಿ ನಮ್ಮನ್ನ ನಾವು ಸುರಕ್ಷಿತವಾಗಿರಿಸಿಕೊಳ್ಳುವ ಜೊತೆಗೆ ಮಕ್ಕಳನ್ನ ಸುರಕ್ಷಿತವಾಗಿಡುವುದು ಬಹಳ ಮುಖ್ಯ.

* ಕೈ ತೊಳೆಯುವುದು

ಮಕ್ಕಳಿಗೆ ಪ್ರಮುಖವಾಗಿ ಕೈ ತೊಳೆಯುವ ಅಭ್ಯಾಸ ಮಾಡಿಸಬೇಕು. ಮಕ್ಕಳು ಎಲ್ಲಾ ವಸ್ತುಗಳನ್ನ ಮುಟ್ಟುತ್ತಲೇ ಇರುತ್ತಾರೆ. ಕೈ ತೊಳೆಯದೆ ಇದ್ದರೆ ವೈರಸ್‌ ಮೈಸೇರಿಕೊಳ್ಳುತ್ತದೆ. ಆದ ಕಾರಣ ಮಕ್ಕಳಿಗೆ ಸಾಬೂನಿನಿಂದ ಕೈ ತೊಳೆಯುವ ಅಭ್ಯಾಸ ಮಾಡಿಸೋದು ತುಂಬಾ ಮುಖ್ಯ. ಇದು ಸೋಂಕಿನ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಹಲಸಿನ ಹಣ್ಣಿನ ಬೀಜಗಳ ಸೇವನೆಯಿಂದ ಆಗುವ ಲಾಭ ತಿಳಿದರೆ ಶಾಕ್ ಆಗುತ್ತೀರಿ!

* ಸಮತೋಲಿತ ಆಹಾರ

ಮಕ್ಕಳು ಎಂದರೆ ಹೊರಗಿನ ಜಂಕ್‌ ಫುಡ್‌ ತಿನ್ನಲು ಬಯಸುತ್ತಾರೆ. ಆರೋಗ್ಯಕರ ಆಹಾರ ಎಂದ ಒಡನೇ ಮುಖ ಮುರಿಯುತ್ತಾರೆ. ಅದರೆ ರೋಗದಿಂದ ತಮ್ಮನ್ನ ಕಾಪಾಡಿಕೊಳ್ಳಲು ಹಾಗೂ ಇಮ್ಯೂನಿಟಿ ಹೆಚ್ಚಿಸಲು ಆರೋಗ್ಯಕರ ಆಹಾರ ತಂಬಾ ಮುಖ್ಯ. 

* ಮಾಸ್ಕ್ ಧರಿಸಿ

ಜನಸಂದಣಿ ಅಥವಾ ಸಾರ್ವಜನಿಕ ಸ್ಥಳಗಳಿಗೆ ಹೋಗುವಾಗ ಮಾಸ್ಕ್ ಧರಿಸಬೇಕು. ಮಕ್ಕಳು ಮೂಗು ಮತ್ತು ಬಾಯಿಗೆ ಸರಿಯಾಗಿ ಹೊಂದಿಕೊಳ್ಳುವ ಮಾಸ್ಕ್‌ಗಳನ್ನು ಧರಿಸುವುದನ್ನು ಪೋಷಕರು ಖಚಿತಪಡಿಸಿಕೊಳ್ಳಬೇಕು. 

ಇದನ್ನೂ ಓದಿ: ಅಡುಗೆ ಮನೆಯಲ್ಲಿರುವ ಈ ಮಸಾಲೆ ಪದಾರ್ಥದ ಚಹಾ ಸೇವನೆಯಿಂದಲೂ ಮಧುಮೇಹ ನಿಯಂತ್ರಣಕ್ಕೆ ಬರುತ್ತೆ!

* ಸಾಮಾಜಿಕ ಅಂತರ

ಸಾಮಾಜಿಕ ಅಂತರವೂ ಬಹಳ ಮುಖ್ಯ. ಇತರರಿಂದ ಸುರಕ್ಷಿತ ಅಂತರವನ್ನು ಕಾಯ್ದುಕೊಳ್ಳಲು ಮಕ್ಕಳನ್ನು ಪ್ರೋತ್ಸಾಹಿಸಬೇಕು. ವಿಶೇಷವಾಗಿ ಶಾಲೆ ಅಥವಾ ಸಾರ್ವಜನಿಕ ಸ್ಥಳಗಳಲ್ಲಿ ವೈರಸ್ ಹರಡುವುದನ್ನು ಕಡಿಮೆ ಮಾಡಲು ಈ ಸಾಮಾಜಿಕ ಅಂತರವು ತುಂಬಾ ಸಹಾಯಕವಾಗಿದೆ. ಇದಕ್ಕಾಗಿ ಪೋಷಕರು ವೈಯಕ್ತಿಕ ವಸ್ತುಗಳನ್ನು ಹಂಚಿಕೊಳ್ಳುವುದನ್ನು ತಪ್ಪಿಸುವಂತೆ ಮಕ್ಕಳಿಗೆ ಹೇಳಬೇಕು. 

* ವ್ಯಾಕ್ಸಿನೇಷನ್

ಕರೋನಾವನ್ನು ತಡೆಗಟ್ಟಲು ವ್ಯಾಕ್ಸಿನೇಷನ್ ಅತ್ಯಂತ ಪರಿಣಾಮಕಾರಿ ಮಾರ್ಗವಾಗಿದೆ. ಕರೋನಾ ವಿರುದ್ಧದ ಈ ನಡೆಯುತ್ತಿರುವ ಹೋರಾಟದಲ್ಲಿ ವ್ಯಾಕ್ಸಿನೇಷನ್ ಪ್ರಮುಖ ಪಾತ್ರ ವಹಿಸುತ್ತಿದೆ. ನಿಮ್ಮ ಮಕ್ಕಳನ್ನು ಸುರಕ್ಷಿತವಾಗಿರಿಸಲು ಬಾಲ್ಯದ ವ್ಯಾಕ್ಸಿನೇಷನ್‌ಗಳ ಎಲ್ಲಾ ಹೊಸ ಮಾರ್ಗಸೂಚಿಗಳ ಕುರಿತು ಮಾಹಿತಿ ಪಡೆಯಿರಿ. ಮನೆಯಲ್ಲಿರುವ ಪ್ರತಿಯೊಬ್ಬರೂ ಸಂಪೂರ್ಣವಾಗಿ ಲಸಿಕೆಯನ್ನು ಹೊಂದಿದ್ದಾರೆಯೇ ಎಂದು ಪೋಷಕರು ಖಚಿತಪಡಿಸಿಕೊಳ್ಳಬೇಕು.

ಇದನ್ನೂ ಓದಿ: ಎದೆಯಲ್ಲಿರುವ ಕಠಿಣ ಕಫವನ್ನು ಕರಗಿಸುವ ಈ 'ಸೂಪರ್' ಮನೆಮದ್ದು..!