Viral News: ಇಲ್ಲಿ ಜಿರಳೆಗಳಿಂದ ಬಿಯರ್ ತಯಾರಿಸಲಾಗುತ್ತದೆ, ರುಚಿ ಹೇಗಿರುತ್ತೆ ಗೊತ್ತಾ..?

ಟೋಕಿಯೊ: ಆಹಾರ ಮತ್ತು ಪಾನೀಯ(Food and Drink)ದ ವಿಷಯದಲ್ಲಿ ವಿಚಿತ್ರವಾದ ವಿಷಯಗಳ ಬಗ್ಗೆ ಮಾತನಾಡುವಾಗ ಮೊದಲು ನೆನಪಾಗುವ ಹೆಸರೇ ಚೀನಾ. ಚೀನಾದಲ್ಲಿ ಜನರು ಕ್ರಿಮಿ-ಕೀಟಗಳನ್ನು ಖುಷಿ ಖುಷಿಯಿಂದ ಸೇವಿಸುತ್ತಾರೆ. ಚೀನಾದಲ್ಲಿ ಕೀಟಗಳಿಂದ ಸೂಪ್ ಸೇರಿದಂತೆ ಅನೇಕ ಭಕ್ಷ್ಯಗಳನ್ನು ತಯಾರಿಸಲಾಗುತ್ತದೆ. ಆದರೆ ಜಪಾನ್‌ನ ಪಾನೀಯವೊಂದರ ಬಗ್ಗೆ ಕೇಳಿದರೆ ನಿಮಗೆ ನಿಜಕ್ಕೂ ಆಶ್ಚರ್ಯವಾಗುತ್ತದೆ. ಇಲ್ಲಿ ಜನರು ಜಿರಳೆಗಳಿಂದ ತಯಾರಿಸಿದ ಬಿಯರ್(Cockroaches Beer) ಅನ್ನು ಕುಡಿಯುತ್ತಾರೆ.

ಇದನ್ನೂ ಓದಿ: Viral News: ಇಲ್ಲಿನ ಕಲ್ಲುಗಳು ತನ್ನಷ್ಟಕ್ಕೆ ತಾನೇ ಚಲಿಸುತ್ತವಂತೆ, ಇದುವರೆಗೆ ವಿಜ್ಞಾನಿಗಳಿಗೆ ಇದು ಯಕ್ಷಪ್ರಶ್ನೆಯಾಗಿದೆ

ಮೊದಲು ಕೀಟಗಳನ್ನು ಕೊಳೆಸುತ್ತಾರೆ..!

ಜಪಾನ್‌ನಲ್ಲಿ ಜನರು ಜಿರಳೆಗಳಿಂದ ತಯಾರಿಸಿದ ಬಿಯರ್ ಅನ್ನು ಬಹಳ ಉತ್ಸಾಹದಿಂದ ಕುಡಿಯುತ್ತಾರೆ. ಈ ಬಿಯರ್‌ನ ಹೆಸರು Insect Sour or Konchu Sour ಅಂತಾ. ಈ ವಿಶೇಷ ತಳಿಯ ಜಿರಳೆಯು ಸ್ವಚ್ಛವಾದ ನೀರಿನಲ್ಲಿ ಕಂಡುಬರುತ್ತದೆ. ಇದು ನೀರಿನಲ್ಲಿರುವ ಇತರ ಕೀಟಗಳು ಮತ್ತು ಮೀನುಗಳನ್ನು ತಿನ್ನುತ್ತದೆ. ಈ ಕೀಟಗಳು ಹೆಚ್ಚಿನ ಸಂಖ್ಯೆಯಲ್ಲಿ ದೀಪಗಳ ಸುತ್ತಲೂ ಸುತ್ತುತ್ತಿರುತ್ತವೆ. ಹೀಗಾಗಿ ಜಪಾನ್ ನಲ್ಲಿ ಈ ಕೀಟಗಳನ್ನು ದೀಪಗಳನ್ನು ಹಚ್ಚಿಟ್ಟು ಹಿಡಿಯುತ್ತಾರೆ. ಹೀಗೆ ಹಿಡಿದ ಕೀಟಗಳನ್ನು ಒಂದು ಕಡೆ ಸಂಗ್ರಹಿಸಿಡಲಾಗುತ್ತದೆ. ಇದರ ನಂತರ ಅವುಗಳನ್ನು ಬಿಸಿ ನೀರಿನಲ್ಲಿ ಕುದಿಸಿ ಕೊಳೆಸಲಾಗುತ್ತದೆ. ಮೂರ್ನಾಲ್ಕು ದಿನಗಳ ನಂತರ ಇದರ ರಸವನ್ನು ತೆಗೆದು ಬಿಯರ್ ತಯಾರಿಸಿ ಸೇವಿಸುತ್ತಾರೆ.   

ಇದನ್ನೂ ಓದಿ: Viral Video: ವಿಮಾನ ನಿಲ್ದಾಣದಲ್ಲಿ ಸ್ವಯಂಚಾಲಿತವಾಗಿ ಚಲಿಸಿದ ಸೂಟ್ಕೇಸ್!

ಮಾರುಕಟ್ಟೆಯಲ್ಲಿ ಭರ್ಜರಿ ಡಿಮ್ಯಾಂಡ್..!

ಗಂಡು ತೈವಾನೀಸ್ ಜಿರಳೆ(Cockroaches)ಯನ್ನು ಜಪಾನ್‌ನಲ್ಲಿ ತುಂಬಾ ರುಚಿಕರವೆಂದು ಪರಿಗಣಿಸಲಾಗುತ್ತದೆ. ಅಲ್ಲಿನ ಜನರು ಅದರ ರುಚಿಯನ್ನು ಬಹುತೇಕ ಹಣ್ಣಿನಂತೆ ವಿವರಿಸುತ್ತಾರೆ. ಇದನ್ನು ಉತ್ತಮ ಗುಣಮಟ್ಟದ ಸೀಗಡಿಗೆ ಹೋಲಿಸಲಾಗುತ್ತದೆ. ಈ ಕೀಟಗಳನ್ನು ಬೇಯಿಸಿ ತಿನ್ನಲಾಗುತ್ತದೆ ಅಥವಾ ಸೂಪ್ ಮತ್ತು ಮಸಾಲೆಯಾಗಿ ಬಳಸಲಾಗುತ್ತದೆ. ಪ್ರತಿ ಬಾಟಲಿಯ ಬಿಯರ್ ಬೆಲೆ ಸುಮಾರು 450 ರೂ. ಇರುತ್ತದೆ. ಮಾರುಕಟ್ಟೆಯಲ್ಲಿ ಈ ಬಿಯರ್ ಗೆ ಭರ್ಜರಿ ಡಿಮ್ಯಾಂಡ್ ಇದೆ. ಈ ಬಿಯರ್ ಅನ್ನು ಜಪಾನ್‌ನಲ್ಲಿ ‘ಕಬುಟೋಕಾಮಾ’ ಎಂಬ ಸಾಂಪ್ರದಾಯಿಕ ವಿಧಾನದಿಂದ ಬಟ್ಟಿ ಇಳಿಸಲಾಗುತ್ತದೆ. ಇದನ್ನು 20ನೇ ಶತಮಾನದ ಆರಂಭದಿಂದಲೂ ಇಲ್ಲಿನ ಜನರು ಸೇವಿಸುತ್ತಾ ಬರುತ್ತಿದ್ದಾರೆ.