Video Viral:ಉಕ್ರೇನ್ ಬಂಕರ್‌ನಲ್ಲಿ ಅಡಗಿರುವ ಭಾರತೀಯ ವಿದ್ಯಾರ್ಥಿ.. ಸಾಕು ನಾಯಿ ಜತೆ ಸ್ಥಳಾಂತರಕ್ಕೆ ಮನವಿ

ರಷ್ಯಾದ ಪಡೆಗಳು ಉಕ್ರೇನ್ (Ukraine) ಮೇಲೆ ದಾಳಿ ಮಾಡುತ್ತಿರುವ ಈ ಸಮಯದಲ್ಲಿ ರಿಷಭ್ ಎಂಬ ಭಾರತೀಯ ವಿದ್ಯಾರ್ಥಿ ಕೀವ್‌ನಲ್ಲಿ ತನ್ನ ಸಾಕು ನಾಯಿಯೊಂದಿಗೆ ಬಂಕರ್‌ನಲ್ಲಿ ಅಡಗಿಕೊಂಡಿದ್ದಾರೆ. ಅಲ್ಲಿನ ಭೀಕರತೆಯಿಂದ ಆತಂಕದಲ್ಲಿರುವ ಅವರು, ಸ್ಥಳಾಂತರಕ್ಕಾಗಿ ಮೊರೆ ಇಡುತ್ತಿರುವ ವಿಡಿಯೋ ವೈರಲ್ ಆಗಿದೆ.

ಇದನ್ನೂ ಓದಿ: ಉಕ್ರೇನ್ ಮೇಲೆ ಪರಮಾಣು ಬಾಂಬ್ ದಾಳಿಗೆ ಮುಂದಾದ್ರಾ ರಷ್ಯಾ ಅಧ್ಯಕ್ಷ ಪುಟಿನ್?

ರಾಜಧಾನಿ ಮತ್ತು ದೇಶದ ಇತರ ಭಾಗಗಳಲ್ಲಿ ಯುದ್ಧ ಪರಿಸ್ಥಿತಿಯ ನಡುವೆ ಉಕ್ರೇನ್‌ನ ಕೀವ್‌ನಲ್ಲಿ ಸಿಲುಕಿರುವ ಎಂಜಿನಿಯರಿಂಗ್ ವಿದ್ಯಾರ್ಥಿ ತನ್ನ ಸಾಕು ನಾಯಿ (Dog) ಇಲ್ಲದೆ ಭಾರತಕ್ಕೆ ಮರಳಲು ನಿರಾಕರಿಸಿದ್ದಾರೆ. ರಿಷಭ್ ಕೌಶಿಕ್ ಅವರು ವಿಡಿಯೋ ರೆಕಾರ್ಡ್ ಮಾಡಿದ್ದಾರೆ. ವಿಶೇಷ ವಿಮಾನದ ಮೂಲಕ ಸ್ಥಳಾಂತರಿಸಿದಾಗ ಅವರ ನಾಯಿಯು ಅವರೊಂದಿಗೆ ಬರಬಹುದು. ಆದರೆ ಅಧಿಕಾರಿಗಳು ಹೆಚ್ಚು ಹೆಚ್ಚು ದಾಖಲೆಗಳನ್ನು ಕೇಳುತ್ತಲೇ ಇರುತ್ತಾರೆ ಎಂದು ರಿಷಭ್ ಕೌಶಿಕ್ ಹೇಳಿದ್ದಾರೆ.  

ಫೇಸ್ ಬುಕ್ ಪೋಸ್ಟ್ ಪ್ರಕಾರ, ರಿಷಭ್ ಕೌಶಿಕ್ ಕಳೆದ ಮೂರು ವರ್ಷಗಳಿಂದ ಉಕ್ರೇನ್ ನಲ್ಲಿ (Russia Ukraine war) ಕಂಪ್ಯೂಟರ್ ಎಂಜಿನಿಯರಿಂಗ್ ಓದುತ್ತಿದ್ದಾರೆ. ಅವರ ಕುಟುಂಬ ಉಕ್ರೇನ್‌ನಲ್ಲಿ ವ್ಯಾಪಾರ ಹೊಂದಿದೆ. ಉಭಯ ದೇಶಗಳ ನಡುವಿನ ಸಂಘರ್ಷ ಉಲ್ಬಣಗೊಳ್ಳಬಹುದು ಎಂದು ಅವರ ಕುಟುಂಬ ಸದಸ್ಯರು ಅರ್ಥಮಾಡಿಕೊಂಡ ತಕ್ಷಣ, ಅವರು ದುಬೈಗೆ ತೆರಳಿದರು. ಅವರ ಕುಟುಂಬವು ತಮ್ಮೊಂದಿಗೆ ದುಬೈಗೆ  ಬರುವಂತೆ ರಿಷಭ್ ಕೌಶಿಕ್ ಅವರನ್ನು ಕೇಳಿಕೊಂಡರು ಆದರೆ ಅವರು ತಮ್ಮ ಸಾಕು ನಾಯಿಯನ್ನು ಬಿಟ್ಟು ಹೋಗಲು ನಿರಾಕರಿಸಿದರು. 

ಇದನ್ನೂ ಓದಿ: ರಷ್ಯಾ ವಿರುದ್ಧ ಹೋರಾಡಲು ಬಂದೂಕು ಹಿಡಿದ ಉಕ್ರೇನ್ ಸುಂದರಿ...!

ಕಳೆದೊಂದು ವರ್ಷದಿಂದ ರಿಷಭ್ ತನ್ನ ನಾಯಿ 'ಮಾಲಿಬು' ಜೊತೆ ವಾಸಿಸುತ್ತಿದ್ದು, ಕುಟುಂಬದೊಂದಿಗೆ ಒಂದೇ ವಿಮಾನದಲ್ಲಿ ಹೋಗಲು ಸಾಧ್ಯವಾಗಲಿಲ್ಲ. ಎರಡು ಮೂರು ದಿನಗಳಲ್ಲಿ ಭಾರತ ಸರ್ಕಾರ ಮತ್ತು ಸಂಬಂಧಪಟ್ಟ ಎಲ್ಲಾ ಇಲಾಖೆಗಳಿಂದ ಎನ್‌ಒಸಿ ತೆಗೆದುಕೊಂಡ ನಂತರ ತನ್ನ ನಾಯಿಯೊಂದಿಗೆ ಮನೆಗೆ ಮರಳುವುದಾಗಿ ರಿಷಬ್ ತನ್ನ ಕುಟುಂಬ ಸದಸ್ಯರಿಗೆ ತಿಳಿಸಿದ್ದಾರೆ.

ಕೆಳಗಿನ ವೈರಲ್ ವೀಡಿಯೊವನ್ನು ವೀಕ್ಷಿಸಿ:

ನಾಯಿಗಾಗಿ ಪ್ರಾಣವನ್ನೇಕೆ ಪಣಕ್ಕಿಟ್ಟ ರಿಷಭ್, ನಾನು ನನ್ನ ಪ್ರಾಣವನ್ನು ಅಪಾಯಕ್ಕೆ ಸಿಲುಕಿಸುತ್ತಿಲ್ಲ. ನಾನು ಪ್ರಸ್ತುತ ನನ್ನ ಹಾಸ್ಟೆಲ್‌ನಲ್ಲಿ ಸುರಕ್ಷಿತವಾಗಿದ್ದೇನೆ. ನನ್ನ ನಾಯಿಯನ್ನು ಭಾರತಕ್ಕೆ ಕರೆತರಲು ದಾಖಲೆಗಳ ನಂತರವೂ ಮಾತನಾಡಲು ಸಿದ್ಧರಿಲ್ಲದ ಭಾರತ ಸರ್ಕಾರದ ಅಧಿಕಾರಿಗಳಿಗೆ ನನ್ನ ವಿನಂತಿಯನ್ನು ತಲುಪಿಸಲು ನಾನು ಬಯಸುತ್ತೇನೆ. ಅವರು ದೆಹಲಿ ವಿಮಾನ ನಿಲ್ದಾಣ ಮತ್ತು ಕೀವ್ ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯ ಅಧಿಕಾರಿಗಳನ್ನು ದೂರವಾಣಿಯಲ್ಲಿ ಸಂಪರ್ಕಿಸಿದರೂ ಅವರು ಯಾವುದೇ ಸಹಾಯವನ್ನು ನೀಡಲಿಲ್ಲ ಎಂದು ಅವರು ಈ ವಿಡಿಯೋದಲ್ಲಿ ಹೇಳಿದ್ದಾರೆ.